प्रदेश-२ बिरुद्ध बागमतीको रोमान्चक जित



रोमान्चक खेलमा प्रदेश-२ लाई ५ विकेटले पराजित गर्दै बागमती प्रदेशले प्रधानमन्त्री कप टि-२० राष्ट्रिय प्रतियोगितामा दोश्रो जित दर्ता गरेको छ। बागमतीले यस अघि लुम्बिनी प्रदेशलाई पराजित गरेको थियो। जितपछि ३ खेलमा २ जित र १ हार बेहोरेको बागमतीले सेमीफाइनल सम्भावना बलियो बनाएको छ। एपीएफ ४ वटै जितको साथ समुह ‘बि’ बाट विजेताको रुपमा सेमीफाइनल पुगीसकेको छ।

टियु अन्तर्राष्ट्रिय मैदान किर्तिपुरमा प्रदेश-२ ले दिएको १५६ रनको लक्ष्य पछ्याएको बागमतीले १९.४ ओभरमा ५ विकेट गुमाएर लक्ष्य पुरा गर्यो।

लक्ष्य पछ्याउने क्रममा सुबास खकुरेलले सुरुवातमा ९ बलमा ४ चौका मद्दतले २० रन बनाए। खकुरेल तेश्रो ओभरमा प्रतिक यादवबाट क्याच आउट भए त्यसपछि आदील खान ५ रन बनाएर आउट भए। तेश्रो विकेटको लागि इशान पाण्डे र ज्ञानेन्द्र मल्लले ३२ रन जोडे। १३ बलमा ४ चौका मद्दतले २० रन बनाएका मल्ल एघारौं ओभरमा जितेन्द्र यादवबाट क्याच आउट भए। चौंथो विकेटको लागि इशानले लकी कठाएतसंग ५१ रन जोडे। ३१ बलमा २ चौका र १ छक्का मद्दतले ३२ रन बनाएका इशानलाई सत्रौं ओभरमा जितेन्द्र यादवले क्याच आउट पारे। त्यसपछि लगत्तै ओभरमा
२६ बलमा ४ चौका मद्दतए २८ रन बनाएका लकीलाई बिबेक यादवले क्याच आउट पारे।

अन्तिम १७ बलमा बागमतीलाई जित्न ३३ रन आवस्यक हुँदा अठारौं ओभरमा बिबेक यादवको ओभरमा प्रतिश जिसीले दुई छक्का प्रहार गरे। उक्त ओभरमा यादवले १६ रन खर्चिए। त्यसपछि उन्नाईसौं ओभरमा नन्दन यादवले एउटा छक्का प्रहार गरे जुन ओभरमा ८ रन बन्यो। अन्तिम ओभरमा जित्न ९ रन आवस्यक हुँदा पहिलो बलमै बिबेक यादवलाई छक्का प्रहार गरे। त्यसपछिको तिन बलमा एक/एक रन लिंदै बागमती जितसम्म पुग्यो। प्लेयर अफ द म्याच चुनिएका प्रतिशले ७ बलमा ३ छक्का मद्दतले अविजित २२ तथा नन्दनले १० बलमा १ चौका र १ छक्का मद्दतले अविजित १५ रन बनाए।

प्रदेश-१ का बलर जितेन्द्र यादवले दुई तथा प्रतिक यादव, हरि शंकर शाह र बिबेक यादवले समान एक विकेट लिए।

यस अघि टस जितेर ब्याटिंग गरेको प्रदेश-२ ले २० ओभरमा ६ विकेट क्षेतीमा १५५ रन बनाएको थियो।

प्रदेश-२ को लागि ओपनर हरिशंकर शाहले सर्वाधिक ५६ रन बनाए जुन क्रममा अविजित रहँदै ५४ बलमा ५ चौका र १ छक्का प्रहार गरे। बिबेक यादवले २८, हसिम अन्सारीले अविजित २६, आदील आलमले १२ तथा सन्तोष कार्कीले १० रन बनाए। हरिशंकरले सन्तोषसंग ४० रनको ओपनिंग साझेदारी, बिबेकसंग चौंथो विकेटको लागि ४३ रनको तथा सातौं विकेटको लागि हसिमसंग ४० रनको साझेदारी गरे।

बागमतीको बलिंगमा रिजन ढकाल ( ४-०-३१-२ ) र बिपिन आचार्यले ( ३-०-१८-२ ) समान दुई विकेट तथा प्रतिश जिसी र सुबाश खत्रीले समान एक विकेट लिए।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]