प्रदेश-२ लाई यु-१६ अन्तर-प्रदेश उपाधि, सुवास ऐर प्रतियोगिताकै उत्कृस्ट



  • विकेटनेपाल, बैशाख २४ 

प्रदेश-२ ले मनमोहन मेमोरियल अन्डर-१६ अन्तर प्रदेश क्रिकेट प्रतियोगिताको उपाधि जितेको छ।

टियु मैदानमा मंगलबार सम्पन्न फाइनल खेलमा प्रदेश-७ ( सुदुरपश्चिम ) लाई ४ विकेटले पराजित गर्दै प्रदेश-२ ले उपाधि जितेको हो।

उपाधि सहित प्रदेश-२ ले २ लाख ५० हजार रुपैयाँ तथा २ लाख ५० हजारको खेलकुद सामग्री पनि प्राप्त गर्यो। उपविजेता प्रदेश-७ ले १ लाख २५ हजार नगद र सो सरहको खेलकुद सामग्री पनि प्राप्त गर्यो।

प्रतियोगिताको उत्कृस्ट खेलाडी प्रदेश-७ का कप्तान सुवास ऐर चुनिए। प्रदेश-३ का अइस भट्टराई उत्कृस्ट ब्याट्सम्यान तथा प्रदेश-३ कै दिपक बोहरा उत्कृस्ट बलर चुनिए भने उदयमान खेलाडीको अवार्ड भार्गव चतौटले पाए। सुवास, अइस र दिपक ३ जनानै अन्डर-१६ राष्ट्रिय क्रिकेटर हुन् ।

Player of the Series (Suwash Ayer)

फाइनल खेलमा टस जितेर पहिले ब्याटिंग गर्दै प्रदेश-७ ले दिएको १३४ रनको लक्ष्य प्रदेश-२ ले २६.३ ओभरमा ६ विकेट गुमाएर पुरा गर्यो।

जितमा प्रदेश-२ का ओपनर रोहण बिकले सर्वाधिक ३६, बिशाल पटेलले अविजित २८ र निखिल सिंहले २७ रन बनाए। प्रदेश-७ का बलर आशिष भट्टले ३ विकेट ( ६-०-९-३ ) लिए।

लक्ष्य पछ्याउने क्रममा ७८ रनमा ५ विकेट गुमाएको अवस्थामा छैठौं विकेटको लागि निखिल सिंह र बिशाल पटेलले ४१ रनको साझेदारी टिमलाई जित नजिक पुर्याएका थिए।

यस अघि पहिले ब्याटिंग गर्ने क्रममा प्रदेश-७ का कप्तान सुवास ऐरले सर्वाधिक ४७ रन बनाएका थिए। ५४ बलमा ऐरले ७ चौका प्रहार गरे। यस्तै सन्दिप बिस्टले २८ र आशिष भट्टले २१ रन बनाए। प्रदेश-२ बलर बि पटेल र निखिल सिंहले ३/३ विकेट लिए।

निखिल सिंह खेलको प्लेयर अफ द म्याच चुनिए।

Emerging Player – Bhargav Chataut
Best bowler(Deepak Bohora)
(Best Bastman)Aaish Bhattarai





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]