प्रधानमन्त्री कपको सेमीफाइनल समीकरण पुरा, एपीएफलाई पारस कप्तानीको प्रदेश-३ ले पछि पार्यो



पारस खड्का र ज्ञानेन्द्र मल्लको आगमनले बलियो बनेको प्रदेश-३ विभागीय टोलि एपीएफलाई पछि पार्दै समुह ‘ए’ को विजेताको रुपमा सेमीफाइनल प्रवेश गरेको छ। एपीएफ समुह उप-विजेताको रुपमा सेमीफाइनल प्रवेश गर्यो। समान ६/६ अंक रहे पनि नेट-रन रेटमा एपीएफलाई प्रदेश-३ ले उछिन्यो।

यसको साथै प्रतियोगिताको सेमीफाइनल समीकरण समेत पुरा भएको छ। समुह ‘बि’ बाट यस अघिनै नेपाल पुलिस क्लब समुह विजेता र त्रिभुवन आर्मी क्लब उप-विजेताको रुपमा सेमीफाइनल प्रवेश गरेको छ।

प्रतियोगिताको सेमीफाइनल खेल बुधबार देखि सुरु हुनेछ। पहिलो सेमीफाइनलमा बुधबार ( जेठ २२ ) समुह ‘ए’ विजेता प्रदेश-३ र समुह ‘बि’ उपविजेता त्रिभुवन आर्मी क्लबले तथा बिहिबार ( जेठ २३ ) हुने दोश्रो सेमीफाइनलमा समुह बि विजेता नेपाल पुलिस क्लबले समुह बि उप-विजेता शशस्त्र प्रहरी बलको सामना गर्नेछ।

नेपाल पुलिस क्लब समुह ‘बि’ को विजेताको रुपमा सेमीफाइनल प्रवेश गर्यो

प्रतियोगिताको अघिल्लो संस्करणमा पनि ३ वटै विभागीय टोलि सेमीफाइनल पुगेका थिए भने प्रदेश-५ चौथो टिम रहेको थियो। तेश्रो संस्करणसम्म पनि विभागीय टोलि बाहेक टिम फाइनल भने पुग्न सकेको छैन। पहिलो संस्करणको उपाधि पुलिस र आर्मीले संयुक्तरुपमा जितेको थियो भने दोश्रो संस्करणमा एपीएफले आर्मीलाई पराजित गर्दै उपाधि जितेको थियो।

सुर्य तामांग र इशान पाण्डे चम्किदा प्रदेश-३ को सहज जित 

मुलपानी मैदानमा सम्पन्न खेलमा टस जितेर ब्याटिंग गरेको सुदुरपश्चिमले दिएको १५५ रनको लक्ष्य प्रदेश-३ ले ४ विकेट गुमाएर ३३.२ ओभरमा भेटायो।

ओपनर रित गौतम ११ र रबिन जोशी १३ रन बनाएर आउट भए पछि तेश्रो विकेटको लागि इशान पाण्डे र कप्तान पारस खड्काले तेश्रो विकेटको लागि ४९ रनको साझेदारी गरेका थिए।

पारस २६ रन ( १९ बलमा ४ चौका ) बनाएर आउट भए पछि इशानले आदील खानसंग चौथो विकेटको साझेदारीको रुपमा ५० रनको साझेदारी गरे। इशान ५३ रन ( ८४ बलमा ६ चौका ) बनाएर आउट हुँदा प्रदेश-३ जित नजिक पुगीसकेको थियो। आदील ३३ रन तथा जितेन्द्र सिंह ठकुरी १२ रन बनाएर अविजित रहँदै टिमलाई जितसम्म पुर्याए।

सुदुरपश्चिमको बलिंगमा महेश अधिकारी, बिनोद लामा, शेर मल्ल र विकास आग्रीले १/१ विकेट लिए।

यस अघि सुदुरपश्चिमको ब्याटिंगमा ओपनर खडक बोहराले सर्वाधिक ४०, रोशन अधिकारीले २७ तथा नरेश बोहराले २६ रन बनाएका थिए। प्रदेश-३ का देब्रे हाते स्पिनर सुर्य तामांगले ३ विकेट लिंदा १० ओभरमा २ मेडन ओभर गर्दै २६ रन मात्र खर्चिए। प्रतिश जिसी २ ( १०-०३७-२ ) र जितेन्द्र ठकुरीले ( ६-१-१७-२ ) २/२ तथा नन्दन यादब र पारस खड्काले १/१ विकेट लिए।
स्कोरकार्ड  अंकतालिका 

Player of the Match Surya Tamang

प्रतियोगिता अन्तर्गत प्रदेश-३ ले पहिलो खेलमा एपीएफसंग ४१ रनको हार बेहोरेको थियो जसपछि लगातार ३ जित हात पार्ने क्रममा प्रदेश-५ लाई ६ विकेटले, गण्डकीलाई ७ विकेटले र सुदुरपश्चिमलाई ६ विकेटले पराजित गर्यो।

 

 





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]