महिला प्रम कप : रोमान्चक खेलमा प्रदेश-१ विजयी



दाङमा जारी प्रधानमन्त्री कप महिला राष्ट्रिय टि-२० प्रतियोगिता अन्तर्गत समुह ‘बि’ को तेश्रो खेलमा प्रदेश नम्बर-१ ले लगातार दोश्रो जित दर्ता गर्ने क्रममा सुदूरपश्चिम प्रदेशलाई ५ विकेटले पराजित गरेको छ।

लमही क्रिकेट मैदानमा सम्पन्न खेलमा सुदूरपश्चिमले दिएको ५४ रनको लक्ष्य प्रदेश-१ ले १५.१ ओभरमा ५ विकेट गुमाएर पुरा गर्यो। स्कोरकार्ड  ,अंकतालिका

रोमान्चक बनेको खेलको अन्तिम ४ ओभरमा जितको लागि १० रन मात्र आवस्यक रहेको बेला सुदूरपश्चिमले कसिलो बलिंग गर्दा प्रदेश-१ लाई जितको खतरा रहेको थियो। १३ औं ओभरमा कविता कुँवरले तथा १४ औं ओभरमा सम्झना खड्काले मेडन ओभर गर्दा खेल रोमान्चक मोडमा पुगेको थियो। १५ औं ओभरमा बलिंग गर्ने क्रममा डलि भट्टले २ वाइड सहित ६ रन खर्चदा अन्तिम ओभरमा जित्न ४ रन आवस्यक थियो। तर अन्तिम ओभरको पहिलो बलमा निगिमा तामांगले सम्झनाको बललाई चौका प्रहार गर्दै टिमलाई जित दिलाईन्।

लक्ष्य पछ्याउने क्रममा प्रदेश-१ ओपनर रुबिना क्षेत्री र काजल श्रेष्ठले १६ रनको साझेदारी गरेका थिए। चौथो ओभरमा रुबिना र काजललाई दिपा जोराले पेभेलियन फर्काईन्। त्यसपछि मध्यक्रममा रोमा थापा ५, अप्सरी बेगम ९ तथा लकिता राजबंशी ३ रन बनाएर आउट हुँदा टिम दबाबमा थियो। निगिमा तामांगले अविजित ७ तथा संगीता राईले अविजित २ रन बनाईन्।

सुदूरपश्चिमले अतिरिक्त रन मार्फत दिएको १५ रन प्रदेश-१ को जितमा निकै महत्वपूर्ण योगदान रह्यो जसमा १४ वटा वाइड सामेल थियो।

सुदूरपश्चिमको बलिंगमा दिपा जोरा ( ३-०-१८-२ ) ले सर्वाधिक २ विकेट तथा कविता कुँवर ( ४-१-१२-१ ) र कविता जोशी ( ३-०-८-१ ) ले समान १/१ विकेट लिए। ऋतु कनौजिया विकेटविहिन रहेता पनि ३ ओभरमा मात्र ५ रन खर्चिन्।

यस अघि टस जितेर ब्याटिंग गरेको सुदूरपश्चिमले निर्धारित १६ ओभरमा ८ विकेट गुमाएर ५३ रन बनाएको थियो।

सुदुरपश्चिमको ब्याटिंगमा कविता जोशीले सर्वाधिक १४ रन बनाईन्। उनि बाहेक अन्य खेलाडीले दोहोरो अंकमा रन बनाउन सकेनन्। लक्ष्मी साउदले अविजित ९, रेवती धामीले ८, डली भट्टले ५ रन योगदान दिईन्।

लगातार विकेट गुमाएको सुदूरपश्चिमले २६ रनमा ७ विकेट गुमाएको थियो। त्यसपछि कबिता जोशीले आठौँ विकेटको लागि डली भट्टसंग १० रन तथा नवौं विकेटको लागि लक्ष्मी साउदसंग अविजित १७ रनको साझेदारी गर्दै टिमलाई सम्मानजनक योगफलतर्फ डोर्याइन्।

प्रदेश-१ को बलिंगमा संगीता राईले सर्वाधिक ३ विकेट हात पारिन्। सबनम राईले २ तथा रुबिना क्षेत्री र निगिमा तामांगको नाममा १/१ विकेट रह्यो। सबनमले हात पारेको तिन वटै विकेट नवौं ओभरमा थियो जुन ओभरमा उनले मन्जु बोकटि, ऋतु कनोजिया र बिन्दु रावलको विकेट लिएकी थिईन्।

सुदूरपश्चिमले आफ्नो पहिलो खेलमा हिजो गण्डकी प्रदेशलाई ६० रनले पराजित गरेको थियो भने प्रदेश-१ ले हिजो बागमती प्रदेशलाई ४६ रनले पराजित गरेको थियो।

दिनको दोश्रो खेलमा समुह ‘बि’ अन्तर्गत गण्डकी प्रदेश र बागमती प्रदेशले प्रतिस्पर्धा गर्नेछ। खेलमा पराजित हुने टिमको सेमीफाइनल सम्भावना समाप्त हुनेछ।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]