अन्सारीको विस्फोटक ब्याटिंग, प्रदेश-२ को अपत्यारिलो जित



आदील अन्सारीले विस्फोटक ब्याटिंग गर्दा एकदिवसीय यु-१९ राष्ट्रीय प्रतियोगिता अन्तर्गत कीर्तिपुरस्थित टियु क्रिकेट मैदानमा भएको तेस्रो दिनको खेलमा प्रदेश-२ ले सुदुरपश्चिममाथि २ विकेटको अपत्यारिलो जित दर्ता गरेको छ ।

२९१ रनको विशाल लक्ष्य पछ्याएको प्रदेश-२ ले अन्तिम ओभरको पहिलो बलमा ८ विकेट गुमाएर लक्ष्य पुरा गर्यो । प्रदेश-२ को जितमा आदील अन्सारीले विस्फोटक ८७ रनको अविजित पारि खेले । यस्तै, अमित यादवले ४९ तथा गुल्शन झाले ४६ रनको योगदान दिए ।

ओपनरद्वय सन्तोष कार्की र रोहन बिकले ४७ रनको आक्रामक ओपनिंग साझेदारी गरे । बिक आउट भएपछि सुदुरपश्चिमका बलरहरु खेलमा हावी हुँदा प्रदेश-२ ले ९२ रनको योगफलमा ५ विकेट गुमाउँन पुग्यो ।

त्यसपछि गुल्शन झा र अमित यादवले छैटौं विकेटका लागि ९३ रनको साझेदारी गर्दै प्रदेश-२ को इनिंग्स उकासे । लोकेश बमले ३६ औं ओभरमा गुल्शनलाई आउट गर्दै साझेदारी तोडे । लगत्तै ओभरमा अमित यादव पनि हेमन्त धामीको बलिंगमा आउट भएपछि प्रदेश-२ थप दबाबमा परेको थियो ।

त्यसपछि दबाबमा आदील अन्सारी र प्रदिप पासवानले नवौं विकेटका लागि ७८ रनको अविश्वसनीय साझेदारी गर्दै प्रदेश-२ लाई रोमान्चक जित दिलाए ।आदीलले ४३ बलमा ७ चौका र ६ छक्काको मद्धतमा ८७ रनको विस्फोटक अविजित पारि खेले । यस्तै, प्रदिप पावासवानले २५ बलमा अविजित ९ रन बनाएर उनको साथ दिए ।

सुदुरपश्चिमको बलिंगमा शेर मल्ल र नरेन्द्र साउदले समान ३ विकेट लिए । यस्तै, हेमन्त धामी र लोकेश बमको नाममा समान १ विकेट रह्यो ।

यसअघि टस हारेर ब्याटिंगको निम्तो पाएको सुदुरपश्चिमले ४१.४ ओभरमा सबै विकेट गुमाएर २९० रन बनाउँदै प्रदेश-२ लाई २९१ रनको विशाल लक्ष्य प्रस्तुत गरेको थियो ।

सुदुरपश्चिमको लागि अर्जुन साउदले प्रतियोगिताकै पहिलो शतक बनाउने क्रममा सर्वाधिक ११६ रन बनाए जुन क्रममा उनले ८५ बलमा १४ चौका र ५ छक्का प्रहार गरे। यस्तै लोकेश बमले ७३ बलमा १३ चौका र १ छक्का मदतले ८१ रन बनाए। नरेश भट्टले ३०, बसन्त कार्कीले २७ तथा गजेन्द्र बोहराले १६ रन बनाए।

१९ रनमा २ विकेट गुमेको अवस्थामा अर्जुनले तेश्रो विकेटको लागि नरेशसंग ६३ रनको तथा त्यसपछि लोकेशसंग चौंथो विकेटको लागि १४२ रनको साझेदारी गरेका थिए। लोकेश र अर्जुन आउट भएपछि भने सुदुरपश्चिमले लगातार विकेट गुमायो। फलस्वरुप २६३/४ को अवस्थाबाट थप २७ रन जोड्दा उसले पुरै विकेट गुमाउन पुग्यो।

प्रदेश-२ का बलर प्रदिप पासवानले ३ विकेट ( ४.४-१-३१-३ ) लिए भने बिबेक यादव ( ७-०-५६-२ ) र अजय यादवले ( ६-०-४०-२ ) समान २ विकेट लिए। आदील अन्सारी ( ५-०-५३-१ ) , तृत राज दासले ( ४-०-३१-१ ) समान एक विकेट लिए।





थप समाचार

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]

रोहित राष्ट्रिय टिमको उपकप्तान

रास्ट्रिय क्रिकेट टिमका माथिल्लो क्रमका युवा ब्याट्सम्यान रोहित पौडेल नेपाली राष्ट्रिय क्रिकेट टिमको उपकप्तान नियुक्त भएका छन्। नेपाल क्रिकेट संघले […]