T20 WC : पहिलो चरण समाप्त, यी हुन् दोश्रो चरण पुग्न सफल ४ टिम



युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर २३ ) देखि दोश्रो चरण अर्थात् सुपर-१२ चरणको खेलहरु सुरु हुनेछन्।

समुह चरण अन्तर्गतको खेलहरु पछि समुह ‘ए’ बाट समुह विजेताको रुपमा श्रीलंका तथा उपविजेताको रुपमा नामिबिया सुपर-१२ चरण प्रवेश गर्यो। समुह ‘बि’ बाट विजेताको रुपमा स्कटल्याण्ड तथा उपविजेताको रुपमा बंगलादेश सुपर-१२ चरण प्रवेश गर्यो। सुपर-१२ पुग्न सफल राष्ट्रहरु २०२२ मा अस्ट्रेलियामा हुने टि-ट्वान्टी विश्वकपमा समेत स्वतः छनोट भएका छन्।

स्कटल्याण्ड र नामिबिया पहिलो पटक विश्वकपको दोश्रो चरण प्रवेश गर्न सफल भएका हुन्। श्रीलंका र आयरल्याण्डले समुह चरणको सबै तिन खेल जित्न सफल भयो भने बंगलादेश र नामिबियाले तिन खेलमा २ जित र १ हार बेहोर्यो।

टेस्ट रास्ट्र आयरल्याण्ड सहित नेदरल्याण्ड, पपुवा न्युगिनी र आयोजक ओमान भने पहिलो चरणबाटै बाहिरियो। पपुवा न्यु गिनी र नेदरल्याण्ड तिनवटै खेलमा पराजित भयो भने आयरल्याण्ड र ओमानले तिन खेलमा समान दुई हार र एक जित दर्ता गरे।

सुपर-१२ चरण अन्तर्गत १२ वटा टिमहरुले ६/६ वटा टिमको दुईवटा समुहमा रहेर प्रतिस्पर्धा गर्नेछन्। समुह ‘१’ मा श्रीलंका र बंगलादेश सहित अस्ट्रेलिया, दक्षिण अफ्रीका, वेस्टइन्डिज र इंग्ल्यान्ड छन्। समुह ‘२’ मा स्कटल्याण्ड र नामिबिया सहित पाकिस्तान, भारत, न्युजिल्यान्ड र अफगानिस्तान छन्। दुवै समुहमा रहेका टिमहरुले एक-अर्का बिरुद्ध एक/एक खेल खेलेपछि समुहको उत्कृस्ट हुने दुई टिम सेमीफाइनल प्रवेश गर्नेछ।

सुपर-१२ चरण अन्तर्गत पहिलो खेल शनिवार ( अक्टोबर २३ ) मा बेलुका ३:४५ बजे अस्ट्रेलिया र दक्षिण अफ्रीका प्रतिस्पर्धा गर्नेछन्। दिनको दोश्रो खेल राति ७:४५ बजे इंग्ल्यान्ड र डिफेन्डिङ च्यापियन वेस्टइन्डिज बीच हुनेछ। अक्टोबर २४ तारिखमा श्रीलंका र बंगलादेश तथा भारत र पाकिस्तान प्रतिस्पर्धा गर्नेछन्। खेलतालिका हेर्नुस 





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]