पाकिस्तानलाई निराश पार्दै बंगलादेश एसिया कपको फाइनलमा



  • विकेटनेपाल, असोज ११ – बिहिबार 

भारत र पाकिस्तान बीच एसिया कपको फाइनलमा भेट हेर्ने फ्यानहरुको चाहना पुरा नहुने भएको छ। फाइनल पुग्न  जित्नै पर्ने खेलमा बंगलादेशसंग ३७ रनले पराजित भएपछि पाकिस्तानको एसिया कप यात्रा सुपर-४ चरणमा टुंगिएको हो।

सुपर-४ को खेलहरु भारत सबै ३ खेलमा जित सहित र बंगलादेश २ जित र १ हार सहित क्रमसः अंकतालिकामा पहिलो र दोश्रो हुँदै फाइनल प्रवेश गरेको छ। १४ औं संस्करणको एसिया कप फाइनल शुक्रबार भारत र बंगलादेश बीच खेलिनेछ।

अन्तिम ४ एसिया कपमा ३ पटक बंगलादेशले फाइनलको यात्रा तय गरेको छ। सन् २०१२ मा पाकिस्तानसंग, सन् २०१६ र २०१८ मा बंगलादेशले फाइनल खेलेपनि उपाधि भने जित्न सकेको थिएन।

मुस्तफिजुरको शानदार बलिङ्ग

पहिले ब्याटिंग गर्दै बंगलादेशले दिएको २४० रनको लक्ष्य पछ्याउने क्रममा पाकिस्तानले ५० ओभरमा ९ विकेट गुमाएर २०२ रन मात्रै बनाउन सक्यो।

प्लेयर अफ द म्याच चुनिएका मुस्तफिजुर रहमानले ४ विकेट ( १०-२-४३-४ ) तथा मेहदी हसनले २ विकेट ( १०-१-२८-२ ) लिंदै पाकिस्तानी माथिलो क्रम ध्वस्त बनाएका थिए।

पहिलो ३ विकेट १८ रनमै गुमाएको बेला ओपनर इमाम उल हक पाकिस्तानको आशा बनेका थिए। हकले शोएब मलिकसंग चौथो विकेटको लागि ६७ रनको तथा छैठौं विकेटको लागि आसिफ अलिसंग ७१ रनको साझेदारी गरे। मलिक ३० तथा आसिफ ३१ रन बनाएर आउट हुन पुगे।

४१ औं ओभरमा इमाम पनि ८३ रन बनाएर आउट भएपछि पाकिस्तानको जितको आशा चकनाचुर हुन पुग्यो। १०५ बलमा हकले २ चौका र १ छक्का प्रहार गरे।

१६५/५ को योगफलबाट ३७ रन जोड्दा पाकिस्तानले बाँकी ४ विकेट गुमाउन पुग्यो र निर्धारित ५० ओभर ब्याटिंग गरे पनि २०२ रन मात्रै बनाउन सक्यो। रुबेल हुसेन, महमदुल्लाह, सौम्य सरकारले पनि समान १/१ विकेट लिए।

बंगलादेशको ब्याटिंग 

बंगलादेशले पहिले ब्याटिंग गर्दै ४८.५ ओभरमा सम्पूर्ण विकेट गुमाउदै २३९ रनको योगफल तयार गरेको छ।

टस जितेर ब्याटिंग गर्दै शेख जायद स्टेडियममा खराब सुरुवात गर्दै बंगलादेशले सुरुवाती ३ विकेट ४.२ ओभरमा गुमाउन पुग्यो। लिटोन दास ( ६ ) , सौम्य सरकार ( ० ) र मोमिनुल हक ( ५ ) आउट हुँदा दबाबमा परेको बंगलादेशी इनिंगलाई चौथो विकेटको लागि शतकीय साझेदारी गर्दै मुस्फिकर रहिम र मोहम्मद मिथुनले उकासे।

मिथुन ६० रन ( ८४ बल, ४ चौका ) बनाएर ३४ औं ओभरमा आउट हुनु अघि रहिमसंग १४४ रनको साझेदारी गरे।

मिथुन आउट भए पछि ४२ औं ओभरमा रहिमले पनि शतक बनाउन १ रन बाँकी हुँदा विकेट गुमाउन पुगे। रहिमले ११६ बलमा ९ चौका प्रहार गर्दै बंगलादेशलाई सम्मानजनक स्कोरतर्फ डोर्याए।

अन्त्यमा महमुदुल्लाहले २५, मेहदी हसनले १२ तथा मश्रफे मुर्तजाले १३ रन योगदान दिंदा बंगलादेशले ४८.५ ओभरमा सबै विकेट गुमाएर २३९ रनको योगफल तयार गर्यो।

पाकिस्तानी बलर जुनैद खानले सर्वाधिक ४ विकेट ( ९-१-१९-४ ) हात पार्दा शाहिन अफ्रिदी ( १०-१-४७-२ ) ताथ हसन अलि ( ९.५-०-६०-२ ) ले समान २/२ विकेट र शदाब खानले १ विकेट लिए।





थप समाचार

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]