न्युजिल्यान्ड भ्रमणमा पुगेको पाकिस्तान टिमको ६ सदस्यमा देखियो कोरोना



पाकिस्तानी क्रिकेट टिम टि-२० र टेस्ट सिरिजको लागि न्युजिल्यान्ड भ्रमणमा रहेको छ। पाकिस्तान टिम नोभेम्बर २४ तारिखमा न्युजिल्यान्ड पुगे पछि गराइएको कोरोना भाइरस टेस्टमा पाकिस्तान टिमको ६ सदस्यमा कोरोना भाइरस संक्रमण पाइएको छ। न्युजिल्यान्ड क्रिकेट बोर्डले यसबारे जानकारी गराएको हो।

रिपोर्टका अनुसार ४ जना सदस्यहरुमा पहिलो पटक कोरोना संक्रमण देखिएको हो भने २ जना सदस्यमा भने दोश्रो पटक कोरोना देखिएको हो।

आईसीसीका अनुसार ६ सदस्यमा कोरोना देखिएको बताईएको भएता पनि सबै ६ जना खेलाडी मात्रै हुन् या भ्रमण टोलिको अन्य सदस्यहरु पनि हुन् बताईएको छैन। संक्रमितहरुलाई अब आइसोलेसनमा राखिनेछ।


न्युजिल्यान्ड भ्रमणमा जानु अघि सबै सदस्यहरुको लाहोरमा ४ पटक कोरोना टेस्ट गराइएको थियो जसको नतिजा सबैको नेगेटिभ आएको थियो। फखार जमान बिरामी भएका कारण उनलाई नलिई टिम न्युजिल्यान्ड पुगेको थियो।

पाकिस्तान टिमले अब व्यवस्थित आइसोलेसन सुबिधामा रहेर अभ्यास गर्ने बताईएको छ। तर तत्कालको लागि त्यसलाई रोकेर कसरि खेलाडीहरु संक्रमित भए अनुसन्धान गरिने भएको छ।

भ्रमण अन्तर्गत ३ वटा टि-२० को सिरिज डिसेम्बर १८ देखि सुरु हुनेछ। यस्तै २ वटा टेस्टको सिरिज डिसेम्बर २६ देखि सुरु हुने तालिका रहेको छ। त्यस अघि डिसेम्बर १० र १७ तारिखमा पाकिस्तान ‘ए’ र न्युजिल्यान्ड ‘ए’ टिम बीच ४ दिवसीय खेल खेल्ने तालिका रहेको छ।





थप समाचार

बागमतीको दोश्रो जित, सुदूरपश्चिम विशाल अन्तरले पराजित

प्रधानमन्त्री कप एकदिवसीय राष्ट्रिय प्रतियोगिता अन्तर्गत ज्ञानेन्द्र मल्ल कप्तानीको बागमती प्रदेशले लगातार दोश्रो जित दर्ता गर्ने क्रममा सुदूरपश्चिम प्रदेशलाई १८० […]

बिग ब्यास : सिड्नी बिरुद्ध सन्दिप विकेटविहिन

अस्ट्रेलियामा जारि बिग ब्यास लिग अन्तर्गत सिजनको पाँचौ खेल खेल्ने क्रममा सन्दिप विकेटविहिन भएका छन्। होबार्टको प्रतिनिधित्व गरिरहेका सन्दिप सिड्नी […]

गण्डकीको जितमा विशालको ह्याट्रिक, प्रदेश-१ को लगातार दोश्रो हार

प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन समूह ‘ए’ अन्तर्गतको खेलमा गण्डकी प्रदेशले प्रदेश-१ लाई २ विकेटले पराजित गर्दै […]

पृथु र आदील चम्किदा बागमतीद्वारा सुदूरपश्चिमलाई ३०० रनको लक्ष्य

काठमाडौँमा जारी प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन समुह ‘बि’ अन्तर्गतको खेलमा बागमती प्रदेश र सुदूरपश्चिम प्रदेश प्रतिस्पर्धा […]

बिशालले ह्याट्रिक लिंदा प्रदेश-१ १०२ रनमै सिमित

देब्रे हाते स्पिनर बिशाल पौडेलले ह्याट्रिक लिंदा गण्डकी प्रदेशले प्रदेश-१ लाई १०२ रनमै सिमित गरेको छ। प्रधानमन्त्री कप एकदिवसीय राष्ट्रिय […]

प्रम कप : आज दुईवटा खेलहरु हुँदै

काठमाण्डौमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन दुईवटा खेलहरु हुनेछन्। टियु मैदानमा समुह ‘बि’ अन्तर्गत बागमती प्रदेश […]