इंग्ल्यान्ड बिरुद्ध टि-२० सिरिजको लागि पाकिस्तान टिमको घोषणा



इंग्ल्यान्ड र पाकिस्तान बीच तिन टेस्ट म्याचको सिरिज अन्तर्गत तेश्रो टेस्ट साउथह्याम्प्टमा जारीरहेको छ। सिरिज पछि दुइ देश बीच तिन वटा खेलको टि-२० सिरिज पनि आयोजना हुनेछ। टि-२० सिरिजको लागि पाकिस्तान क्रिकेट बोर्ड ( पिसिबी ) ले टिमको घोषणा गरेको छ।

२८ अगस्ट देखि सुरु हुने सिरिजको दोश्रो खेल ३० अगस्ट र तेश्रो खेल १ सेप्टेम्बरमा खेलिनेछ।  यो संगै पाकिस्तानको इंग्ल्यान्ड भ्रमण अन्त्य हुनेछ। पाकिस्तानसंगको सिरिज पछि इंग्ल्यान्डले अस्ट्रेलियासंग टि-२० र एकदिवसीय सिरिज खेल्नेछ। सिरिज ४ सेप्टेम्बरबाट सुरु हुनेछ।

घोषित १७ सदस्यीय टिममा पूर्वकप्तान सरफराज एहमदले पुनरागमन गरेका छन् जो पछिल्लो समय टिम बाहिर रहँदै आएका थिए। एहमदले अन्तिम पटक टि-२० म्याच २०१९ अक्टोबरमा श्रीलंका बिरुद्ध खेलेका थिए। त्यसपछि उनलाई कप्तानीबाट हटाइएको थियो। एहमदको फर्म र फिटनेस माथि प्रश्न चिन्ह खडा हुँदै आएको थियो।

१७ सदस्यीय टिममा पूर्वकप्तान सरफराज एहमदले पुनरागमन गरेका छन्

यस्तै युवा फास्ट बलर नसिम शाहलाई पनि टिममा समावेश गरिएको छ। १७ वर्षीय बलरले पाकिस्तानको लागि ६ टेस्ट खेलेता पनि सेतो बल क्रिकेटमा डेब्यु गरेका छैनन्। यस्तै १९ वर्षीय ब्याट्सम्यान हैदर अलिलाई यु-१९ स्तरमा राम्रो प्रदर्शन पछि टिममा राखिएको छ।

बाबर आजमले पहिलो पटक बंगलादेश बिरुद्ध यसै वर्ष सुरुवातमा टि-२० सिरिजमा कप्तानी गर्दै टिमलाई जित समेत दिलाएका थिए।

आफ्नो दोश्रो सन्तानको जन्मको कारण सिरिजबाट यस अघि नाम फिर्ता लिएका अनुभवी पेसर मोहम्मद आमिर पनि टिममा रहेका छन्। तिब्र गति बलर वाहब रियाज र ओपनर फखर जमान पनि फिर्ता भएका छन्।

“यो हामीले छोटो फर्म्याटमा खेल्दै आएका खेलाडीहरु समावेश गरिएको टिम हो। हैदर अलि, नसिम शाह जस्ता खेलाडीहरुलाई पनि यो पटक मौका दिएका छौँ जसले ठुलो स्तरमा मौका पाउनेछन्।” पाकिस्तानी प्रशिक्षक मिसबाह उल हकले प्रेस बिज्ञप्तिमा बताए।

इंग्ल्यान्ड बिरुद्ध पाकिस्तानको टि-२० टिम :- बाबर आजम ( कप्तान ) , फखर जमान, हैदर अलि, हरिस रौफ, इफ्तिखार एहमद, इमाद वासिम, खुसदिल शाह, मोहम्मद हफिज, मोहम्मद हस्नैन, मोहम्मद रिजवान, मोहम्मद आमिर, नसिम शाह, सरफराज एहमद, शदाब खान, शाहिन अफ्रिदी, शोयब मलिक, वहाब रियाज

यो पनि पढ्नुस :-

CPL T20 : सन्दिप सम्मिलित जमैकाको तेश्रो खेल आज क्रिस ग्रिन कप्तानीको गायना बिरुद्ध

अस्ट्रेलियन पूर्वकप्तान व्हाइटद्वारा सन्यास घोषणा

अस्ट्रेलियाले सेप्टेम्बरमा इंग्ल्यान्ड भ्रमण गर्ने पक्का, यस्तो छ खेलतालिका

सुनिल नारायण चम्किदा ट्रिनबागोको दोश्रो जित, १ विकेट लिएका सन्दिपको यस्तो रह्यो बलिंग प्रदर्शन

१४ वर्ष अघि : नेपालले २ बलमै खेल जित्दै चकित बनाएको थियो

शोयब अख्तरको दावी, यस कारण बुम्राहको क्रिकेट करियर धेरै लामो चल्ने छैन





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]