बंगलादेश बिरुद्ध पाकिस्तानको सिरिज जित



दोश्रो खेलमा घरेलु टोलि बंगलादेशलाई ८ विकेटले सहजै पराजित गर्दै पाकिस्तानले तिन वटा टि-ट्वान्टी अन्तर्राष्ट्रियको सिरिज एक खेल बाँकी रहँदै २-० ले आफ्नो पक्षमा पारेको छ।

शेरे बांग्ला नेसनल स्टेडियममा बंगलादेशले दिएको १०९ रनको सामान्य लक्ष्य पाकिस्तानले २ विकेट क्षेतीमा ११ बल बाँकी रहँदै भेटायो।

पाकिस्तानको लागि फखर जमानले सर्वाधिक अविजित ५७ रन बनाए जुन क्रममा ५१ बलमा २ चौका र ३ छक्का प्रहार गरे। यस्तै मोहम्मद रिजवानले ४५ बलमा ४ चौका मद्दतले ३९ रन बनाए। बंगलादेश बलर मुस्तफिजुर रहमान र अमिनुल इश्लामले समान एक विकेट लिए।

लक्ष्य पछ्याउने क्रममा ओपनर बाबर आजम तेश्रो ओभरमा आउट भएपछि रिजवान र जमानले दोश्रो विकेटको लागि ८५ रनको साझेदारी गरे। सोह्रौं ओभरमा रिजवानलाई अमिनुल इश्लामले क्याच आउट पारे जतिबेला पाकिस्तान जित नजिक पुगीसकेको थियो।

यस अघि टस जितेर ब्याटिंग गरेको बंगलादेशले २० ओभरमा ७ विकेट क्षेतीमा १०८ रन बनाएको थियो। बंगलादेशको लागि नज्मुल स्यान्टोले सर्वाधिक ४० रन बनाए जुन क्रममा ३४ बलमा ५ चौका प्रहार गरे। यस्तै अफिफ होसेनले २०, महमुदुल्लाहले १२ तथा नुरुल हसनले ११ रन बनाए।

१५ ओभरमा ८५/५ को अवस्थाबाट अन्तिम ५ ओभरमा बंगलादेशए थप २ विकेट मात्र गुमाएता पनि योगफलमा २३ रन मात्र जोड्न सक्यो। सुरुवाती १२ ओभरमा ७८ रन बनाएको बंगलादेशले थप ८ ओभरमा मात्र ३० रन बनाउन सक्यो।

पाकिस्तानको बलिंगमा शाहिन अफ्रिदी ( ४-०-१५-२ ) र शदाब खानले ( ४-०-२२-२ ) समान दुई विकेट लिए भने मोहम्मद वासिम ( ३-०-९-१ ) , हरिस रौफ ( ३-०-१३-१ ) र मोहम्मद नवाजले ( ४-०-२५-१ ) समान एक विकेट लिए।

सिरिजको पहिलो खेलमा पाकिस्तान ४ विकेटले विजयी भएको थियो। सिरिजको तेश्रो तथा अन्तिम खेल नोभेम्बर २२ तारिखमा खेलीछ। त्यसपछि दुई टिम बीच दुई वटा टेस्टको सिरिज नोभेम्बर २६ तारिख देखि सुरु हुनेछ।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]