इंग्ल्यान्डलाई १० वर्ष पछि पाकिस्तान बिरुद्ध सिरिज जित्ने मौका

पाकिस्तानको इंग्ल्यान्ड भ्रमण अन्तर्गत तेश्रो तथा निर्णायक टेस्ट शुक्रबार साउथह्याम्पटनमा सुरु हुँदैछ। खेल नेपाली समय ३:४५ बजे सुरु हुनेछ।

सिरिजमा घरेलु टिम इंग्ल्यान्ड १-० ले अघि रहेको छ। पहिलो टेस्ट ३ विकेटले इंग्ल्यान्डले जितेको थियो भने दोश्रो टेस्ट बराबरीमा टुंगिएको थियो। तेश्रो टेस्टमा जित्दै इंग्ल्यान्ड १० वर्षपछि पाकिस्तान बिरुद्ध टेस्ट सिरिज जित्न चाहनेछ। यस अघि इंग्ल्यान्डले वेस्टइन्डिजलाई टेस्ट सिरिजमा २-१ ले पराजित गरेको थियो।  पाकिस्तान पनि जितको साथ सिरिज बराबरी गर्दै आफुलाई प्रमाणित गर्न चाहन्छ।

यस अघि दोश्रो टेस्टको अधिकांश समय खराब प्रकाशका कारणका कारण प्रभावित भएका कारण तेश्रो टेस्टमा अब कुनै दिन खराब प्रकाशले समय बर्बाद भएमा अर्को दिन खेल टिमहरुसंग खेल ३० मिनेट अघि सुरु गर्ने बिकल्प रहेको छ। दोश्रो टेस्टमा मात्र १ र आधा दिनको खेल सम्भव भएको थियो।

खराब प्रकाशका कारण समय बर्बाद भएमा अब अर्को दिन टिमसंग ३० मिनेट चाडो खेल सुरु गर्ने बिकल्प रहनेछ

इंग्ल्यान्ड १० वर्षपछि पाकिस्तान बिरुद्ध सिरिज जित्ने मौका 

इंग्ल्यान्ड र पाकिस्तानले पछिल्लो १० वर्षमा ४ वटा टेस्ट सिरिज खेलेको छ। ४ वटै सिरिजमा पाकिस्तान पराजित भएको छैन। २०१० जुलाईमा इंग्ल्यान्डमा सम्पन्न टेस्ट सिरिजमा इंग्ल्यान्ड अन्तिम पटक ३-१ ले विजयी भएको थियो। त्यसपछिको १० वर्षको अन्तरालमा २०१२ र २०१५ मा युएईमा सम्पन्न सिरिज पाकिस्तानले जितेको थियो। त्यसपछि इंग्ल्यान्डमा खेलिएको २०१६ र २०१८ को टेस्ट सिरिज बराबरीमा टुंगिएको थियो। पाकिस्तानले इंग्ल्यान्डमा टेस्ट सिरिज भने १९९६ पछि जित्न सकेको छैन।

पछिल्लो ६ वर्ष इंग्ल्यान्डको घरेलु टेस्ट सिरिजको रेकर्ड उत्कृस्ट रहेको छ। उसले यो अवधिमा घरमा कुनै पनि टेस्ट सिरिज हारेको छैन। १२ वटा सिरिजमा इंग्ल्यान्डले ८ वटामा जित हात पार्दा ४ वटा बराबरी खेलेको छ। पछिल्लो पटक इंग्ल्यान्डलाई उसैको घरमा श्रीलंकाले २०१४ जुनमा १-० ले पराजित गरेको थियो।

खेलको लागि पाकिस्तानले अघिल्लो खेलकै अन्तिम-११ लाई मौका दिने सम्भावना रहेको छ। इंग्ल्यान्डले भने दोश्रो टेस्टमा मौका नपाएका फास्ट बलर जोफ्रा आर्चरलाई मौका दिने सम्भावना रहेको छ।

इंग्ल्यान्ड टिम : जो रूट (कप्तान), जेम्स एंडरसन, जोफ्रा आर्चर, डोमिनिक बेस, स्टुवार्ट ब्रोड, रोरी ब‌र्न्स, जोस बटलर, जैक क्रले, स्याम करन, ओली पोप, डोम सिब्ले, क्रिस वोक्स, मार्क वुड, जेम्स ब्रेससी, बेन फक्स, ज्याक लीच।

पाकिस्तान टिम : अजहर अली (कप्तान), बाबर आजम, आबिद अली, अशद शफीक, फहीम अशरफ, फवाद आलम, इमाम उल हक, इमरान खान, काशिफ भट्टी, मुहम्मद अब्बास, मुहम्मद रिजवान, नसीम शाह, सरफराज अहमद, शादाब खान, शाहीन शाह अफरीदी, शान मसूद, सोहेल खान, उस्मान शिनवारी, वहाब रियाज, यासिर शाह।

यो पनि पढ्नुस :-

सुनिल नारायण चम्किदा ट्रिनबागोको दोश्रो जित, १ विकेट लिएका सन्दिपको यस्तो रह्यो बलिंग प्रदर्शन

खेलाडीको तलब निकासा गर्न क्यानले आईसीसीलाई खेलाडीहरुको सुची पठायो

१४ वर्ष अघि : नेपालले २ बलमै खेल जित्दै चकित बनाएको थियो

राजस्थान र पन्जाब आईपीएल खेल्न युएई प्रस्थान ( फोटो फिचर )

अस्ट्रेलियाले सेप्टेम्बरमा इंग्ल्यान्ड भ्रमण गर्ने पक्का, यस्तो छ खेलतालिका

२ जना दक्षिण अफ्रिकी क्रिकेटरमा देखियो कोरोना