फिन्च र स्टार्क उत्कृस्ट : श्रीलंकालाई पराजित गर्दै अस्ट्रेलिया शिर्षमा



श्रीलंकालाई ८७ रनले पराजित गर्दै अस्ट्रेलिया इंग्ल्याण्डमा जारि एकदिवसीय विश्वकप अंकतालिकाको शिर्षस्थानमा उक्लेको छ। ५ खेल खेल्दा अस्ट्रेलियाको ४ जित र १ हार रहेको छ।

अस्ट्रेलियाले यस अघि अफगानिस्तान, श्रीलंका, वेस्ट इन्डिजलाई पराजित गरेको थियो भने भारतसंग पराजित भएको थियो। श्रीलंकाले भने ५ खेल खेल्दा १ जित मात्र हात पारेको छ भने १ खेलमा हार तथा २ खेल नतिजाविहिन टुंगिएको थियो। एकमात्र जित श्रीलंकाले अफगानिस्तानलाई पराजित गर्दै हात पारेको थियो भने न्युजिल्याण्डसंग पराजित हुँदा बंगलादेश र पाकिस्तानसंगको खेल भने नतिजाविहिन रहेको थियो।

विश्वकप अन्तर्गत २० औं खेलमा पहिले ब्याटिंग गर्दै अस्ट्रेलियाले पहिले ब्याटिंग गर्दै ३३५ रन बनाएको थियो। लक्ष्य पछ्याउदा श्रीलंकाले २४७ रन मात्र बनाउन सक्यो।

स्कोरकार्ड  , अंकतालिका 

लक्ष्य पछ्याउने क्रममा श्रीलंकाको सुरुवात राम्रो रहेको थियो। कप्तान डिमुथ करुनारत्ने र कुशल परेराले ११५ रनको ओपनिंग साझेदारी गरेका थिए।

१६ औं ओभरमा परेरा ५२ रन बनाएर आउट भएपछि भने श्रीलंकाले लगातार विकेट गुमाउन पुग्यो र ठुलो साझेदारी बनाउन असफल रह्यो। करुनारत्ने शतक बनाउन ३ रनले चुक्दै ९७ रन बनाएर केन रिचर्डसनको बलमा ३३ औं ओभरमा आउट भए। उनले ९ चौका प्रहार गरे।

त्यसपछि श्रीलंकाको मध्यक्रमले कमजोर ब्याटिंग गर्यो र लगातार विकेट गुमाउन पुग्यो। कुशल मेन्डिसले ३०, एन्जेलो म्यथुज ९, मिलिंडासिरीवर्दनाले ३, थिसारा परेराले ७ रन बनाए।

४५.५ ओभरमा श्रीलंका २४७ रनमा अलआउट हुन पुग्यो।

अस्ट्रेलियाको लागि बलिंगमा मिचेल स्टार्कले ४ विकेट लिए जुन क्रममा १० ओभरमा ५५ रन खर्चिए। केन रिचर्डसनले ३ ( ९-१-४७-३ ) र प्याट कमिन्सले २ ( ७.५-०-३८-२ ) विकेट लिए।

केंनिंगटन ओभल मैदानमा टस हारेर ब्याटिंग गरेको अस्ट्रेलियाले ५० ओभरमा ७ विकेट गुमाएर ३३४ रन बनाएको थियो।

अस्ट्रेलियन कप्तान तथा ओपनर आरोन फिन्चले सर्वाधिक १५३ रन बनाएका थिए। १३२ बलमा उनले १५ चौका र ४ छक्का प्रहार गरेका थिए। फिन्चले पहिलो विकेटको लागि डेभिड वार्नरसंग ८० रनको तथा तेश्रो विकेटको लागि स्टिभ स्मिथसंग १७३ रनको ठुलो साझेदारी गरेका थिए।

स्मिथले ७३ ( ५९ बलमा ७ चौका र १ छक्का ) बनाए। ग्लेन म्याक्सेलले अन्तिममा आक्रामक ब्याटिंग गर्दै २५ बलमा ५ चौका र १ छक्का मदतले अविजित ४६ रन बनाए।

श्रीलंकाको लागि इसुरु उडाआ र धनन्जय डी सिल्भाले २/२ तथा लासिथ मलिंगाले १ विकेट लिए।

 





थप समाचार

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]