Kathmandu Cricket Training Center vs ABC Sports Club
Live Score +
Home - नेपाल रास्ट्रिय क्रिकेट टिम ( महिला ) - पाकिस्तान सामु नेपाल कमजोर

नेपाल रास्ट्रिय क्रिकेट टिम ( महिला )

पाकिस्तान सामु नेपाल कमजोर

Wicket Nepal
Administrator
Pranit Thapa after scoring half century

थाईल्याण्डमा आजबाट सुरु भएको एसीसी महिला टि२० एसिया कप अन्तर्गत आफ्नो पहिलो खेलमा नेपालले पाकिस्तानसंग कमजोर प्रदर्शन गर्दै ९ विकेटको हार बेहोरेको छ l स्कोरकार्ड 

प्रतियोगिताको पहिलो दिन भारत र पाकिस्तानले आफ्नो खेलमा विजय हात पार्दै २/२ अंक बटुले ( अंकतालिका ) l भारतले बंगलादेशलाई ६४ रनले पराजित गर्यो ( स्कोरकार्ड ) l

टस जितेर टेर्डथाई क्रिकेट मैदानमा ब्याटिंग गरेको नेपालले १८.१ ओभरमा ४७ रनमै पुरै विकेट गुमायो l २१ रनको स्कोरमै पहिलो ६ विकेट गुमाएको नेपालको लागि कप्तान रुबिना क्षेत्रीले ११ रन बनाउदै इज्जत जोगाइन् l इन्दु बर्माले र ज्योति पाण्डेले समान ८ रन तथा करुणा भण्डारीले ६ रन बनाउनु बाहेक अन्य खेलाडीहरुले उल्लेख्य स्कोर गर्न सकेनन् l नेपालले १० रन अतिरिक्तको रुपमा पायो l

पाकिस्तानी बलर अनाम अमिन, साना मिर, सदिया युसफले समान २/२ विकेट हातपारिन् l

जवाफमा ब्याटिंग गरेको पाकिस्तानले १० ओभरमै लक्ष पछ्यायो l ओपनर आयशा जाफरले २६ तथा जभेरिया वदुदले अविजित १६ रनको योगदान दिएकि थिईन् l नेपालले एक मात्र विकेट रन आउटको रुपमा पायो l

नेपालले प्रतियोगिता अन्तर्गत दोश्रो खेलमा पर्सि सोमबार श्रीलंकाको सामना गर्नेछ l पुरा खेलतालिका