“पाकिस्तानले विश्वकप जित्ने सम्भावना धेरै छ” वकार युनिस

Pakistan Cricket Team


  • विकेटनेपाल – ४ असार, सोमबार

सन् २०१७ को च्याम्पियन्स ट्रफी बिजेता राष्ट्र पाकिस्तानलाई सन् २०१९ को एक दिवसीय विश्वकपमा समेत बलियो दावेदारका रुपमा लिइएको छ। इंग्ल्याण्डमा सम्पन्न च्याम्पियन्स ट्रफीमा अन्डर डगका रुपमा प्रस्तुत भएको पाकिस्तानले प्रतियोगितामा भारत, इंग्ल्याण्ड जस्ता बलिया टोलीलाई जवाफ बिहिन बनाएको थियो।

च्याम्पियन्स ट्रफीमा प्राप्त गरेको सफलता पाकिस्तानसंग ताजानै रहंदा इंग्ल्याण्डमानै आयोजना हुने विश्वकप फेरिपनि पाकिस्तानले जित्नेमा पूर्व पाकिस्तानी बलर वकार युनिस बिस्वस्त बनेका छन्। आईसीसीसंगको कुराकानीका क्रममा वकार युनिसले भने, “पाकिस्तानले इंग्ल्याण्डमानै च्याम्पियन्स ट्रफी जितेको हो र उनीहरुलाई इंग्ल्याण्डमा कसरि खेल्नु पर्छ भन्ने थाहा छ। उनीहरुले भर्खरै मात्र इंग्ल्याण्डलाई नै टेस्ट क्रिकेटमा समेत पराजित गरेका छन्।”

Waqar Younis
Waqar Younis

विश्वकप क्रिकेटमा २२ विकेट आफ्नो नाम गरेका वकारले थपे, “च्याम्पियन्स ट्रफी जितेको टोलीलाई हेर्दा यो टोलीमा अब आत्मविश्वास बढ्दै गएको छ। र यसलाई हेर्ने हो भने पाकिस्तानसंग विश्वकप जित्ने ठूलो सम्भावाना रहेको छ।”

एसियाली राष्ट्र भएतापनि इंग्ल्याण्डमा पाकिस्तानका समर्थकहरु प्रशस्त रहेका छन्। विश्वकै ठूलो क्रिकेट प्रतियोगितामा सहभागिता हुँदा पाकिस्तानको खेल र समर्थकको संख्याले घरेलु टोलि इंग्ल्याण्डमाथी समेत दवाब पर्ने वकारको बुझाई रहेको छ। इंग्ल्याण्डमा आयोजनाहुने प्रतियोगिताअघि भारतले सन् २०११ मा र अष्ट्रेलियाले २०१५ मा आयोजक राष्ट्र बन्दै उपाधि जितेको कारणले यस संस्करणमा इंग्ल्याण्ड बलियो दावेदार रहेको वकारले बताएका छन्।

पाकिस्तानको उपाधि जित्ने सम्भावानाका बिषयमा बोल्दै उनले भने, “प्रतियोगितामा चुनौती र दबाब धेरै रहने छ। देशभरि बाटनै पाकिस्तानमाथी आशा रहेको हुन्छ र इंग्ल्याण्डमा रहने पाकिस्तान समर्थकहरुबाट समेत टोलीलाई साथ हुनेछ। र समर्थकहरुसंगै दवाब समेत बढ्दछ त्यसैले म आशा गर्दछु कि पाकिस्तानले राम्रो क्रिकेट खेल्ने छ।” आयोजक इंग्ल्याण्डको बिषयमा बोल्दै पुर्व तिब्र गतिका बलर वकारले थपे, ” इंग्ल्याण्डमाथी धेरै दवाब रहेको छ। यसअघिका दुई संसकरणहरु आयोजक टोलीले जितेका छन् र यसले गर्दा इंग्ल्याण्डमाथी धेरै दवाब सृजना भएको छ। उनीहरुले आफ्नो खेल धेरै मजाले बुझेका छन् तरपनि यो विश्वकप जित्न कुनै टोलीलाई सजिलो छैन।”

Photo : Cricbuzz





थप समाचार

कुशल र आसिफले कीर्तिमानी साझेदारी गर्दा नेपालको शानदार जित

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ। टियु […]

नेदरल्याण्डद्वारा नेपाललाई मध्यम लक्ष्य

नेपाल, नेदरल्याण्ड र मलेसिया बीच त्रिकोणात्मक टि-ट्वान्टी सिरिज सुरु भएको छ। सिरिज अन्तर्गत पहिलो खेलमा नेदरल्याण्ड र नेपाल प्रतिस्पर्धा गर्दैछन्। टियु […]

ट्राइ सिरिज : नेपालले पहिले फिल्डिंग रोज्यो, आसिफ र शाहबले डेब्यु गर्दै

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत उद्घाटन खेलमा शनिवार नेपाल र नेदरल्याण्ड प्रतिस्पर्धा गर्दैछन्। खेल टियु अन्तर्राष्ट्रिय […]

ट्राई सिरिज : नेपाल र नेदरल्याण्ड आज खेल्दै , कस्तो होला नेपालको अन्तिम-११

नेपाली भूमिमा पहिलो पटक त्रिकोणात्मक टि-ट्वान्टी अन्तर्राष्ट्रिय सिरिजको आयोजना शनिवार देखि सुरु हुँदैछ। नेपालले घरेलु भूमिमा नेदरल्याण्ड र मलेसियासंग टि-ट्वान्टी […]

IPL : चेन्नाईद्वारा पन्जाब ६ विकेटले पराजित

पन्जाब किंग्सलाई ६  विकेटले पराजित गर्दै चेन्नाई सुपर किंग्सले आईपीएल १४ मा पहिलो जित दर्ता गएको छ। पछिल्लो खेलमा चेन्नाई […]

दक्षिण अफ्रीका ३ विकेटले पराजित, पाकिस्तानले जित्यो सिरिज

दक्षिण अफ्रीकालाई रोमान्चक प्रतिस्पर्धामा ३ विकेटले पराजित गर्दै पाकिस्तानले घरेलु टोलि दक्षिण अफ्रीका बिरुद्धको चार वटा टि-२० को सिरिज ३-१ […]