यु-१९ एसिया कप : पाकिस्तान पहिलो चरणबाटै आउट



श्रीलंकामा जारि अन्डर-१९ एसिया कप क्रिकेट अन्तर्गत आज सम्पन्न खेलमा भारतसँग पराजित हुँदै पाकिस्तान प्रतियोगिताबाटै बाहिरिएको छ।

सन् २०१७ मा फाइनलमा अफगानिस्तानसँग पराजित हुँदै उप-विजेता भएको पाकिस्तान गत संस्करणमा पहिलो चरणबाट बाहिरिएको थियो। गत वर्ष समुह चरणमा पाकिस्तान श्रीलंका र बंगलादेशसंग पराजित भएको थियो।

प्रतियोगिता अन्तर्गत खेलेका दुई खेलमा पाकिस्तानले लगातार हार बेहोरेको हो। समुह ‘ए’ अन्तर्गत अफगानिस्तान र भारतले खेलेको दुवै खेलमा जित निकाल्दै ४ अङ्क बटुल्दै सेमीफाइनल प्रवेश गरेका छन्। अंकविहिन पाकिस्तान कुवेतसँग खेल बाँकी रहँदै प्रतियोगिताबाट बाहिरिएको हो। भारत र अफगानिस्तान बीच सोमबार हुने खेलले समूह बिजेताको टुंगो लगाउनेछ।

यस अघि पहिलो खेलमा पाकिस्तानले अफगानिस्तानसँग ७५ रनको फराकिलो हार बेहोर्नुपरेको थियो। अफगानिस्तानले दिएको १६४ रनको लक्ष्य पछ्याउदा पाकिस्तान मात्र ७८ रनमै समेटिएको थियो।

भारत सेमीफाइनलमा 

शनिबार सम्पन्न खेलमा नतिजा ६० रनले भारतको पक्षमा गयो। टस जितेर पहिले ब्याटिंग गरेको भारतले ५० ओभरमा ९ विकेट गुमाएर ३०५ रन बनाएको थियो। भारतका लागि अर्जुन आजादले १२१ रन (१११ बल, ११ चौका, ४ छक्का) र ठाकुर तिलक वर्मा नम्बूरीले ११० रन (११९ बल, १० चौका, १ छक्का) बनाउँदै दोश्रो विकेटको लागि १८३ रनको साझेदारी गरेका थिए।

प्लेयर अफ द म्याच अर्जुन आजाद

पाकिस्तानका नसीम शाह (१०-००५२-३) र मोहम्मद अब्बास अफ्रिदी (१०-१-७२-३) ले समान ३/३ विकेट लिए।

जवाफमा लक्ष्य पछ्याएको पाकिस्तान भारतका अथर्व अंकोलेकरले ३ विकेट (१०-०-३६-३) तथा विद्याधर पाटिल (१०-०२८-२) र सुशान्त मिश्र (७-०-३७-२) ले समान २/२ विकेट लिएपछी मात्र २४५ रनमा समेटियो। पाकिस्तानका लागि कप्तान तथा विकेट किपर रोहेल नाजिरले ११७ रन (१०५ बल, १२ चौका, ३ छक्का) र मोहम्मद हरिसले ४३ रन (५६ बल, २ चौका, १ छक्का) बनाएपनि अन्य खेलाडीले ठुलो स्कोर बनाउन सकेनन्।

 

आइतबार हुने खेलमा नेपालले बंगलादेश तथा आयोजक श्रीलंकाले युएईसँग प्रतिस्पर्धा गर्नेछन्। खेल नेपाली समय अनुसार ९:४५ बजे बिहान सुरु हुनेछ।

खेलका अन्य फोटोहरु

 

 





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]