रिशभ पन्तको शतकले जोगाएन दिल्लीको हार , हैदरावाद प्ले अफमा



  • विकेटनेपाल – २८ बैशाख, शुक्रवार 

सनराइजर्स हैदरावाद इण्डियन प्रिमियर लिग (आइपिएल) क्रिकेट को यस संस्करणको प्ले अफमा पुग्ने पहिलो टोलि बनेको छ । बिहिवार राति सम्पन्न खेलमा हैदरावादले दिल्ली डेयरडेभिल्सलाई ९ विकेटले हराएको हो ।

टस जित्दै घरेलु मैदानमा ब्याटिंगको निर्णय लिएको दिल्लीले निर्धारित २० ओभरमा ५ विकेट गुमाएर १८७ रन जोडेको थियो । जवाफमा १८८ रनको लक्ष्य हैदरावादले खेल सकिन ७ बल बाँकी छदाँ मात्र १ विकेट गुमाउंदै भेट्टाउन सफल भयो । यो हैदरावादले सफलतापुर्वक पिछा गरेको सबैभन्दा ठुलो स्कोर समेत हो । यसअघि सन् २०१४ मा चेन्नाई सुपरकिंग्स बिरुद्द हैदरावादले १८६ रनको पिछा गर्दै खेल जितेको थियो ।

हैदरावादलाई जिताउन धवन – विलियम्सन जोडीको रेकर्ड साझेदारी :

यस संस्करणमा आफ्नो बलिंगको सहयोगमा खेल जित्दै आएको हैदरावादलाई १८८ रनको लक्ष्य पिछा गर्न सहज थिएन । स्पिनर र स्लोअर बलरलाई सहयोग पुर्याईरहेको दिल्लीको पिचमा शिखर धवन र केन विलियम्सनले उत्कृस्ट साझेदारी गर्दै जितको नक्सा कोरे ।

Shikhar Dhawan - Kane Williamson
Shikhar Dhawan – Kane Williamson

टोलिको खातामा मात्र १५ रन हुँदा ओपनर एलेक्स हेल्स पभेलियन फ़र्किएपछि मैदान प्रवेश गरेका कप्तान विलियम्सनले धवनसंग अविजित १७६ रनको साझेदारी गर्दै हैदरावादलाई जित दिलाए । विलियम्सन र धवन बिचको सो साझेदारी हैदरावादका ब्याट्सम्यानहरूले बनाएको सबैभन्दा ठुलो साझेदारी समेत हो । यसअघि सन् २०१७ मा कलकता नाइट राइड्रस बिरुद्द शिखर धवन र डेभिड वार्नरले १३९ रनको साझेदारी गरेका थिए ।

म्यान अफ दि म्याच बनेका धवनले अविजित ९२ रन जोडे । मात्र ५० बल खेलेका उनले ९ चौका र ४ छक्का प्रहार गरेका थिए । यस्तै विलियम्सनले समेत ५३ बलमा ८३ रनको सानदार इनिंग खेले । उनको इनिंगमा ८ चौका र २ छक्का सामेल थियो ।

रिशभ पन्तको शतकले जोगाएन दिल्लीको हार :

यसअघि पहिले ब्याटिंग गरेको दिल्ली डेयरडेभिल्सले निर्धारित २० ओभरमा ५ विकेट गुमाएर १८७ रन जोडेको थियो । कुनै समय ४३/३ को अवस्थामा रहेको दिल्लीलाई ठुलो स्कोर तर्फ लैजाने क्रममा रिसभ पन्तले आक्रमक ब्याटिंग गर्दै शतक जोडेका थिए । ६३ बलको सामना गरेका पन्तले १२८ रन बनाउंदा १५ चौका र ७ छक्का प्रहार गरेका थिए। यो उनको आइपिएल करियरको पहिलो शतक समेत हो ।

Risabh Pant
Risabh Pant

हैदरावाद बिरुद्द २० ओभरमा १८८ रन जोगाउन नसक्दा दिल्लीले हार बेहोर्न पुग्यो । हार संगै रिसभ पन्तले बनाएको शतक समेत पराजित टोलिका ब्याट्सम्यानले बनाएको उच्च स्कोर बनेको छ । यसअघि सन् २००८ मा डेकन चार्ज्र्स का एन्ड्रीयु सिम्मोन्सले राजस्थान रोयल्स बिरुद्द अविजित ११७ रन बनाएपनि उनको टोलि पराजित भएको थियो ।

जितसंगै ११ खेलबाट १८ अंक बटुलेको हैदराबादले अन्तिम ४ मा स्थान सुरक्षित गरेको छ । यस्तै हार बेहोरेको टोलि दिल्ली डेयरडेभिल्सको भने ११ खेलबाट ६ अंक रहेको छ र प्ले अफको रेसबाट बाहिरिएको छ ।

Photos : iplt20.com





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]