पारसको आक्रामक अर्धशतक पछि नेपाल जिततर्फ अग्रसर

paras khadka


पारस खड्काले आक्रामक ब्याटिंग गर्दै अर्धशतक बनाएपछि आईसीसी बिश्व क्रिकेट लिग डिभिजन-२ अन्तर्गत युएईसंगको खेलमा नेपाल जित तर्फ अग्रसर भएको छ।

एक किनारमा लगातार विकेट गएपनि दबाब बिना ब्याटिंग गर्दै पारसले ४३ बलमा ५ छक्का र २ चौका प्रहार गर्दै अर्धशतक पुरा गरेका हुन्। त्यस क्रममा पारसले अद्नान राजाको १६ औं ओभरमा लगातार २ छक्का हिर्काएका थिए।

अर्धशतक पुरा गरेपछि पारस १८ औं ओभरको दोश्रो बलमा अमिर हायातको बलमा क्याच आउट हुन पुगे।कप्तानी इनिंग खेल्दै खड्काले ५१ रन बनाउन ४८ बलमा २ चौका र ५ छक्का प्रहार गरे।

पारस आउट भएपछि नेपालले १८ ओभरमा ७८ रन बनाएर ५ विकेट गुमाएको छ।

खेलको ताजा अपडेट 

११५ रन लक्ष्य पछ्याउने क्रममा ओपनर ज्ञानेन्द्र मल्ल ( ५ रन ) र दिलिप नाथ ( २ रन ) मै आउट भए भने दिपेन्द्र ऐरी ( ४ रन ) पनि लामो समय क्रिजमा जम्न सकेनन्।

सातौँ ओभरमा २०/३ को अवस्थाबाट पारस खड्का र शरद भेसावकरले चौथो विकेटको लागि २६ रनको साझेदारी गर्दै स्कोर अघि बढाए। तर शरदले पारसको साथ धेरै बेर दिन सकेनन् र १३ औं ओभरमा ३ रन बनाएर रोहन मुस्तफाको बलमा एलबुडब्लु आउट भएका थिए।

 

युएईको इनिंग 

वर्षाले मैदान भिजेका कारण निर्धारित समय भन्दा ३ घण्टा ढिला सुरु भएको खेलमा नेपालले टस जितेर पहिले बलिंग गर्ने निर्णय गरेको थियो।

युएई इनिंगको पहिलो ओभरमै सोमपाल कामिले युएई ओपनर अस्फाक अहमदलाई खाता नखोल्दै पेभेलियन फर्काए। त्यसपछि सातौँ ओभरमा सोमपाललेनै १६ रन बनाएर ब्याटिंग गरिरहेका घुलाम शब्बिरलाई शरद भेसावकरको हातबाट क्याच आउट गराएका थिए।

२५ रनको स्कोरमा २ विकेट गुमाएको युएईले लगत्तै ओभरमा सोहि योगफलमै कप्तान रोहन मुस्तफा ( ७ रन ) लाई पनि गुमाएपछि ७.१ ओभरमा युएईको स्कोर २५/३ पुग्यो। मुस्तफालाई करन केसीले आउट गर्ने क्रममा प्रतियोगितामै विकेटको खाता पनि खोले।

३ विकेट गुमेपछि रामिज शाहजाद र शैमन अनवरले चौथो विकेटको लागि २९ रनको साझेदारी गर्दै खेलमा फर्किने प्रयास गरे। तर १८ औं ओभरमा आफ्नो पहिलो ओभर बलिंग गर्न आएका सन्दिप लामिछानेले २ बलमा २ विकेट हात पारेपछि युएई ५४/५  खराब अवस्थामा पुग्यो।

त्यसपछि पनि युएईको विकेट झर्ने क्रम रोकिएन ३० रन बनाएर खेलीरहेका शैमन अनवरलाई सन्दिपले बोल्ड गरेपछि युएईको तल्लो क्रमलाई पारस खड्का र सोमपाल कामिले आउट गरे। १८ रन बनाएका अद्नान मुफ्ती र १५ रन बनाएका मोहम्मद बुटालाई पारसले आउट गरे भने एह्मद राजा ( ८ रन ) र मोहम्मद नाभेद ( १० रन ) को विकेट सोमपालले लिंदै युएई इनिंग समाप्त गरेका थिए।

सोमपालले सार्बधिक ४ विकेट ( ७-०-३-४ ) , सन्दिपले ३ विकेट ( ७-१-३०-३ ) तथा पारसले २ विकेट ( ७-२-२०-२ ) हात पारे। करन केसीले १ विकेट ( ५-०-१७-१ ) लिए।

 





थप समाचार

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]