पारस खड्काको उत्कृस्ट प्रदर्शनमा इमर्जिंग स्टारको जित



  • विकेटनेपाल, २७ साउन

पारस खड्काले उत्कृस्ट बलिंग प्रदर्शन गर्दै २ विकेट लिएपछि सिंगापुर इमर्जिंग स्टार टिमले सिंगापुर अन्तर्राष्ट्रिय टि-२० प्रतियोगितामा पहिलो जित हात पारेको छ l इमर्जिंग स्टार्सले मेर्लबर्न क्रिकेट क्लबलाई २९ रनले ( डी/एल मेथड ) ले पराजित गर्यो l  ( स्कोरकार्ड हेर्नुस )

मेर्लबर्न क्रिकेट क्लबलाई पराजित गर्ने क्रममा पारसले २ ओभर बलिंग गर्दै मात्र ६ रन खर्चेर २ विकेट हात पारेका हुन्  l पारसले एउटा रन आउट समेत गरे l अर्का नेपाली खेलाडी मेहबुब आलमले पनि १ विकेट हात पारे l  पारस र मेहबुबले टिमको लागि ओपनिंग बलिंग गरेका थिए l

यस्तै अनन्थ कृष्णले ३ विकेट तथा कप्तान धर्मीचन्द मुलेवाले २ विकेट लिंदै स्टार्सको जितमा अहम भूमिका निभाएका थिए l

यस अघि ब्याटिंग तर्फ पारसले  १७ रन प्रहार गरेका थिए जुन क्रममा ११ बलमा २ चौका र १ छक्का प्रहार गरे l

टस जितेर इन्डियन एसोसिएसन मैदानमा ब्याटिंग गरेको सिंगापुर इमर्जिंग स्टार्सले पहिलो इनिंगमा १० ओभर ब्याटिंग गर्दै ७६/४ को स्कोर बनाउदा वर्षाले खेल अबरुद्ध हुन पुगेको थियो l पहिलो इनिंग सुचारु हुन नसकेपछि दोश्रो इनिंगमा डी/एल मेथडको आधारमा मेर्लबर्न क्रिकेट क्लबलाई १० ओभरमा ९० रनको लक्ष दिईएको थियो l

सुरुवातमै मेहबुब आलम र पारस खड्काले पहिलो र दोश्रो ओभरमा विकेट दिलाएपछि दबाबमा परेको मेर्लबर्नले लगातार विकेट गुमाएको थियो l फलस्वरुप ६० रनको स्कोरमा ८.२ ओभरमा अलआउट हुँदै २९ रनको जित सुम्पिएको हो l

पहिलो जित पछि समुह ‘बि’ मा पहिलो जितको साथ २ अंक बटुलेको सिंगापुर इमर्जिंग स्टारले अब अन्तिम खेलमा काउलुन क्रिकेट क्लबको सामना गर्नेछ l काउलुनलाई पराजित गर्न सके  सेमीफाइनलमा पुग्नेछ l

समुहको शिर्ष स्थानमा सिन्हालिज स्पोर्ट्स क्लब ३ खेलमा जीतका साथ ६ अंक बटुली पहिलो स्थानमा छ l मेर्लबर्न क्रिकेट क्लबले ३ खेलमा १ जित र २ हार बेहोरेको छ l





थप समाचार

बिग ब्यास : पर्थद्वारा ब्रिसबेन फराकिलो अन्तरले पराजित

अष्ट्रेलियामा जारि १० औं संस्करणको बिग ब्यास लिग अन्तर्गत मंगलबार सम्पन्न ४४ औं खेलमा एश्टन टर्नर कप्तानीको पर्थ स्कर्चर्सले क्रिस […]

सन्दिप, अनिल र सौरभ चम्किदा लुम्बिनीको विजयी सुरुवात

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिनको समुह ‘बि’ अन्तर्गतको खेलमा लुम्बिनी प्रदेशले विजयी सुरुवात गर्ने क्रममा प्रदेश-२ लाई […]

कर्णाली प्रदेशको ऐतिहासिक जित

प्रधानमन्त्री कप एकदिवसीय राष्ट्रिय प्रतियोगितामा गण्डकी प्रदेशलाई पराजित गर्दै कर्णाली प्रदेशले ऐतिहासिक जित दर्ता गरेको छ। घरेलु राष्ट्रिय प्रतियोगितामा कर्णाली […]

सन्दिप र सौरभ चम्किदा लुम्बिनीद्वारा प्रदेश-२ लाई चुनौतीपूर्ण लक्ष्य

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिन टियु मैदान कीर्तिपुरमा समुह ‘बि’ अन्तर्गत खेलमा लुम्बिनी प्रदेश र प्रदेश-२ प्रतिस्पर्धा […]

गण्डकीद्वारा कर्णालीलाई २०५ रनको लक्ष्य

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत मुलपानी मैदानमा जारि समुह ‘ए’ अन्तर्गतको खेलमा गण्डकी प्रदेश र कर्णाली प्रदेश […]

प्रम कपमा आज दुई खेल हुँदै

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिन मंगलबार दुईवटा खेलहरु हुनेछन्। टियु मैदानमा लुम्बिनी प्रदेश र प्रदेश-२ […]