पारस खड्कालाई कोरोना संक्रमण



राष्ट्रिय क्रिकेट टिमका पूर्वकप्तान पारस खड्का कोरोना संक्रमित भएका छन्। खड्काले ट्वीटरमार्फत आफ्नो शुक्रबार गरिएको कोरोना परिक्षणको रिपोर्ट पोजेटिभ आएको बताएका छन्।

“हल्का लक्षणहरु देखिएपछि म बिगत २ दिन देखि आइसोलेसनमा बसीरहेको थिए। हिजो देखि मैले स्वाद र बास्ना पाउन छोडेपछि आज विहान कोभिड-१९ परिक्षण गराएको थिए जसको नतिजा पोजेटिभ आएको छ।”

पारसले आफु घरमै आइसोलेसनमा बसेको र संक्रमित भएका कारण शनिवार देखि चितवनमा सुरु हुने गौतम बुद्ध कप क्रिकेट प्रतियोगितामा सहभागी हुन नसक्ने समेत जानकारी गराएका छन्।

“म  घरमै आइसोलेसनमा बसीरहेको छु जसलाई निरन्तरता दिनेछु जहाँ डक्टरहरुको निर्देशनलाई पालना गर्नेछु। दुर्भाग्यवस चितवनमा भोलि देखि सुरु हुने गौतम बुद्ध कपमा म सहभागी हुन पाउनेछैन। प्रतियोगितामा सहभागी सबैलाई म शुभकामना व्यक्त गर्न चाहन्छु।”

शनिवार सुरु हुने गौतम बुद्ध कपमा पारस नारायणी टिमको कप्तानको रुपमा रहेका थिए। पारस अनुपस्थित हुने भएपछि टिमको कप्तानी कसले गर्ने घोषणा भएको छैन। टिममा सुबास खकुरेल, करन केसी, आरिफ शेख जस्ता सिनियर खेलाडीहरु रहेका छन्।

यस अघि राष्ट्रिय क्रिकेट टिमका अर्का भेट्रान क्रिकेटर बसन्त रेग्मीको दोश्रो कोरोना रिपोर्ट पोजेटिभ देखिएपछि उनि पनि गौतम बुद्ध कप प्रतियोगितामा सहभागी जनाउन पाएनन्। घाइते भएका कारण दिपेन्द्र ऐरी र कुशल मल्ल पनि प्रतियोगितामा सहभागी छैनन्।

यस अघि एकदिवसीय फर्म्याटमा आयोजना हुने घोषित गरिएता पनि गौतम बुद्ध कप टि-२० फर्म्याटमा गर्ने बताईएको छ। प्रतियोगिताको पहिलो दिन शनिवार नारायणी र ज्ञानेन्द्र मल्ल कप्तानीको बागमती बीच खेलिनेछ। खेल ११ बजे बिहान सुरु हुनेछ।





थप समाचार

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]