“यो सुरुवात मात्र हो” – पारस

Paras Khadka


  • विकेटनेपाल, माघ-१५ , आइतबार 

युएईसंगको सिरिज जित र तेश्रो खेलमा आफ्नो शानदार शतक पछि कप्तान पारस खड्काले यसलाई सुरुवात मात्र भएको बताएका छन्।

नेपालले युएईलाई उसैको घरमा २-१ ले सिरिज जित निकाल्दै पहिलो सिरिज जित त्यो पनि बिदेशी धर्तिमा ऐतिहासिक उपलब्धि हाँसिल गरेको हो। तेश्रो खेलमा युएईले दिएको २५५ रनको लक्ष्य नेपालले ६ विकेट गुमाएर पुरा गरेको थियो।

जित पछि आईसीसीसंग कुराकानी गर्ने क्रममा पारसले बताए –

“पक्कै पनि राम्रो महसुस भइरहेको छ, यो हाम्रो पहिलो सिरिज जित हो, सबैले यसमा योगदान गरेका छन् र समग्रमा गजबको खेल भयो”

नेपालले यस अघि गत वर्ष नेदरल्याण्डसंग २ वटा एकदिवसीय अन्तर्राष्ट्रियको सिरिज खेलेको थियो जुन १-१ को बराबरीमा सकिएको थियो।

दुबईको आईसीसी एकेडेमी मैदानमा उपस्थित दर्शकहरुको प्रसंशा गर्दै पारसले घरमै खेलेको जस्तो महसुस गरे –

“भरिएको दर्शकको माझ खेल्दा घरमा खेलेको जस्तो महसुस भयो, दर्शकहरु हाम्रो लागि प्रेरणा पनि हो , हामी जहिले जहाँ खेले पनि वहाँहरु खेल हेर्न आउनुहुन्छ”

खड्काले नेपालको सिरिज जितलाई सुरुवातको रुपमा मात्र लिन समेत आग्रह गरे –

“यो सुरुवात मात्र हो, यसले भविश्यको लागि धेरै सकारात्मक कुराहरु दिएको छ। हामीले अझै मेहनत गर्नुपर्छ र आशा गर्छु यस्तो नतिजा भबिष्यमा पनि ल्याउने छौँ”

नेपालले सिरिजको पहिलो खेलमा ३ विकेटको पराजय बेहोरेपछि दोश्रो खेलमा सानदार कमब्याक गर्दै १४५ रनको जित हाँसिल गर्दै सिरिज बराबरी गरेको थियो। तेश्रो खेलमा पनि २५५ रनको कठिन लक्ष्य नेपालले पछ्याउदै प्रसंशायोग्य जित हाँसिल गरेको थियो।

३ वटा खेलपछि नेपाल आईसीसीको एकदिवसीय राष्ट्रहरुको वरियतामा समेत सामेल भएको छ। नेपाल यतिबेला वरियताको १५ औं स्थानमा रहेको छ।

एकदिवसीय सिरिज पछि नेपालले युएईसंग टि-२० अन्तर्राष्ट्रियको सिरिज खेल्ने छ। ३ वटा खेलको सिरिज अन्तर्गत जनवरी ३१ मा पहिलो, फेब्रुअरी १ मा दोश्रो र फेब्रुअरी ३ मा तेश्रो खेल खेल्नेछ।

नेपालले गतवर्ष मार्चमा एकदिवसीय अन्तर्राष्ट्रिय राष्ट्रको मान्यता पाएपछि स्वतः टि-२० अन्तर्राष्ट्रिय राष्ट्रको समेत मान्यता पाएको थियो भने यो वर्ष जनवरी देखि आईसीसीले नै सम्पूर्ण सदस्य रास्ट्रहरुले आफु बीच खेल्ने खेलहरुलाई अन्तर्राष्ट्रिय टि२० को मान्यता दिएको छ।





थप समाचार

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]

IPL : कोलकाताद्वारा हैदरावादलाई १८८ रनको लक्ष्य

इन्डीयन प्रिमियर लिग ( आईपीएल ) अन्तर्गत तेश्रो खेलमा कोलकाता नाइट राइडर्स र सनराइजर्स हैदरावाद प्रतिस्पर्धा गरिरहेका छन्। एमए चिदम्बरम […]

क्यानले थाल्यो नामिबियासंग एकदिवसीय सिरिजको तयारी

नेपाल क्रिकेट संघ ( क्यान ) ले आगामी मे महिनाको तेश्रो साता नामिबियासंग एकदिवसीय अन्तर्राष्ट्रिय सिरिज गर्ने तयारी गर्ने भएको […]

IPL : चेन्नाई बिरुद्ध धवनको कीर्तिमान, दिल्लीको शानदार जित

आईपीएल २०२१ अन्तर्गत दोश्रो खेलमा दिल्ली क्यापिटल्सले चेन्नाई सुपर किंग्सलाई ७ विकेटले सहजै पराजित गर्दै विजयी सुरुवात गरेको छ। मुम्बईको […]