पारस-मेहबुबको सिंगापुर इमर्जिंग स्टार्स सेमीफाइनलमा



  • विकेटनेपाल, २७ साउन

लगातार दोश्रो जित हात पार्दै पारस खड्का र मेहबुब आलमको टिम सिंगापुर इमर्जिंग स्टार्स सिंगापुर अन्तर्राष्ट्रिय क्लब टि-२० प्रतियोगिताको सेमीफाइनलमा प्रवेश गरेको छ l

हिजो सिंहालिज स्पोर्ट्स क्लबसंग हार बेहोरेको स्टार्सले आज सम्पन दुई वटै खेलमा जित हात पार्यो l आजको पहिलो खेलमा मेलबर्न क्रिकेट क्लबलाई २९ रनले ( डीएल मेथड ) पराजित गरेको स्टार्सले दोश्रो खेलमा हंगकंगको काउलुन क्रिकेट क्लबलाई ६२ रनले पराजित गर्दै सेमीफाइनलमा स्थान पक्का गरेको हो l  ( हेर्नुस स्कोरकार्ड )

समुह ‘बि’ बाट यसअघिनै ३ वटै खेल जित्दै सिहालिज स्पोर्ट्स क्लब सेमीफाइनलमा पुगीसकेको छ l यस्तै समुह ‘ए’ बाट मद्रास क्रिकेट क्लब र सिड्नी क्रिकेट ग्राउण्ड सेमीफाइनलमा प्रवेश गरिसकेको छ l

भोलि आइतबार हुने सेमीफाइनलमा सिंगापुर इमर्जिंग स्टार्सले समुह ‘ए’ को बिजेता मद्रास क्रिकेट क्लबको सामना गर्नेछ l

सिंगापुर इमर्जिंग स्टार्सले पहिले ब्याटिंग गर्दै निर्धारित १७ ओभरमा बनाएको १९० रनको प्रतिउत्तरमा ब्याटिंग गरेको काउलुनले  पुरै ओभर ब्याटिंग गर्दै १२७ रन मात्रै बनाउन सकेपछि ६३ रनको हार बेहोर्यो l काउलुन क्लबले समुह ‘बि’ अन्तर्गत ३ वटै खेलमा पराजित भयो l

काउलुनको लागि ओपनर म्याथु स्टिलरले र वकास बर्कातले समान २७ रनको योगदान दिएका थिए l काउलुनलाई लक्ष सम्म पुग्न नदिन स्टार्सका बलर प्रमोद राजाले सर्बाधिक ३ विकेट तथा धर्मीचन्द मुलेवाले २ विकेट हात पारेका थिए l पारस खड्का, अखिल बालचन्द्र र अनन्त कृष्णले समान १/१ विकेट दिलाए l

वर्षाको कारण ढिला सुरु भएपछि १७ ओभरको इनिंगमा छोट्याएर खेलाईएको इनिंगमा इमर्जिंग स्टार्सको लागि तेश्रो नम्बरमा ब्याटिंग गरेका क्षितिज शिन्डेले विस्फोटक ब्याटिंग गर्दै ७३ रन योगदान दिए l शिन्डेले मात्र ३१ बलमा ७ छक्का र ४ चौका मदतले उक्त रन बनाएका थिए l

यस्तै ओपनिंग ब्याट्सम्यान चामिन्दा रुवानले ४२ रन ( २७ बल, २ छक्का, ५ चौका ) को योगदान दिए भने अर्का ओपनर सुरेन्द्रन चन्द्रमोहनले ३१ रन योगदान दिएका थिए l

चौथो नम्बरमा ब्याटिंग गरेका पारस खड्काले मात्र २ रन बनाउन सकेका थिए भने मेहबुब आलमले सातौ नम्बरमा ब्याटिंग गर्दै अविजित १३ रन बनाए l आलमले ९ बलमा २ चौका प्रहार गरे l

काउलुनको लागि  सुहेब एह्मदले सर्बाधिक ३ विकेट हात पार्दा ३ ओभरमा २० रन खर्चिएका थिए l

 

 





थप समाचार

पुलिसद्वारा प्रदेश १ सहजै पराजित

प्रदेश १ लाई ६ विकेटले सहजै पराजित गर्दै जारि प्रधानमन्त्री टि-ट्वान्टी राष्ट्रिय प्रतियोगितामा नेपाल पुलिस क्लबले अपराजित रहँदै सेमिफानलमा स्थान […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]

भारतीय टेस्ट कप्तानबाट कोहलीको राजिनामा

भारतीय क्रिकेटर बिराट कोहलीले भारतको टेस्ट क्रिकेटको कप्तानी तुरन्त लागु हुने गरि छाड्ने घोषणा गरेका छन्। सन् २०१४ मा पहिलो […]

गण्डकीलाई ४० रनले हराउँदै बागमती सेमिफाइनलमा

गण्डकी प्रदेशलाई ४० रनले हराउँदै बागमती प्रदेश जारि प्रधानमन्त्री टि-ट्वान्टी राष्ट्रिय प्रतियोगिताको सेमिफाइनल प्रवेश गरेको छ। यस अघि नै नेपाल […]

बिपिन र प्रतिषको आक्रामक पारि, बागमतीको सामन्य योगफल

प्रधामन्त्री कप टि-ट्वान्टी राष्ट्रिय प्रतियोगिता अन्तर्गत हाल कीर्तिपुरस्थित टियु क्रिकेट मैदानमा बागमती प्रदेश र गण्डकी प्रदेश खेलिरहेका छन् । खेलमा […]