कुवेतसंग पारस खेल्ने सम्भावना कति

Paras Khadka


सिंगापुरमा जारि आईसीसी टि-२० विश्वकप छनौट ( एसिया फाइनल ) अन्तर्गत नेपालले आफ्नो तेश्रो तथा जितको लागि अत्यावश्यक खेलमा कुवेतसंग खेल्दैछ। खेल नेपाली समय विहान ७:१५ बजे सुरु हुनेछ।

नेपालले २ खेल खेल्न बाँकी रहेको अवस्थामा दुवै खेलमा जित हात पारे मात्र प्रतियोगिताको विजेता बन्ने समीकरण रहेको छ। मलेसिया, कतार र कुवेतको विजेता बन्ने सम्भावना सकीसकेको छ भने सिंगापुर विजेता बन्न नेपालले एउटा खेलमा हार बेहोर्नुपर्नेछ।

पारस खेल्ने सम्भावना बढी 

कतारसंग पहिलो खेलको क्रममा ढाडको नसा च्यापिएपछि घाइते भएका पारस दोश्रो खेलमा मलेसियासंग खेल्न सकेका थिएनन्। पहिलो खेलम कतारसंग दोश्रो इनिंगमा र मलेसियासंग ज्ञानेन्द्र मल्लले कप्तानी सम्हालेका थिए।

नेपाली टिमका व्यवस्थापक रमन शिवाकोटीले विकेटनेपाललाई बताए अनुसार पारस ९९ प्रतिशत फिट भैसकेका छन्। यही अवस्था रहे उनि भोलि खेल्ने सम्भावना पक्का छ। उनले टिमसंग शुक्रबार अभ्यास समेत गरेका छन्।

Paras Khadka

सन् २०१४ टि-२० विश्वकपमा हंगकंगसंग डेब्यु गरे पछि पारसले नेपालले खेलेको टि-२० अन्तर्राष्ट्रिय गुमाएका थिएनन्। मलेसियासंग खेल गुमाउन पुग्दा पारसले नेपालको लागि खेलेको टि-२० अन्तर्राष्ट्रिय खेल १८ रहेको छ। पारस भन्दा बढी टि-२० अ. खेल्ने नेपाली खेलाडी ज्ञानेन्द्र मल्ल र सोमपाल कामि हुन् जसले समान १९ खेल खेलेका छन्। दुवैले २०१४ टि-२० विश्वकपमा डेब्यु गरे पछि कुनै खेल पनि गुमाएका छैनन्।

टि-२० अन्तर्राष्ट्रिय वरियतामा पारस ब्याटिंगतर्फ ९३ औं स्थानमा रहेका छन् भने अल-राउण्डरतर्फ ३९ औं नम्बरमा रहेका छन्। सोमपाल कामि ४८ औं नम्बरमा मोइन अलि र नाथन कोल्टर नाइल संगै रहेका छन्। सोमपाल र बसन्त रेग्मी टि-२० अ. बलिंगतर्फ समान ६६ औं नम्बरमा रहेका छन्।

पारसलाई रेकर्ड बनाउने अवसर 

टि-२० अन्तर्राष्ट्रीय क्रिकेटमा ५०० रन पुरा गर्ने पहिलो नेपाली ब्याट्सम्यान बन्न पारस ७३ रन पर छन्। पारसले जारि प्रतियोगिताको पहिलो खेलमा कतारसंग २८ रन बनाएका थिए।

टि-२० अ. मा सर्वाधिक व्यक्तिगत रनको रेकर्ड पनि पारसकै नाममा रहेको छ। उनले जारि प्रतियोगिता अघि टि-२० सिरिजमा मलेसियासंग अविजित ८६ रन बनाएका थिए। टि-२० अ. मा २ वटा अर्धशतक बनाउने पारस एक्लो खेलाडी हुन्। उनले २०१५ मा नेदरल्याण्डसंग अर्धशतक बनाएका थिए।

१०० रन भन्दा बढी बनाउने नेपाली ब्याट्सम्यानहरुमा सर्वाधिक औशत र स्ट्राइक रेट पारसकै रहेको छ। उनले २८.४६ को औशत र ११९.६ को स्ट्राइक रेटले रन बनाएका छन्। त्यति मात्रै हैन टि-२० अ. मा सर्वाधिक चौका र छक्का प्रहार गर्ने ब्याट्सम्यान पनि पारसनै हुन्। उनको नाममा ४१ चौका र १० छक्का रहेको छ।





थप समाचार

अस्ट्रेलिया बिरुद्ध बंगलादेशको ऐतिहासिक जित, नसुमको घातक बलिंग

अस्ट्रेलियाको बंगलादेश भ्रमण अन्तर्गत पाँच खेलको टि-२० अन्तर्राष्ट्रियको सिरिज अन्तर्गत पहिलो खेलमा घरेलु टोलि बंगलादेशले अस्ट्रेलियालाई २३ रनले पराजित गर्दै […]

क्रिकेटको व्यवस्थापनमा पुग्ने पारसको उद्देश्य

मंगलबार अन्तर्राष्ट्रिय क्रिकेट बाट सन्यास घोषणा गरेका नेपाली राष्ट्रिय क्रिकेट टिमका पूर्वकप्तान पारस खड्काले दुई वर्ष पछि हुने नेपाल क्रिकेट […]

पहिलो एकदिवसीय अन्तर्राष्ट्रिय जितको ३ वर्ष पुरा, पुनः याद गर्नुस १ रनको सनसनीपूर्ण जित

आजकै दिन २०१८ अगस्ट ३ तारिखमा नेपालले नेदरल्याण्डलाई पराजित गर्दै एकदिवसीय अन्तर्राष्ट्रिय क्रिकेटमा पहिलो जित दर्ता गरेको थियो। सोहि वर्ष […]

अन्तर्राष्ट्रिय क्रिकेटबाट पारसको सन्यास घोषणा, यस्ता थिए प्रमुख उपलब्धि

राष्ट्रिय क्रिकेट टिमका पूर्वकप्तान पारस खड्काले अन्तर्राष्ट्रिय क्रिकेटबाट सन्यास लिएका छन्। ३४ वर्षीय खेलाडीले सामाजिक संजालमार्फत अन्तर्राष्ट्रिय खेल जीवन अन्त्य गर्ने […]

इंग्ल्यान्ड बिरुद्ध पहिलो टेस्टबाट मायाँक अग्रवाल बाहिर

इंग्ल्यान्ड भ्रमण अन्तर्गत अगस्ट ४ तारिख बुधबारबाट सुरु हुने पाँच खेलको टेस्ट सिरिज अन्तर्गत पहिलो टेस्टबाट भारतीय ओपनर मायाँक अग्रवाल […]

युएईले घोषणा गर्यो आफ्नै ‘प्रिमियर लिग टि-२०’

ईण्डियन प्रिमियर लिग ( आईपीएल ) र आईसीसी टि-ट्वान्टी विश्वकप पछि युएईको ईमिरेट्स क्रिकेट बोर्ड ( ईसीबि ) ले आफ्नै […]