निरज श्रेष्ठ उपचार सहयोगार्थ च्यारिटी खेलमा पारस ११ को जित ; दिपेन्द्रको अर्धशतक

Paras Khadka


  • विकेटनेपाल – २५ फाल्गुन, शनिवार

शनिवार मकवानपुर स्थित हेटौंडामा सम्पन्न च्यारिटी टि-२० खेलमा पारस ११ ले निरज ११ लाई २ विकेटले पराजित गरेको छ। ब्लड क्यान्सरबाट ग्रसित हेटौंडाका स्थानीय पूर्व खेलाडी निरज श्रेष्ठको उपचार सहयोगार्थ राष्ट्रिय टोलीका खेलाडी सम्मिलित पारस ११ र स्थानीय खेलाडी सम्मिलित निरज ११ बीच च्यारिटी खेल खेलिएको थियो।

स्थानीय हुप्राचौर मैदानमा टस जितेर ब्याटिंग गरेको निरज ११ ले निर्धारित २० ओभरमा १७१ रन जोडेको थियो। राम नरेश गिरीको कप्तानीमा रहेको निरज ११ लाई पारस खड्का कप्तानीको पारस ११ ले खेल सकिन २ बल बाँकी रहंदा २ विकेटले पराजित गर्यो। पारस ११ को जितमा दिपेन्द्रसिंह ऐरीले अविजित ६२ रन तथा सोमपाल कामीले २९ रन जोडे।

च्यारिटी खेल खेल्न राष्ट्रिय टोलीका कप्तान पारस खड्का, सोमपाल कामी, दिपेन्द्रसिंह ऐरी सहित ललित राजबंशी, अनिल कुमार साह, महबुब आलम, अमित श्रेष्ठ, आरिफ शेख, सन्दिप जोरा, अनिल मण्डल लगायतका खेलाडी हेटौंडा पुगेका थिए।

मकवानपुर जिल्ला क्रिकेट संघ, मदन भण्डारी स्पोर्ट्स एकेडेमी र मकवानपुर क्रिकेट एकेडेमीको आयोजनामा संचालित च्यारिटी खेलमा पारस खड्का सहित अन्य खेलाडीले समेत निरज श्रेष्ठको उपचारार्थ रकम सहयोग गरेका थिए। पारसले नगद रु. २५ हजार व्यक्तिगत सहयोग गरे भने फुटवल खेलाडीहरु रंजन विस्ट र अन्जन विस्टले समेत नगद रु. १० हजार रुपैयाँ सहयोग गरेका थिए।





थप समाचार

T20WC : अफ्रिदीको घातक बलिंग, संकटमा कोहलीको उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]