रिशभ पन्तले शानदार शतक बनाउदा भारत अघि



रिशभ पन्तले शानदार ब्याटिंग गर्दा इंग्ल्यान्ड बिरुद्ध चौथो टेस्टको दोश्रो दिनको समाप्तिमा भारतले ८९ रनको पहिलो इनिंग्सको अग्रता हाँसिल गरेको छ।

पहिलो दिन टस जितेर ब्याटिंग रोजेको इंग्ल्यान्डले २०५ रनमा सबै विकेट गुमाएपछि पहिलो दिननै ब्याटिंग सुरु गरेको भारतले १ विकेट गुमाएर २४ रन बनाएको थियो।

२४/१ को अवस्थाबाट दोश्रो दिन ब्याटिंग सुरु गरेको भारतको सुरुवात खराब रह्यो। पहिलो दिन १५ रन बनाएर क्रिजमा रहेका चेतेश्वर पुजारा थप २ रन व्यक्तिगत योगफलमा जोड्दै ज्याक लिचबाट एलबिडब्लु आउट भए। त्यसको ३ ओभर पछि कप्तान बिराट कोहली खाता नखोली बेन स्टोक्सबाट क्याच आउट हुन पुगे। कोहली टेस्ट करियरमा ११३ इनिंग्समा ब्याटिंग गर्दा १२ औं पटक तथा इंग्ल्यान्ड बिरुद्ध ५ औं पटक खाता नखोली आउट भए। भारत ४१/३ को नाजुक अवस्थामा पुग्यो।

चौथो विकेटको लागि ओपनर रोहित शर्माले अजिंके रहानेसंग ३९ रनको साझेदारी गरे। २७ रन बनाएका रहानेलाई जेम्स एण्डरसनले क्याच आउट गर्दै साझेदारी तोडे। रोहितले त्यसपछि रिशभ पन्तसंग ४१ रनको साझेदारी गरे। अर्धशतकबाट १ रन टाढा रहंदा स्टोक्सले रोहितलाई एलबिडब्लु धरापमा पारे। रोहितले १४४ बलमा ७ चौका प्रहार गरे। त्यसपछि भारतको इनिंग्स रिशभ पन्तले सम्हाले।

पन्तले रभीचन्द्रन आश्विनसंग २५ रनको साझेदारी गरे। १३ रन बनाएका आश्विनलाई लिचले क्याच आउट गराए। त्यसपछि पन्त र वासिंगटन सुन्दरले शतकीय साझेदारी गर्दै इंग्ल्यान्डको पहिलो इनिंग्सको योगफल पार गर्दै भारतलाई अग्रता दिलाए। घरेलु भुमिमा पहिलो तथा करियरको तेश्रो टेस्ट शतक प्रहार गरेका पन्तलाई एण्डरसनले जो रुटबाट क्याच आउट गराउदै ११३ रनको साझेदारी तोडे।

पन्तले १०१ रन बनाउने क्रममा ११८ बलमा १३ चौका र २ छक्का प्रहार गरे। अर्धशतक पुरा गर्न ८२ बल लगाएका पन्तले त्यसपछिको ३३ बलमा शतक पुरा गरेका थिए। ११५ बलमा शतक पुरा गर्दा पन्तले इंग्ल्यान्ड कप्तान रुटलाई स्लग स्विप गर्दै छक्का प्रहार गरेका थिए। शतक पुरा गरे पछिको ओभरमा आक्रामक सट खेल्ने क्रममा उनले विकेट दिएका थिए।

पन्तको विकेट पछि वासिंगटन सुन्दरले अक्षर पटेलसग आठौँ विकेटको लागि ३५ रनको साझेदारी गरेका छन्। दिनको समाप्तिमा सुन्दर ११७ बलमा ८ चौका मद्दतले ६० रनमा तथा पटेल ३४ बलमा २ चौका मद्दतले ११ रन बनाएर अविजित छन्।

इंग्ल्यान्डको बलिंगमा जेम्स एण्डरसनले ३ विकेट ( २०-११-४०-३ ) तथा बेन स्टोक्स ( २२-६-७३-२ ) र ज्याक लिचले ( २३-५-६६-२ ) समान २ विकेट लिएका छन्।

पहिलो इनिंग्समा इंग्ल्यान्डले ७५.५ ओभरमा सम्पूर्ण विकेट गुमाएर २०५ रन बनाएको थियो। उसको लागि बेन स्टोक्सले ५५ तथा ड्यानियल लरेन्सले ४६ रन बनाएका थिए। भारतको बलिंगमा अक्षर पटेलले ४, रभीचन्द्रन आश्विनले ३ तथा मोहम्मद सिराजले २ विकेट लिएका थिए।

पन्तको कीर्तिमान

गिलक्रिस्टको बराबरी :  टेस्ट करियरको तेश्रो शतक बनाएका भारतीय विकेटकिपर ब्याट्सम्यान रिशभ पन्त इंग्ल्यान्ड, अस्ट्रेलिया र भारत गरि तिन वटै देशमा शतक बनाउने टेस्ट क्रिकेट इतिहासकै दोश्रो विकेटकिपर ब्याट्सम्यान बनेका छन्। यस अघि अस्ट्रेलियन पूर्व विकेटकिपर ब्याट्सम्यान एडम गिलक्रिस्टले मात्र यस्तो किर्तिमान बनाएका थिए।

छक्का प्रहार गर्दै शतक : रिशभले छक्का हिर्काउदै शतक बनाएको टेस्ट करियरमा दोश्रो पटक हो। टेस्ट क्रिकेटमा भारतीय ब्याट्सम्यानहरुमा रोहित शर्मा र गौतम गम्भीरले समान २ पटक तथा सबैभन्दा धेरै सचिन तेन्दुलकरले ६ पटक छक्का प्रहार गर्दै शतक पुरा गरेका छन्।

धेरैले पढेको :-

काठमाडौँ मेयर कपमा सन्दिपले मेयर-११ टिमको कप्तानी गर्ने, कहिले छ खेल

काठमाडौँ मेयर कप : दुई सोनुलाई मौका दिंदै बागमती प्रदेश टिमको घोषणा

आईपीएल २०२१ : चेन्नाईले अभ्यास सुरु गर्ने





थप समाचार

हाईस्कोरिंग खेलमा कोलकातालाई हराउदै चेन्नाई शिर्षमा

कोलकाता नाइट राइडर्सलाई १८ रनले पराजित गर्दै १४ औं आईपीएल अंकतालिकाको शिर्षस्थानमा पुगेको छ। मुम्बईको वानखेडे स्टेडियममा सम्पन्न खेलमा चेन्नाईले […]

IPL : हैदरावादको पहिलो जित, पन्जाब पुछारमा पुग्दा हैदरावाद पाँचौ स्थानमा

पन्जाब किंग्सलाई ९ विकेटले पराजित गर्दै सनराइजर्स हैदरावादले आईपीएल १४ मा पहिलो जित दर्ता गरेको छ। चेन्नाई स्थित एमए चिदम्बरम स्टेडियममा […]

पाकिस्तानको जितमा रिजवान र कादिर उत्कृस्ट

जिम्बाबेलाई ११ रनले पराजित गर्दै भ्रमण टोलि पाकिस्तानले पहिलो टि-ट्वान्टीमा ११ रनको जित दर्ता गरेको छ। जितसंगै तिन वटा टि-ट्वान्टीको […]

बराबरीमा टुंगियो मलेसिया र नेदरल्याण्डको खेल, नेपाल र नेदरल्याण्ड फाइनलमा

नेपालमा त्रि-देशीय टि-ट्वान्टी सिरिज अन्तर्गत नेदरल्याण्ड र मलेसिया बीचको खेल बराबरीमा टुंगिएको छ। यो संगै सिरिजको फाइनलमा नेपाल र नेदरल्याण्ड […]

कुपरले उत्कृस्ट ब्याटिंग गर्दा वर्षाप्रभावित खेलमा नेदरल्याण्डले बनायो १०७ रन

नेपाल, नेदरल्याण्ड र मलेसिया बीच जारि त्रि-देशीय टि-ट्वान्टी सिरिज अन्तर्गत पाँचौ खेलमा बुधबार नेदरल्याण्ड र मलेसिया प्रतिस्पर्धा गरिरहेका छन्। टियु […]

आईसीसी ब्याटिंग वरियतामा शिर्ष १०० भित्र कुशल भुर्तेल

नेपाल, नेदरल्याण्ड र मलेसिया बीच जारि त्रिदेशीय टि-ट्वान्टी सिरिजमा उत्कृस्ट ब्याटिंग गरिरहेका कुशल भुर्तेलले अन्तर्राष्ट्रिय क्रिकेट परिषद ( आईसीसी ) […]