प्रम कप : पवन सर्राफको १३ बलमा अर्धशतक



काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत बिहिबार लुम्बिनी प्रदेश बिरुद्धको खेलमा नेपाल पुलिस क्लबका ब्याट्सम्यान पवन सर्राफले मात्र १३ बलमा अर्धशतक बनाउदै नयाँ कीर्तिमान बनाएका छन्।

टियु अन्तर्राष्ट्रिय क्रिकेट मैदान किर्तिपुरमा टस हारेर ब्याटिंग गरेको पुलिसले ५० ओभरमा ४ विकेट गुमाएर ३१० रन बनाएको छ।

यस क्रममा ४८ औं ओभरमा दिपेन्द्र ऐरी आउट भएपछि ब्याटिंग गर्न आएका दायाँ हाते ब्याट्सम्यान सार्रफले अपत्यारिलो ब्याटिंग गर्दै अर्धशतक बनाए।

पहिलो ओभरमा १ रन र चौका प्रहार गर्दै २ बलमा ५ रन बनएका सर्राफले लेग स्पिनर बिक्रम भुसालले गरेको ४९ औं ओभरको तेश्रो र पाँचौ बलमा छक्का हिर्काए। ४९ ओभर समाप्तिमा ७ बलमा २२ रन बनाएका सर्राफले ५० औं ओभरमा सौरभ खनाल बिरुद्ध अझ आक्रामक ब्याटिंग गरे। खनालले गरेको पहिलो ३ बलमा सर्राफले छक्का हिर्काए। त्यसपछि चौथो र पाँचौ बलमा २/२ रन लिएका उनलाई अन्तिम बलमा अर्धशतक पुरा गर्न ६ रन आवस्यक रहेको थियो। अन्तिम बलमा सर्राफले छक्का हिर्काउदै १३ बलमा अर्धशतक पुरा गरे।

सर्राफको इनिंग्स : १ , ४ , २ , ६ , २ , ६ , १ , ६ , ६, ६ , २ , २ ६

खेलको ४० ओभरमा १७८ रन बनाएको पुलिसले अन्तिम १० ओभरमा १३२ रन बनायो। यस्तै अन्तिम ५ ओभरमा पुलिसले ८२ रन बनायो।

यस अघि पुलिसका ओपनिंग ब्याट्सम्यान सुनिल धमलाले घरेलु क्रिकेटमा पहिलो शतक बनाउने क्रममा १४५ बलमा ७ चौका र १ छक्का मद्दतले १०४ रन बनएका थिए। यस्तै दिपेन्द्र ऐरीले ६१ बलमा ६ छक्का र १ चौका मद्दतले ८५ रन बनाए।

खेलको स्कोरकार्ड 





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]