प्रदेश-२ माथि आर्मीको विशाल जित, राजु र शाहबको उत्कृस्ट योगदान

Raju Rijal


प्रधानमन्त्री कप एकदिवसीय क्रिकेट प्रतियोगिता सुरु भएको छ। प्रतियोगिताको टियु मैदानमा सम्पन्न उद्घाटन खेलमा त्रिभुवन आर्मी क्लबले प्रदेश-२ लाई १७१ रनको विशाल अन्तरले पराजित गर्यो।

समुह ‘बि’ अन्तर्गतको खेलमा टस हारेर पहिले ब्याटिंग गरेको आर्मीले ५० ओभरमा ९ विकेट गुमाएर २७८ रनको योगफल तयार गरेको थियो। २७९ रनको लक्ष्य पछ्याउने क्रममा प्रदेश-२ ले ३१.४ ओभरमा १०७ रनमै सम्पूर्ण विकेट गुमाउन पुग्यो।

प्रदेश-२ लाई सस्तोमा समेट्न आर्मीका देब्रे हाते स्पिनर शाहब आलमले ४ विकेट ( ९-०-२९-४ ) तथा सुशन भारि ( ६.४-१-२०-३ ) ले ३ विकेट लिए। यस्तै जितेन्द्र मुखियाले २ ( ७-३-११-२ ) तथा कुशल मल्लले १ विकेट ( ३-०-१५-१ ) लिए।

Shah Alam bowling
शाहब आलमले ३ विकेट लिए ( फाइल फोटो )

कमजोर ब्याटिंग गरेको प्रदेश-२ को लागि ओपनर हरिशंकर शाहले सर्वाधिक २१ रन बनाए। यस्तै सम्साद शेखले १६, सुधार चौधरीले १५, राशिद खानले अविजित १४ रन योगदान दिए। मेहबुब आलमले ५ रन मात्र बनाउन सके।

यस अघि पहिले ब्याटिंग गर्ने क्रममा आर्मीको लागि राजु रिजालले सर्वाधिक ९० ( १०९ बलमा ५ चौका र २ छक्का ) योगदान दिए। यस्तै कप्तान बिनोद भण्डारीले ६६ ( ६१ बलमा ९ चौका ) बनाए। रोहित पौडेलए ४७ तथा हरि चौधानले २६ रन बनाए।

पहिलो विकेटको लागि राजु र बिनोदले २१ ओभरमा १२१ रनको साझेदारी गरेका थिए।

प्रदेश-२ का बलर हरिशंकर शाहले ३ विकेट ( १०-१-५५-३ ) लिए। स्कोरकार्ड 

खेलको प्लेयर अफ द म्याच राजु रिजाल चुनिए।

प्रतियोगिता अन्तर्गत दोश्रो दिनको खेलमा शशस्त्र प्रहरी बल ( एपीएफ ) ले प्रदेश-३ को सामना गरेनछ। प्रदेश-३ को कप्तानी पारस खड्काले गर्ने छन् भने ज्ञानेन्द्र मल्ल पनि खेल्नेछन्।

प्रधानमन्त्री कपमा ७ प्रदेश र ३ विभागीय टिमहरु १० टिम सहभागी छन्। १० टिमलाई २ समुहमा बिभाजन गरिएको छ। समुह चरणमा दुवै समुहमा रहेका टिमहरुले एक-अर्कासंग १-१ खेल खेलेपछि दुवै समुहबाट उत्कृस्ट हुने २ टिम सेमीफाइनल प्रवेश गर्नेछन्।

समुह ‘ए’ अन्तर्गत रहेको छ जुन समुहमा प्रदेश-३, प्रदेश-५ , सुदुरपश्चिम प्रदेश, गण्डकी प्रदेश र शशस्त्र प्रहरी बल रहेका छन्। समुह ‘बि’ मा प्रदेश-१ , प्रदेश-२ , कर्णाली प्रदेश, त्रिभुवन आर्मी क्लब र नेपाल पुलिस क्लब रहेका छन्।

प्रतियोगिताको विजेताले नगद २० लाख, उपविजेताले १० लाख हात पार्नेछन् भने सर्वोत्कृष्ट खेलाडीले एक थान मोटरसाइकल प्राप्त गर्नेछन् । त्यस्तै उत्कृष्ट ब्याट्सम्यान र बलरले जनही नगद ५० हजार प्राप्त गर्नेछन् । यस्तै प्रतियोगितामा खेल हेर्न पुग्ने दर्शकले छक्का हानेको बल १ हातले समाते ५० हजार रुपैयाँ पुरस्कार दिने समेत आयोजकले घोषणा गरिसकेको छ।

( फिचर फोटो – राजु रिजाल- फाइल )





थप समाचार

क्यानद्वारा सात प्रदेशमा १० प्रशिक्षक नियुक्त

नेपाल क्रिकेट संघले आफ्नो सातवटै प्रदेश क्रिकेट संघहरुमा पहिलो पटक प्रशिक्षक नियुक्त गरेको छ। क्यानले प्रदेश-२, लुम्बिनी प्रदेश र सुदूरपश्चिम प्रदेशमा […]

प्रशिक्षक व्हाटमोरको विदाई सुखद बनाउने नेपाली टिमको चाहना

नेपाली राष्ट्रिय क्रिकेट टिमका मुख्य प्रशिक्षक डेभ व्हाटमोरको प्रशिक्षणमा नेपाली राष्ट्रिय क्रिकेट टिमले आज अन्तिम खेल खेल्दैछ। ओमान भ्रमण अन्तर्गत विश्वकप […]

नेपाल र ओमान बीच खेल आज ( सम्पूर्ण जानकारी )

खेल – नेपाल VS ओमान ( चौंथो खेल, विश्वकप लिग-२ , त्रिकोणात्मक सिरिज ) कहिले – सेप्टेम्बर १९, आइतबार, नेपाली […]

कप्तान मल्लले बताए अमेरिकासंग हारको प्रमुख कारण

ओमानमा जारी आईसीसी विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजमा लगातार दोश्रो हार बेहोर्ने क्रममा नेपाल अमेरिकासंग ६ विकेटले पराजित […]

डेब्युमा कस्तो रह्यो गुल्सनको प्रदर्शन

नेपाली घरेलु क्रिकेटमा मात्र दुई वटा खेलमा गरेको प्रदर्शनको बलमा गुल्सन झाले नेपाली राष्ट्रिय क्रिकेट टिममा स्थान बनाउदै शुक्रबार डेब्यु […]

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]