प्रम कप : पहिलो सेमीफाइनलमा एपीएफ र पुलिस खेल्दै



प्रधानमन्त्री कप पुरुष एकदिवसीय राष्ट्रिय प्रतियोगिता अन्तर्गत पहिलो सेमी फाइनल खेलमा बुधबार दुई विभागीय टोलि शशस्त्र प्रहरी बल ( एपीएफ ) र डिफेन्डिङ च्याम्पियन टिम नेपाल पुलिस क्लबले प्रतिस्पर्धा गर्दैछन्। खेल विहान ९ बजे त्रिभुवन अन्तर्राष्ट्रिय क्रिकेट मैदानमा सुरु हुनेछ।

प्रतियोगिता अन्तर्गत समुह चरणको खेलमा समुह ‘ए’ को विजेताको रुपमा एपीएफ सेमीफाइनल पुगेको थियो। पुलिस समुह ‘बि’ को उपविजेताको रुपमा सेमीफाइनल पुगेको हो।

समुह चरणमा एपीएफले ४ वटै खेलमा जित दर्ता गर्ने क्रममा त्रिभुवन आर्मी क्लब, कर्णाली प्रदेश, प्रदेश-१ र गण्डकी प्रदेशलाई पराजित गरेको थियो। पुलिसले पहिलो खेलमा बागमती प्रदेशसंग हार बेहोरेपछि सुदुरपश्चिम प्रदेश र प्रदेश-२ लाई पराजित गर्दा लुम्बिनी प्रदेशसंग बराबरी खेलेको थियो।

गत सिजन प्रधानमन्त्री कपको सेमीफाइनलमा पुलिसले एपीएफलाई ५ विकेटले पराजित गरेको थियो। एपीएफ मात्र ४१ रनमा समेटिन पुग्दा पुलिसले ५ विकेट गुमाएर लक्ष्य पुरा गरेको थियो। 

गत वर्ष प्रधानमन्त्री कपमा एपीएफलाई पुलिसले ४१ रनमा अलआउट गरेको थियो 

प्रतियोगितामा एपीएफका फास्ट बलरद्वय अविनाश बोहरा र कमल सिंह ऐरी तथा स्पिनर बसन्त रेग्मी राम्रो लयमा छन्। बोहराले ३ खेलमा ८ विकेट, ऐरीले ४ खेलमा ७ विकेट तथा रेग्मीले ४ खेलमा ५ विकेट लिएका छन्। यस्तै ब्याटिंगमा एपीएफ ओपनर आसिफ शेख, मध्यक्रम ब्याट्सम्यान सन्दिप जोरा लयमा छन्। शेखले ३ खेलमा २ अर्धशतक मद्दतले १४४ रन बनाएका छन् जुन क्रममा १४४ को उत्कृस्ट स्ट्राइक रेट र ४८ औशत रहेको छ। जोराले ४ खेलमा ३९.३३ को औशतले ११८ रन बनाएका छन्। तर दुई ब्याट्सम्यान बाहेक टिमका मुख्य ब्याट्सम्यान सुबास खकुरेल, शरद भेसवकर, सुमित महर्जनको प्रदर्शन भने खास रहन सकेको छैन।

पुलिस टिमको स्पिनरहरु राम्रो लयमा देखिएका छन्। सागर ढकालले ४ खेलमा ७ विकेट लिएका छन् भने ललित राजबंशी र दिपेन्द्र ऐरीले समान खेलमा ६/६ विकेट लिएका छन्। पवन सर्राफ, राशिद खानको प्रदर्शन भने खास छैन। पेस बलरको रुपमा खेलीरहेका आरिफ शेखले ३ खेलमा बलिंग गर्दा विकेट लिन सकेका छैनन्। पुलिसको ब्याटिंगमा सुनिल धमला, दिपेन्द्र ऐरी,कुशल भुर्तेल जस्ता ब्याट्सम्यानले रन बनाएका छन्। धमलाले ४ खेलमा १ शतक र १ अर्धशतक मद्दतले १८७ रन बनाएका छन्। दिपेन्द्रले ४ खेलम ३ पटक ब्याटिंग गर्दा १ अर्धशतक मद्दतले १२३ रन बनाएका छन्। ओपनर कुशल भुर्तेलले ४ खेलमा ११७ रन बनाएका छन् जुन क्रममा १ अर्धशतक प्रहार गरेका छन्। अमित श्रेष्ठ, आरिफ शेख, अनिल साह जस्ता ब्याट्सम्यानहरुको प्रदर्शन भने खास रहन सकेको छैन।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]