मल्लको शतकले दिलाएन प्रदेश-३ लाई जित, एपीएफ ४१ रनले विजयी



प्रधानमन्त्री कप प्रतियोगिता अन्तर्गत विभागीय टिम एपीएफ र प्रदेश-३ बीचको खेल महत्वको साथ हेरिएको थियो।

करिब १ दशक पछि विभागीय टिम छोडेर पहिलो पटक प्रदेशको लागि डेब्यु गरेका पारस खड्का र ज्ञानेन्द्र मल्ल आफ्नै पुरानो टिम एपीएफ बिरुद्ध खेल्दै थिए। अर्को तिर पारस प्रधानमन्त्री कपमा पनि डेब्यु गर्दै थिए।

खेल अघि पारस र ज्ञानेन्द्रको डेब्युको चर्चा मात्रै हैन पारस र ज्ञानेन्द्रको उपस्थितिले उत्साहित प्रदेश-३ ले एपीएफलाई पराजित गर्दै स्तब्ध बनाउन सक्ने अनुमान पनि गरिएको थियो।

एपीएफलाई सहजै जित नसुम्पिए पनि अस्चार्यजनक नतिजा ल्याउने चाहना भने पुरा भएन। डिफेन्डिङ च्यापिय शशस्त्र प्रहरी बल एपीएफले प्रदेश-३ लाई ४१ रनले पराजित गर्यो।

ज्ञानेन्द्रको शतक 

टस जितेर पहिले ब्याटिंग गर्दै एपीएफले दिएको २८९ रनको लक्ष्य पछ्याउने क्रममा प्रदेश-३ ले ५० ओभर ब्याटिंग गर्दै ९ विकेट गुमाएर २४७ रन मात्र बनाउन सक्यो।

लक्ष्य पछ्याउने क्रममा प्रदेश-३ ओपनर जितेन्द्र सिंह ठकुरी र रित गौतमले पहिलो विकेटको लागि ४० रनको साझेदारी गरे। १२ औं ओभरमा जितेन्द्र १२ रन बनाएर आउट भए लगत्तै १३ औं ओभरमा रित गौतम पनि २७ रन बनाएर आउट भए। इशान पाण्डे पनि १ रन बनाएर आउट हुँदा ५५/३ पुगेको प्रदेश-३ लाई पारस खड्का र ज्ञानेन्द्र मल्लले चौथो विकेटको लागि ५७ रनको साझेदारी गर्दै उकासे।

Paras Khadka

कप्तान पारस ४६ रन ( ४५ बलमा ४ चौका र २ छक्का ) बनाएर भुवन कार्कीको बलमा २९ औं ओभरमा आउट हुन पुगे। त्यसपछि प्रदेश-३ ले लगातार विकेट गुमाउन पुग्यो। अभिशेक बस्नेत ९ , रबिन जोशी २ तथा सोनु तामांग २ रन बनाएर आउट भए।

अर्को किनारमा विकेट गुमेपनि ज्ञानेन्द्र मल्लले एक किनार सम्हालिरहे। आठौँ विकेटको लागि मल्लले सोनु देवकोटासंग ९८ रनको साझेदारी गरे।

यस बीचमा ज्ञानेन्द्रले शतक पुरा गरे। सिनियर स्तरको नेपाली घरेलु क्रिकेटमा मल्लको यो पहिलो शतक हो। नेपाली राष्ट्रिय टिमको लागि मल्लले विश्व क्रिकेट लिग डिभिजन-३ २०१४ मा सिंगापुरसंग शतकीय इनिंग खेलेका थिए।

मल्लले शतक बाबजुद सुरुवात देखि सुस्त रहेको प्रदेश-३ लक्ष्यको नजिक भने पुग्न सकेन ।  ११७ रन बनाएका मल्लले त्यस क्रममा १११ बलमा ८ चौका र ५ छक्का प्रहार गरे। सोनु देवकोटाले १५ रन बनाए।

Gyanendra Malla Century

एपीएफको लागि बलिंगमा कमल सिंह ऐरीले सर्वाधिक ३ विकेट ( १०-०-६४-३ ) लिए भने अविनाश बोहराले २ विकेट ( १०-१-६६-२ ) लिए। पृथु बास्कोटा र भुवन कार्कीले १/१ विकेट लिए।

बसन्त रेग्मी घाइते हुँदा उनको अनुपस्थितिले एपीएफलाई बीचको ओभरमा स्पिनरको कमि देखिएको थियो। पृथु बास्कोटा र शरद भेसावकरले बीचको ओभरमा बलिंग गरे।

सुमित महर्जनको उत्कृस्ट इनिंग 

यस अघि एपीएफले निर्धारित ५० ओभरमा ९ विकेट गुमाएर २८८ रनको योगफल तयार गरेको थियो ।

टस जितेर ब्याटिंग गरेको एपीएफको सुरुवात राम्रो हुन सकेको थिएन। ओपनर शरद भेसावकर १२, आसिफ शेख ७ रन तथा शंकर राना १ रन बनाएर आउट भए। शरदलाई पारस खड्काले आसिफलाई नन्दन यादबले आउट गरे।

प्रतियोगिताको र घरेलु क्रिकेटमा आफ्नो पहिलो शतक नजिक पुगेका सुमित २ रन लिने चक्करमा पृथु बास्कोटासंग असमझदारी हुँदै रन आउट हुन पुगे। महर्जनले ९४ रन बनाए जुन क्रममा १०३ बलमा ५ चौका र ६ छक्का प्रहार गरे।

सुमितको विकेटपछि सन्दिप जोरा ६ रन बनाएर लगत्तै आउट भए। अर्धशतक पुरा गरेका कप्तान पृथु ५९ रन बनाएर आउट भए जसले ५८ बलमा ३ चौका र १ छक्का प्रहार गरे। दुवैलाई अफ स्पिनर जितेन्द्र ठकुरीले आउट गरे।

Sumit Maharjan

त्यसपछि तल्लो क्रममा अमर सिंह रौटेलाले आक्रामक इनिंग खेल्दै एपीएफलाई ठुलो योगफलतर्फ डोर्याए । त्यस क्रममा उनले ४९ औं ओभरमा जितेन्द्र सिंह ठकुरीलाई लगातार २ छक्का प्रहार गरे।

रौटेला २७ रनमा अविजित रहे जुन क्रममा १८ बलमा २ चौका र २ छक्का हिर्काए।

प्रदेश-३ को बलिंगमा जितेन्द्र सिंह ठकुरी ( ५-०-३८-३ ) र नन्दन यादबले ( ) ३/३ विकेट लिए। यस्तै पारस खड्का ( १०-०-५०-० ) , सुर्य तामांग ( १०-२-५१-१ ) ले १/१ विकेट लिए ।

प्रतियोगिता अन्तर्गत आइतबार २ खेलहरु संचालन हुनेछन्। टियु मैदानमा हुने खेलमा प्रदेश-१ र त्रिभुवन आर्मी क्लब तथा मुलपानी मैदानमा हुने खेलमा कर्णाली प्रदेश र नेपाल पुलिस क्लबले प्रतिस्पर्धा गर्नेछन्।

 





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]