प्रम कप महिला : प्रदेश-२ द्वारा लुम्बिनीलाई ७८ रनको लक्ष्य



प्रधानमन्त्री कप महिला राष्ट्रिय टि-२० प्रतियोगिता दाङको लमहीमा सुरु भएको छ। प्रतियोगिताको उद्घाटन खेलमा लुम्बिनी प्रदेश र प्रदेश-२ ले प्रतिस्पर्धा गरिरहेका छन्।

लमही क्रिकेट मैदानमा टस हारेर ब्याटिंग गरेको प्रदेश-२ ले निर्धारित २० ओभरमा ७ विकेट गुमाएर ७७ रन बनाउदै लुबिनी प्रदेशलाई ७८ रनको लक्ष्य प्रस्तुत गरेको छ। ( स्कोरकार्ड )

प्रदेश-२ को ब्याटिंगमा अनुराधा चौधरी र साना प्रविनले समान सर्वाधिक २१ रन तथा बिमला मगरले १० रन योगदान दिए।

खराब सुरुवात गरेको प्रदेश-२ ले पहिलो ३ विकेट १५ रनको योगफलमा गुमाएको थियो। ओपनर मेलिना रायमाझी र कप्तान सन्तोषी चौधरी खाता नखोली तथा गोमा आले ३ रन बनाएर आउट भए। चौथो विकेटको लागि ओपनर अनुराधा चौधरी र साना प्रविनले ३४ रनको साझेदारी गरे। अनुराधा १३ औं ओभरमा गीता गोसाईबाट स्टम्प भएपछि पाँचौ विकेटको लागि साना प्रविन र बिमला मगर बीच २४ रनको साझेदारी भयो। १९ औं ओभरमा बिमलालाई सुस्मिता भुसालले एलबिडब्लु आउट गर्दै साझेदारी तोडिन्। साना प्रविन २० औं ओभरमा रन आउट भइन्।

लुम्बिनीको बलिंगमा सुस्मिता भुसालले सर्वाधिक ३ विकेट हात पारिन् जुन क्रममा ४ ओभरमा मात्र १० रन खर्चिन्। स्वस्तिका बजगाई ( ४-०-१७-१ ) , कप्तान नेरी थापा ( ३-०-१०-१ ) र गीता गोसाई ( ४-०-२०-१ ) ले समान १ विकेट हात पारे।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]