प्रधानमन्त्री कपमा पहिले ब्याटिंग गर्ने सबै टिम पराजित, पुलिसको पनि उस्तै हाल



  • विकेटनेपाल, १४ जेठ

काठमाडौँमा जारि प्रधानमन्त्री कप क्रिकेट प्रतियोगिताको समुह ‘बि’ को सम्पूर्ण खेलहरु सकिदा नतिजा आएको सबै खेलमा पहिले ब्याटिंग गर्ने टोलिले हारको सामना गर्नुपर्यो l ( हालसम्मको खेलको स्कोरकार्ड )

समुहको अन्तिम खेलमा टस हारेर पहिले ब्याटिंग गरेको पुलिसलाई आर्मीले ७ विकेटले पराजित गरेको हो l यो भन्दा अघि समुहको पहिलो खेलमा मंगलबार आर्मीले पूर्वान्चललाई, दोश्रो खेलमा बुधबार पुलिसले सुदुरपश्चिमाञ्चललाई, तेश्रो खेलमा बिहिबार पुलिसले पूर्वान्चललाई र पाचौ खेलमा शनिबार आर्मीले सुदुरपश्चिमाञ्चललाई पराजित गर्दा हारेको टिम सबैले पहिले ब्याटिंग गरेको थियो l

वर्षाले प्रभावित पूर्वान्चल र सुदुरपश्चिमाञ्चल बाहेक अन्य सबै खेलमा दोश्रो ब्याटिंग गर्ने टिम खेलमा पूर्णतया हाबी भएको थियो l  उक्त खेलमा टस जितेर ब्याटिंग गर्ने निर्णय गरेको सूदुरपश्चिमाञ्चलले १५३ रन मात्रै बनाउन सकेको थियो जुन लक्ष पछ्याउने क्रममा पुर्वान्चलले ४ विकेट २२ रनमै गुमाएको थियो जसपछि खेल रोकिएको थियो l

त्रिभुवन बिश्वबिद्यालय क्रिकेट मैदानमा हुने खेलहरुमा टस महत्वपूर्ण हुने गर्छ जुन प्रधानमन्त्री कपमा पनि देखिएको छ l अझ विभागीय टिमसंग भएको खेलमा सुदुरपश्चिमाञ्चल र पूर्वान्चलले टस हारेर पहिले ब्याटिंग गर्नु ठुलो अन्तरको हारको प्रमुख कारण पनि बन्न पुग्यो l समुहको अन्तिम खेलमा विभागीय पुलिस क्लबले पनि टस हारेर ब्याटिंग गर्नुपर्दा पुर्वान्चल र सुदुरपश्चिमाञ्चलकै परिस्थिति दोहोर्यायो l यसभन्दा अघि सबै खेलमा टस जितेको आर्मी र पुलिस क्लबले पहिले ब्याटिंग गर्नुपरेको थिएन l

Sushan bhari
सुशन भारि

आज सम्पन्न खेलमा टस हारेको नेपाल पुलिस क्लबले पनि टस हारेपछि पहिलो इनिंगमा फितलो ब्याटिंग गर्यो l सिनियर नेपाली टिमका सुनिल धमला, दिलिप नाथ, दिपेन्द्र ऐरी, आरिफ शेख, मन्जित श्रेष्ठ जस्ता ब्याट्सम्यानहरु रहेको पुलिस टिमले ५० ओभरको इनिंगमा २५.५ ओभर मात्रै क्रिजमा जम्न सक्यो l दिलिप नाथले मात्र जमेर ब्याटिंग गर्न सक्दा अन्य ब्याट्सम्यानहरुले विकेटमा टिक्ने साहस गर्न सकेनन् l दिलिप नाथ एक्लैले ५० रनको स्कोर गर्दा आर्मीले अतिरिक्तको रुपमा दिएको २२ रन र दिपेन्द्र ऐरीले बनाएको २२ रन पुलिसको कुल स्कोरमा दोश्रो सर्बाधिक योगदान हुनु, पहिले ब्याटिंग गर्दा पुलिसको दयनीय अवस्था दर्शाउन पर्याप्त थियो l

दिलिपले ७१ बलमा ५ चौका मदतले ७१ मिनेट क्रिजमा जम्दै बनाएको ५० रन मदतले पुलिसले पहिले इनिंगमा मात्र १०९ रन बनाउन सक्यो l

आर्मी बलर सुशन भारि एक्लैले पुलिसका ६ जना ब्याट्सम्यानलाई पेभेलियनको बाटो देखाए l देब्रेहाते स्पिनर भारिले ७.५ ओभरमा मात्र १६ रन खर्चे जुन क्रममा पुलिसको तल्लो मध्येक्रम र पुछारको ब्याटिंग लाइन अप ध्वस्त बनाएका थिए l सोमपाल कामि र सागर पुनले पनि समान २/२ महत्वपूर्ण विकेट लिए l

पहिलो ओभरमा २ विकेट लिंदै पुलिसको विकेट पतन सुरुवात गरेका सोमपाल कामिले सुनिल धमला ( ० )  र अमित श्रेष्ठ ( ० ) लाई त्यसक्रममा आउट गरे l आरिफ शेख ( ४ ) , योगेन्द्र सिंग कार्की ( ० ) , कुशल भुर्तेल ( ० ) , मन्जित श्रेष्ठ ( ६ ) रनमै पेभेलियन फर्किएका थिए l

११० रनको लक्ष आर्मीले ३१ औ ओभरमा ३ विकेट नोक्सानीमा भेटायो l

नरेश बुढायरले अविजित ४१ तथा कप्तान बिनोद भण्डारीले अविजित ४६ रन बनाउदै आर्मीको जित सहज बनाए l नरेशले ७४ बलमा ३ चौका र १ छक्का प्रहार गरे भने बिनोदले ५० बलमा ७ चौका र १ छक्का प्रहार गरेका थिए l

आर्मीले पहिलो ३ विकेट ३७ रनको स्कोरमै गुमाएको थियो जसपछि बिनोद र नरेशले ७६ रनको साझेदारी गर्दै आर्मीलाई सुरक्षित गन्तव्य प्रदान गरे l अनिल मण्डल ( १ ) , सागर पुन ( ११ ) तथा महेश क्षेत्री ( ११ ) रनमा आउट हुँदा आर्मी समस्यामा देखिएको थियो l

देब्रे हाते ओपनिंग पेस बलर ललित सिंह भण्डारीले २ विकेट तथा सुशील कंडेलले १ विकेट लिंदै पुलिसको आशा जगाए पनि त्यसपछि विकेट लिन पुलिस बलरहरु असफल रहे l

प्रधानमन्त्री कपको समुह ‘बि’ को सम्पूर्ण खेलहरु सकिंदा आर्मी ३ वटै खेलमा विजय हात पार्दै समुह बिजेताको रुपमा सेमीफाइनल प्रवेश गर्यो भने २ जित र १ हार सहित पुलिस समुह उपविजेताको रुपमा सेमीफाइनलमा प्रवेश गर्यो l एक अर्का बिरुद्धको खेल वर्षाले बराबरी भएपछि सुदुरपश्चिमाञ्चल र पूर्वान्चल जित दर्ता नगरी घर फर्किन बाध्य भयो l

प्रतियोगिताको समुह ‘ए’ अन्तर्गतको खेलहरु भोलि सोमबारबाट सुरु हुनेछ l पहिलो खेलमा भोलि शशस्त्र प्रहरी बल ( एपीएफ ) र पश्चिमाञ्चल बीच खेल हुनेछ l

जेठ ९ गते बाट सुरु भएको प्रतियोगिता रास्ट्रिय खेलकुद परिषदले आयोजना गरेको हो l प्रतियोगिताको बिजेताले हालसम्मकै सर्बाधिक रु. २० लाख तथा उपविजेता टिमले रु. १० लाख प्राप्त गर्नेछ l





थप समाचार

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]