महिला प्रम कप : एपीएफद्वारा कर्णाली विशाल अन्तरले पराजित



महिला प्रधानमन्त्री कप राष्ट्रिय टि-२० प्रतियोगिता अन्तर्गत पहिलो दिनको दोश्रो खेलले डिफेन्डिङ च्याम्पियन एपीएफले कर्णाली प्रदेशलाई २०४ रनको विशाल अन्तरले पराजित गरेको छ। समुह ‘ए’ अन्तर्गतनै सम्पन्न दिनको पहिलो खेलमा लुम्बिनी प्रदेशले प्रदेश-२ बिरुद्ध सहज जित दर्ता गरेको थियो।

२०४ रनको हार प्रधानमन्त्री कप महिला राष्ट्रिय प्रतियोगितामा सबैभन्दा ठूलो अन्तरको हार हो। स्कोरकार्ड 

दाङको लमही क्रिकेट मैदानमा सम्पन्न खेलमा एपीएफले दिएको २३६ रनको विशाल लक्ष्य पछ्याउने क्रममा कर्णालीले १४.१ ओभरमा ३१ रनमै सम्पूर्ण विकेट गुमाउन पुग्यो।

कर्णालीको कुनै पनि खेलाडीले दोहोरो अंकमा रन बनाउन सकेनन्। कप्तान लक्ष्मी रिमालले सर्वाधिक ६ तथा दिक्ष्या पुरीले अविजित ५ रन योगदान दिईन्। ५ जना ब्याट्सउमनहरु खाता नखोली आउट भए।

एपीएफको बलिंगमा अफ स्पिनर करुणा भण्डारी एक्लैले ५ विकेट हात पारिन् जुन क्रममा उनले ३.१ ओभर बलिंग गर्दै २ मेडन ओभर सहित मात्र २ रन खर्चिन्। राजमती ऐरीले २ ( २-०-६-२ ) तथा सोनु खड्का ( २-१-३-१ ) र रेखा रवाल ( २-०-३-१ ) ले समान १/१ विकेट आफ्नो नाम गरे।

Player of the match Sita Rana Magar of APF

 

एपीएफको कीर्तिमानी योगफल 

लमही क्रिकेट मैदानमा टस जितेर ब्याटिंग रोजेको एपीएफले २० ओभरमा ४ विकेट गुमाएर २३५ रन बनाएको थियो।

प्रधानमन्त्री कप महिला राष्ट्रिय टि-२० क्रिकेटमा यो सबैभन्दा ठूलो योगफल हो। प्रधानमन्त्री कपको अघिल्लो संस्करणमा कर्णाली प्रदेश बिरुद्ध प्रदेश-३ ले १५६ रन बनाएको थियो।

एपीएफको लागि कप्तान सिता राना मगरले सर्वाधिक ६८ रन बनाईन्। सिताले ५९ बलमा ८ चौका प्रहार गरिन्। यस्तै सरिता मगरले ३४ बलमा ६ चौका मद्दतले ४४ रन बनाईन्। ज्योति पाण्डेले ३२, इन्दु बर्माले २२ रन बनाईन्।

कर्णालीले अतिरिक्तको रुपमा ६७ रन खर्चियो जसमा ४१ वाइड, १८ नो बल, ७ बाइ र १ लेग बाइ सामेल थियो।

उत्कृस्ट सुरुवात गर्ने क्रममा ओपनर ज्योति पाण्डे र सिता मगरले ९७ रनको ओपनिंग साझेदारी गरे। नवौं ओभरमा ज्योतिलाई निशा पराजुलीले क्याच आउट गराए। ज्योतिको विकेटपछि सिताले सरिता मगरसंग ९९ रनको साझेदारी गरे। १८ औं ओभरमा सितालाई अन्जु गुरुङले बोल्ड गरे। सरिता मगर र इन्दु बर्मा बीच तेश्रो विकेटको लागि ३४ रनको साझेदारी गरे।

कर्णालीको बलिंगमा दिक्षा पुरीले २ ( ४-०-४२-२ ) विकेट तथा निशा पराजुली ( ४-०-३४-१ ) , अन्जु गुरुङ ( ४-०-५१-१ ) ले समान १ विकेट हात पारे।





थप समाचार

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]