प्रम कप प्रादेशिक छनोट : एकतर्फी खेल जित्दै मोरङ बन्यो च्याम्पियन



प्रधानमन्त्री कप एकदिवसीय राष्ट्रिय प्रतियोगिताको लागि प्रदेश नम्बर-१ को प्रादेशिक छनोट प्रतियोगिता मोरङले जितेको छ। बिहिबार कन्काई मैदानमा सम्पन्न खेलमा मोरङ १६३ रनको विशाल अन्तरले विजयी भएको हो।

खेलमा मोरङले दिएको २९५ रनको लक्ष्य पछ्याउने क्रममा सुनसरीले ३५.२ ओभरमा सम्पूर्ण विकेट गुमाएर १३१ रन मात्र बनाउन सक्यो।

लक्ष्य पछ्याउने क्रममा मोरङको लागि राकेश सोनीले सर्वाधिक ३९, कप्तान सरोज बस्नेतले ३६, सोनु मण्डलले १६ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। मोरङका बलर दिपेश कंडेलले ४ विकेट लिए जुन क्रममा ७.२ ओभरमा ४ मेडन ओभर गर्दै मात्र १४ रन खर्चिए। सुभांकर उराव र कप्तान सिद्धान्त लोहनीले समान २ विकेट तथा आशिष श्रेष्ठ र फिर्दोश अन्सारीले समान १ विकेट लिए।

यस अघि टस जितेर ब्याटिंग गरेको मोरङले निर्धारित ४० ओभरमा ५ विकेट गुमाएर २९४ रन बनाएको थियो।

मोरङको लागि रभी रोयले सर्वाधिक ९३ रन बनाए जुन क्रममा ९३ बलमा १० चौका र ३ छक्का हिर्काए। मुकुन्द यादबले ५३ बलमा ७ चौका र ५ छक्का मद्दतले ८० रन तथा मिनास थापाले ६० बलमा ९ चौका र १ छक्का मद्दतले ६७ रन बनाए। कप्तान सिद्धान्त लोहनीले २३ तथा दिपक पासवानले १६ रन बनाए।

रभी रोयले दोश्रो विकेटको लागि मिनास थापासंग ९३ रनको तथा तेश्रो विकेटको लागि मुकुन्द यादवसंग १३१ रनको साझेदारी गरेका थिए।

सुनसरीको बलिंगमा भुपाल लुइँटेलले २ तथा जोशन खड्का, विकल्प आचार्य र सरोज बस्नेतले समान १ विकेट लिए।

प्रधानमन्त्री कप पुरुष राष्ट्रिय प्रतियोगिता पुषको अन्तिममा हुने बताईएता पनि मिति घोषणा गरिएको छैन।





थप समाचार

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]