प्रम कप : शरदको नेतृत्वमा एपीएफ टिम घोषित



विभागीय टोलि नेपाल एपीएफ क्लबले नेपाली क्रिकेट टोलीका अनुभवी ब्याट्सम्यान शरद भेषावकरको कप्तानीमा चौथो संस्करणको प्रधानमन्त्री राष्ट्रिय एक दिवसीय क्रिकेट प्रतियोगिताको लागि १५ सदस्य टोली घोषणा गरेको छ। यस अघिका कप्तान बसन्त रेग्मीले कप्तानी छाडेपछि उनको स्थान भेसावकरले लिएका हुन्।

गत वर्ष एपीएफ अनुभवी देब्रे हाते स्पिनर बसन्त रेग्मीको कप्तानीमा पीएमकप खेलेको थियो । एपीएफको घोषणा टोलीमा स्पिनर भुवन कार्कीले पूनरागमन गरेका छन् । युवा तीव्र गतिका बलर किशोर महतो, स्पिनर सूर्य तामाङ र युवा ब्याट्सम्यान रित गौतम पहिलो पटक एपीएफबाट खेल्ने भएका छन् । गत वर्ष सेमिफाइनलबाट बाहिरिएको एपीएफले यस पटक बलियो टोली निर्माण गर्दै घोषणा गरेको छ । टिममा कप्तान भेसावकर र पूर्वकप्तान रेग्मी सहित, सुबास खकुरेल, प्रदिप ऐरी, सन्दिप जोरा, कमल सिंह ऐरी, भुवन कार्की, आसिफ शेख, अविनाश बोहरा जस्ता सिनियर राष्ट्रिय क्रिकेटरहरु रहेका छन्।

प्रधानमन्त्री कप माघ २ देखि १७ सम्म टियु मैदान र मुलपानी क्रिकेट मैदानमा आयोजना हुँदैछ । एपीएफ समूह ‘ए’ मा छ । समूह ‘ए’ मा एपीएफसँगै त्रिभुवन आर्मी, गण्डकी, प्रदेश १, कर्णाली छन् । गत वर्ष एपीएफ सेमिफाइनलमा पुलिससँग ५ विकेटले पराजित हुँदै बाहिरिएको थियो । दोस्रो संस्करणमा आर्मीलाई ६ विकेटले हराउँदै एपीएफले उपाधि जितेको थियो ।

एपीएफले माघ ३ मा प्रदेश १ विरुद्ध टियु मैदानमा खेल्दै प्रतियोगिताको सुरुवात गर्ने छ । माघ ८ मा एपीएफले मुलपानीमा गण्डकीसँग खेल्ने छ । माघ १० मा कर्णाली र माघ १२ मा आर्मीसँग टियुमा खेल्ने छ ।

एपिएफको टोली : शरद भेषावकर (कप्तान), वसन्त रेग्मी, सुबास खकुरेल, शंकर राना, प्रदीप ऐरी, सन्दीप जोरा, कमलसिंह ऐरी, सुमित महर्जन, रित गौतम, किशोर महतो, भुवन कार्की, मोहम्मद आसिफ शेख, अमर सिंह रौटेला, सूर्य तामाङ र अभिनास बोहरा





थप समाचार

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]

प्रतिस्पर्धात्मक खेलमा ओमानद्वारा अमेरिका पराजित

प्रतिस्पर्धात्मक खेलमा अमेरिकालाई ४ विकेटले पराजित गर्दै ओमानमा जारी त्रिकोणात्मक एकदिवसीय अन्तर्राष्ट्रियमा ओमानले लगातार दोश्रो जित दर्ता गरेको छ। अल […]