एपीएफसंग प्रदेश-१ सहजै पराजित, अविनाशले लिए ५ विकेट



प्रधानमन्त्री कप एकदिवसीय राष्ट्रिय प्रतियोगिता अन्तर्गत दोश्रो खेलमा विभागीय टोलि नेपाल एपीएफ क्लबले प्रदेश नम्बर-१ लाई १३५ रन अन्तरले सहजै पराजित गर्दै विजयी सुरुवात गरेको छ।

टियु मैदानमा सम्पन्न खेलमा एपीएफले दिएको २४४ रनको लक्ष्य पछ्याउने क्रममा प्रदेश-१ ले ४२.४ ओभरमा सम्पूर्ण विकेट गुमाएर १०८ रन मात्र बनाउन सक्यो।

स्कोरकार्ड  , अंकतालिका

प्रदेश-१ को लागि मिनास थापाले सर्वाधिक १८ रन, फिर्दोश अन्सारीले १७ रन, दिपेश कंडेलले १६ रन, दिपक पासवानले १३ रन तथा जोशक खड्काले अविजित १२ रनको योगदान दिए।

पहिलो २ विकेट ५३ रनको योगफलमा गुमाएको प्रदेश-१ लाई त्यसपछि मध्यम ओभरमा अविनाश बोहरा र बसन्त रेग्मीले निरन्तर दबाबमा राखेका थिए। रेग्मीले १५ औं ओभरमा मिनास थापा र १९ औं ओभरमा राजन मगरलाई पेभेलियन फर्काएपछि बोहराले सिद्धान्त लोहनी, शुभंकर उराउ, फिर्दोश अन्सारी, सोनु मण्डल र सर्वन यादवको विकेट लिंदै विकेट संख्या ५ पुर्याएका थिए। त्यसपछि तल्लो क्रममा दिपेश कंडेल र जोशक खड्काले विकेटमा जम्दै टिमको योगफल १०० रन पार गराए।

एपीएफको बलिंगमा अविनाश बोहराले सर्वाधिक ५ विकेट लिए जुन क्रममा १० ओभरम ६ मेडन ओभर गर्दै मात्र १८ रन खर्चिए। बसन्त रेग्मीले २ विकट लिए जुन क्रममा १० ओभरमा ३ ओभर मेडन गर्दै मात्र १३ रन खर्चिए। शरद भेसावकर ( ५-१-१५-१ ) र किशोर महतो ( ६-०-२२-१ ) ले समान १ विकेट लिए।

यस अघि टस हारेर ब्याटिंग गरेको एपीएफले ४८.४ ओभरमा सबै विकेट गुमाएर २४३ रन बनाएको थियो।

सुबास खकुरेल र आसिफ शेखले ७१ रनको ओपनिंग साझेदारी गरेका थिए

एपीएफको लागि ओपनर आसिफ शेखले सर्वाधिक ५९ रन बनाए जुन क्रममा ३२ बलमा ६ चौका र ५ छक्का प्रहार गरे। यस्तै बसन्त रेग्मीले ४० रन, सन्दिप जोराले ३० रन, कप्तान शरद भेसावकरले २० रन तथा सुबास खकुरेल र किशोर महतोले १९ रन बनाए।

आक्रामक सुरुवात गर्ने क्रममा ओपनर आसिफ शेख र सुबास खकुरेलले ८.५ ओभरमा ७१ रन जोडेका थिए। आसिफले मात्र २९ बलमा अर्धशतक पुरा गरेका थिए। नवौं ओभरमा असिफलाई सोनु मण्डलले क्याच आउट गराए पछि भने एपीएफले लगातार विकेट गुमाउन पुग्यो। सुबाश खकुरेल, शरद भेसावकर, प्रदिप ऐरी र सुमित महर्जन छोटो अन्तरलमा आउट हुन पुगे।

१२६ रनमा ५ विकेट गुमाएको एपीएफलाई छैठौं विकेटको लागि सन्दिप जोरा र बसन्त रेग्मीले ६६ रनको साझेदारी गर्दै उकासे। बसन्त र जोराको विकेट पछि तल्लो क्रममा किशोर महतो र अविनाश बोहराले दशौँ विकेटको लागि २३ रनको साझेदारी गरे।

प्रदेश-१ को बलिंगमा फिर्दोश अन्सारी, दिपेश कंडेल, हेमन्त राई र सर्वन यादवले समान २ विकेट तथा जोशक खड्का र सोनु मण्डलले समान १ विकेट लिए।

समुह ‘ए’ अन्तर्गत पहिलो खेलमा शुक्रबार त्रिभुवन आर्मी क्लबले गण्डकी प्रदेशलाई पराजित गरेको थियो।

प्रतियोगिता अन्तर्गत भोलि आइतबार दुईवटा खेल संचालन हुनेछन्। टियु मैदानमा नेपाल पुलिस क्लब र बागमती प्रदेश बीच तथा मुलपानी मैदानमा त्रिभुवन आर्मी क्लब र कर्णाली प्रदेश बीच प्रतिस्पर्धा हुनेछ। दुवै खेल विहान ९ बजे सुरु हुनेछ। हेर्नुस खेलतालिका

 





थप समाचार

गौतम बुद्ध रंगशालाको लागि ‘मेरो कुर्सि’ अभियानको घोषणा, ३ अर्ब रुपैयाँ संकलन हुने आशा

चितवनको भरतपुर नगरपालिका वडा नबर-१५ मा निर्माणाधीन गौतम बुद्ध अन्तर्राष्ट्रिय क्रिकेट रंगशालालाई सहयोग गर्न धुर्मुस सुन्तली फाउन्डेसनले नयाँ अभियानको घोषणा […]

न्याभ कप अस्ट्रेलिया : एक्स्पर्ट सगरमाथालाई उपाधि

अस्ट्रेलियाको नेपाल एसोसिएसन अफ भिक्टोरियाद्वारा आयोजित १६ औं संस्करणको न्याभ कप क्रिकेट प्रतियोगिताको उपाधि एक्स्पर्ट सगरमाथा स्टार्स क्लबले जितेको छ। […]

पीएसएल : सन्दिप आवद्ध लाहोरको शानदार जित

पाकिस्तान सुपर लिग अन्तर्गत आइतबार राति सम्पन्न ११ औं खेलमा नेपाली लेग स्पिनर सन्दिप लामिछाने आवद्ध लाहोर कलन्दर्सले कराची किंग्सलाई […]

लिटल फ्लावर प्रिमियर लिग : शारदा र होल्याण्ड विजयी

धनगढी : धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग अन्तरगत आज भएका खेलमा शारदा विद्या […]

एभरेस्ट प्रिमियर लिगको नयाँ मिति सार्वजनिक

नेपाली फ़्रेन्चाइज् टि-२० क्रिकेट लिग एभरेस्ट प्रिमियर लिगको चौथो संस्करणको नयाँ मिति सार्वजनिक गरिएको छ। गत वर्ष चैत्र १ गते […]

PSL 2021 : Sandeep Lamichhane joins Lahore Qalandars as a replacement of Rashid Khan

Nepal’s 20-year-old spin prodigy Sandeep Lamichhane departs towards Karachi today at 11:00 PM to participate in the ongoing 6th edition […]