प्रम कप महिला टि-२० : एकतर्फी खेलमा सुदुरपश्चिम र प्रदेश-२ को जित



प्रधानमन्त्री कप टि-२० महिला राष्ट्रिय प्रतियोगिता कन्चनपुरको महेन्द्रनगरमा सुरु भएको छ। राष्ट्रिय खेलकुद परिषदले आयोजना गरेको प्रतियोगिताको पहिलो दिन सम्पन्न २ खेलमा प्रदेश-२ र सुदुर पश्चिम प्रदेशले जित हाँसिल गरेका छन्।

प्रतियोगिताको उद्घाटन खेलमा गण्डकी प्रदेशलाई सुदुरपश्चिम प्रदेशले ९ विकेटको ठुलो अन्तरले पराजित गर्यो। पहिले ब्याटिंग गर्दै गण्डकीले ५८ रनमा सबै विकेट गुमाएपछि मात्र १ विकेट गुमाएर ७ ओभरमा पुरा गर्यो।

सुदुरपश्चिमको जितमा  प्लेयर अफ द म्याच चुनिएकि कविता कुँवरले २ विकेट ( ४-२-६-२ ) लिनुको साथै ब्याटिंगमा २१ रन ( २१ बलमा ४ चौका ) समेत बनाईन्। स्कोरकार्ड 

Kabita Kunwar ( File Photo )

आजै सम्पन्न दोश्रो खेलमा प्रदेश-२ ले कर्णाली प्रदेशलाई ९ विकेटलेनै पराजित गर्यो। पहिले ब्याटिंग गरेको कर्णालीले १९.२ ओभरमा ५८ रन मात्र बनाएपछि ५९ रनको लक्ष्य ६.१ ओभरमा पुरा गर्यो।

प्रदेश-२ को जितमा प्लेयर अफ द म्याच चुनिएकि शान्ति चौधरीले ३ विकेट ( ३.२-२-१-३ ) लिनुको साथै १८ रन समेत बनाईन्। स्कोरकार्ड 

प्रतियोगिताको उद्घाटन सुदूरपश्चिम प्रदेशका सामाजिक विकास मन्त्री कृष्णराज सुवेदीले गरेका थिए ।

प्रतियोगिता अन्तर्गत बिहिबार पनि २ खेल खेलिनेछन्। पहिलो खेलमा एपीएफ र सुदुरपश्चिम प्रदेश तथा दोश्रो खेलमा कर्णाली प्रदेश र प्रदेश-३ ले प्रतिस्पर्धा गर्नेछन्।

असार ११ गतेसम्म चल्ने प्रतियोगितामा ७ प्रदेश र १ विभागीय गरि कुल ८ टोलिको सहभागिता रहेको छ। ८ टिमलाई २ समुहमा बिभाजन गरिएको छ।

समुह ‘ए’ मा विभागीय टिम शशस्त्र प्रहरी बल ( एपीएफ ) , सुदूरपश्चिम प्रदेश, प्रदेश-५ र गण्डकी प्रदेश रहेका छन्। समुह ‘बि’ मा प्रदेश-१ , प्रदेश-२ , प्रदेश-३ र कर्णाली प्रदेश रहेका छन्।

समुह चरणमा सबै टिमले एक-अर्का बिरुद्ध १/१ खेल खेलेपछि समुहको उत्कृस्ट २ टिम सेमीफाइनल प्रवेश गर्नेछन्।

प्रतियोगिता जित्ने टिमले ५ लाख तथा उपविजेताले ३ लाख रुपैयाँ प्राप्त गर्नेछन्। यस्तै प्रतियोगिताको उत्कृस्ट खेलाडीले ३० हजार तथा उत्कृस्ट बलर र ब्याट्सउमनले १५/१५ हजार प्राप्त गर्नेछन्। प्रत्येक खेलमा उत्कृस्ट खेलाडीले २ हजार ५ सय पाउनेछ।

राष्ट्रिय खेलकुद परिषदले आयोजना गर्ने प्रतियोगितालाई महाकाली स्पोर्ट्स सोसाईटीले व्यवस्थापन गरिरहेको छ।

( फोटो – लोकेश जोशी )





थप समाचार

कप्तान मल्लले बताए अमेरिकासंग हारको प्रमुख कारण

ओमानमा जारी आईसीसी विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजमा लगातार दोश्रो हार बेहोर्ने क्रममा नेपाल अमेरिकासंग ६ विकेटले पराजित […]

डेब्युमा कस्तो रह्यो गुल्सनको प्रदर्शन

नेपाली घरेलु क्रिकेटमा मात्र दुई वटा खेलमा गरेको प्रदर्शनको बलमा गुल्सन झाले नेपाली राष्ट्रिय क्रिकेट टिममा स्थान बनाउदै शुक्रबार डेब्यु […]

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]