पीएनजीसंग दोश्रो खेल आज, खेल समय र प्रत्यक्ष कहाँ हेर्ने ( सम्पूर्ण जानकारी )

Nepal Cricket Team


नेपालको ओमान भ्रमण अन्तर्गत ओमान र अमेरिकासंग सेप्टेम्बर १३ तारिख देखि सुरु हुने त्रिकोणात्मक सिरिज अघि नेपालले पपुवा न्यु गिनीसंग अभ्यास स्वरूप दुई खेलको एकदिवसीय अन्तर्राष्ट्रिय सिरिज खेल्दैछ। सिरिजको पहलो खेलमा मंगलबार २ विकेटले विजयी भएको नेपालले आज शुक्रबार दोश्रो एकदिवसीय अन्तर्राष्ट्रिय खेल्दैछ। एकदिवसीय अन्तर्राष्ट्रियमा नेपाल इतिहासमै पहिलो पटक डे-नाइट क्रिकेट खेल्न लागेको हो। खेलबारे सम्पूर्ण जानकारी एकै ठाउँमा प्रस्तुत गरेका छौँ।

खेल – नेपाल Vs पपुवा न्यु गिनी – दोश्रो एकदिवसीय अन्तर्राष्ट्रिय
कहिले – सेप्टेम्बर १० , शुक्रबार , नेपाली समय ४:१५ बजे बेलुका
कहाँ – अल अमिरात क्रिकेट मैदान ( टर्फ १ ) , अल अमिरात

प्रत्यक्ष कहाँ हेर्ने – खेलको प्रत्यक्ष प्रशारण नेपालमा एक्सन स्पोर्ट्स टेलिभिजनले गर्नेछ भने डीश होमको dishhome go यापबाट पनि हेर्न सकिनेछ। यस्तै Willow TV तथा Fancode यापबाट समेत खेलको प्रत्यक्ष प्रशारण हेर्न सकिनेछ। युट्युब/फेसबुक र अन्य साइटहरुमा बिभिन्न अनाधिकारिक श्रोतहरुले खेलको प्रत्यक्ष प्रशारण गरिरहेका छन्। खेलको स्कोर अपडेट विकेटनेपाल फेसबुकवेबसाइटमा हुनेछ।

नेपालको आईसीसी एकदिवसीय अन्तर्राष्ट्रिय वरियता : १६ औं , पपुवा न्यु गिनी : २० औं

नेपाल-पपुवा न्यु गिनी हेड टु हेड नतिजा – नेपाल ४ – १ पपुवा न्यु गिनी

पछिल्लो भेट : नेपाल २ विकेटले विजयी ( स्कोरकार्ड हेर्नुस

नेपालको पछिल्लो ५ एकदिवसीय अन्तर्राष्ट्रियको नतिजा –३ जित र २ हार
पीएनजीको पछिल्लो ५ एकदिवसीय अन्तर्राष्ट्रियको नतिजा – ५ हार र ० जित

नेपाली टिम : ज्ञानेन्द्र मल्ल ( कप्तान ), दिपेन्द्र सिंह ऐरी ( उपकप्तान ) , कुशल भुर्तेल, आरिफ शेख, आसिफ शेख, कुशल मल्ल, विनोद भण्डारी , करन केसी, सन्दिप लामिछाने, सोमपाल कामि, अविनाश बोहरा, सुशन भारि, शरद भेसावकर , विक्रम सोब, पवन सर्राफ, रोहित पौडेल, गुलशन झा

पपुवा न्यु गिनी टिम : असद भाला ( कप्तान ) , किप्लिन डोरिगा, चार्ल्स अमिनी, सिसि बाउ, जेसन किला, नोर्मन भनुवा, सिमि अटाई ( विकेटकिपर ) , टोनी उरा, हिरी हिरी, नोसैना पोकना, डामियन राभु, लेगा सीएका, चाड सोपर, गौडी टोका, कबुवा मोरेया

इन्जुरी अपडेट : नेपालका उपकप्तान दिपेन्द्र ऐरी र गुल्सन झाले खुट्टाको चोटको कारण पहिलो खेल खेल्न सकेका थिएनन्। दोश्रो खेल पनि दिपेन्द्र खेल्ने सम्भावना छ जसको तुलनामा गुल्सनको सुधार राम्रो रहेको छ। गुल्सन खेल्ने नखेल्ने आज उनको अवस्थाबाट टिमको फिजियोले निर्णय लिनेछन्।

नेपाली टिम समाचार : अघिल्लो खेलमा अन्तिम-११ मा मौका नपाएका करन केसी, अविनाश बोहरा, सुशन भारि र बिनोद भण्डारीले आज मौका पाउन सक्ने छन्।

 खेल अघि कप्तान ज्ञानेन्द्र मल्लले के भने : दोश्रो खेलमा टिममा परिवर्तन हुनेछ। डे-नाइट खेल टिमको लागि नयाँ अनुभव हुनेछ र परिस्थिति फरक हुनेछ।





थप समाचार

ओमानद्वारा अमेरिका ७२ रनले पराजित, सिरिज समाप्तिमा अंकतालिकाको अवस्था

अमेरिकालाई ७२ रनले पराजित गर्दै ओमानले आईसीसी विश्वकप लिग-२ अन्तर्गत एघारौं जित दर्ता गर्न सफल भएको छ। अल अमिरात मैदानमा […]

IPL : बैंगलोरलाई सहजै पराजित गर्दै कोलकाता पाँचौ स्थानमा उक्लियो

रोयल च्यालेन्जर्स बैंगलोरलाई ९ विकेटले पराजित गर्दै कोलकाता नाइट राईडर्सले युएईमा सुरु भएको आईपीएलको दोश्रो फेजको शानदार सुरुवात गरेको छ। […]

चक्रवर्तीले घातक बलिंग गर्दा बैंगलोर ९२ रनमै सिमित

युएईमा जारि आईपीएलको दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता नाइट राइडर्स प्रतिस्पर्धा गरिरहेका छन्। […]

ICCWCL2 : मक्सुदको अर्धशतक, ओमानद्वारा अमेरिकालाई चुनौतीपूर्ण लक्ष्य

आईसीसी विश्वकप लिग-२ अन्तर्गत ओमानमा जारी नेपाल, ओमान र अमेरिका सम्मिलित त्रिकोणात्मक एकदिवसीय अन्तर्राष्ट्रिय सिरिजको अन्तिम खेलमा ओमान र अमेरिका […]

IPL : कोलकाता बिरुद्ध बैंगलोरले पहिले ब्याटिंग गर्ने, दुई खेलाडीले डेब्यु गर्दै

युएईमा जारी इन्डियन प्रिमियर लिगको ( आईपीएल ) दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता […]

पारस खड्काले ईपीएल नखेल्ने

अन्तर्राष्ट्रिय क्रिकेटबाट सन्यास घोषणा गरेका राष्ट्रिय क्रिकेट टिमका पूर्व कप्तान पारस खड्काले सेप्टेम्बर २५ तारिख देखि काठमाडौंमा सुरु हुने एभरेष्ट […]