अंकतालिकामा उक्लियो नेपाल, बलियो स्थितिमा क्यानडा



  • विकेटनेपाल, २८ माघ – आइतबार 

आईसीसी बिश्व क्रिकेट लिग डिभिजन-२ अन्तर्गत नेपालले आफ्नो तेश्रो खेलमा युएईलाई ४ विकेटले पराजित गरेपछि प्रतियोगिताको अंकतालिकामा नेपाल माथि उक्लिएको छ। नेपालले पहिलो खेलमा आयोजक नामिबियालाई १ विकेटले पराजित गरेको थियो भने दोश्रो खेलमा ओमानसंग ६ विकेटको हार बेहोरेको थियो।

युएईसंगको जित पछि तेश्रो स्थानमा रहेको नेपाल अंकतालिकामा नेपाल दोश्रो स्थानमा उक्लिएको छ।प्रतियोगिता अन्तर्गत आज आइतबार सम्पन्न अन्य २ खेलमा क्यानडा र नामिबियाले जित दर्ता गर्यो। अंकतालिका सबैभन्दा तल 

रोमान्चक खेलमा नामिबियाको जित 

अत्यन्त रोमान्चक खेलमा आयोजक नामिबियाले ओमानलाई २ विकेटले पराजित गर्यो। टस हारेर ब्याटिंग गरेको ओमानले १६५ रन बनाएपछि १६६ रनको लक्ष मात्र २ बल बाँकी छदा नामिबियाले पुरा गर्यो। आयोजक नामिबियाको जितमा गेरहार्ड इरास्मसले अविजित ६३ रन ( १०८ बल, ६ चौका ) बनाए। लक्ष्य पछ्याउने क्रममा ६५ रनमै ७ विकेट गुमाएको नामिबियाको लागि इरास्मसले जोहनेस स्मिट ( ३२ रन ) संग ९२ रनको साझेदारी गर्दै जितको आधार तयार गरेका थिए।

क्यानडाको लगातार तेश्रो जित 

आजै सम्पन्न अर्को खेलमा क्यानडाले केन्यालाई ५९ रनले पराजित गर्यो। टस हारेर ब्याटिंग गरेको क्यानडाले दिएको १८७ रनको लक्ष पछ्याउने क्रममा केन्याले १२७ रन मात्रै बनाउन सक्यो। जितमा क्यानडा ओपनर रुभिन्दु गुणशेखराले ८३ रनको महत्वपूर्ण इनिंग खेले।

अंकतालिकामा नेपाल उक्लियो, क्यानडाको अग्रता कायमै 

आज सम्पन्न खेलहरु पछि ३ खेलमा ३ वटै जितको साथ क्यानडा ६ अंक सहित शिर्ष स्थानमा कायम छ। युएईलाई पराजित गरेपछि नेपालको ३ खेलमा २ जित र १ हार सहित ४ अंक भएको छ र दोश्रो स्थानमा छ।  युएई, नामिबिया र ओमानको २ अंक रहेको छ भने केन्याले २ वटै खेलमा पराजय बेहोरेपछि अंकको खाता खोल्न सकेको छैन।

 

सोमबारको खेलहरु – 

नेपाल Vs केन्या
नामिबिया Vs क्यानडा
ओमान Vs युएई

 

 





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]