पोखरामा अन्तर क्लब टि-२० प्रतियोगिता आयोजना हुने



‘खेल पर्यटन आजको आधार, क्रिकेट विकास हाम्रो सरोकार’ भन्ने मुल नाराका साथ फागनु १७ देखि २६ गते सम्म पोखरा रंगशाला क्रिकेट मैदानमा सुपर जेनरल इन्टर क्लव टी–ट्वान्टी क्रिकेट लिग–२०२१ हुने भएको छ ।

के.एन. स्पोर्टस् प्रालिको आयोजना तथा सुपर जेनरल कम्पनीको मुख्य प्रायोजनमा उक्त प्रतियोगिता आयोजना गर्न लागिएको सोमबार पोखरामा आयोजित पत्रकार सम्मेलनमा जानकारी दिइएको हो । प्रतियोगितामा चितवन क्रिकेट टिम, सुपर जेनरल पोखरा–११, प्यालिगन्स तनहुँ, बाग्लुङ्ग क्रिकेट क्लव, स्याँग्जा क्रिकेट क्लव, बालुवाटार क्रिकेट क्लव काठमाण्डौ, मिक्समाण्डु क्लव काठमाण्डौ र इस्टर्न एकेडेमी चितवन गरि ८ टिमको सहभागिता रहने प्रतियोगिता संयोजक कमल थापाले जानकारी दिए ।

सहभागि टिमहरुलाई दुई पोलमा विभाजन गरि लिगका आधारमा प्रतियोगिता खेलाइने सो अवसरमा जानकारी दिइयो । दुई पोलबाट शिर्ष दुई टिम सेमिफाइनलमा पुग्नेछन् ।

प्रतियोगिताको विजेता टिमले नगद ५० हजार सहित ट्रफि मेडल सर्टिफिकेट तथा द्वितिय टिमलाई ट्रफि मेडल प्रमाण पत्र पुरस्कार प्रदान गर्नेछन् । त्यसैगरि विधागत खेलाडीहरु सर्वोत्कृष्ट खेलाडी, उत्कृष्ट बलर, उत्कृष्ट व्याट्स्म्यानलाई छुट्टाछुट्टै रुपमा आकर्षक पुरस्कार प्रदान गरिने छ भने हरेक खेलमा म्यान अफ द म्याचलाई पुरस्कृत गरिने छ ।

पत्रकार सम्मेलनमा बोल्दै नेपाल क्रिकेट संघका सदस्य ऋषि गौतमले क्रिकेट विकासका लागि सञ्चालन हुन लागेको प्रतियोगितालाई सफल पार्न नेपाल क्रिकेट संघको तर्फबाट सहयोग रहने प्रतिबद्धता जाहेर गरे । त्यस्तै प्रतियोगिताका मुख्य प्रायोजक सुपर जेनरल कम्पनीका गण्डकी प्रदेश प्रमुख फैजल अलिले क्रिकेटमा राम्रो अनुभव संगालेका पोखराका पूर्व खेलाडीहरुको समुहले आयोजना गर्न लागेको प्रतियोगितामा मुख्य प्रायोजक गर्न पाउँदा खुसि लागेको बतए । उनले यो शुरुवात भएपनि लामो समयसम्म प्रतियोगितालाई निरन्तर सहयोग गर्ने बताए ।

नेपाल खेलकुद पत्रकार मञ्च गण्डकीका अध्यक्ष एकराज गिरीले खेलाडीहरुकै समुहले सञ्चालन गर्न लागेको प्रतियोगितालाई सफल पार्न मिडियाले सकारात्म सहयोग गर्नुपर्नेमा जोड दिए । प्रतियोगिता संयोजक कमल थापाको अध्यक्षतामा भएको कार्यक्रममा स्वागत मन्तव्य राख्दै प्रतियोगिताका टुर्नामेण्ट डाइरेक्टर विरेन्द्र पुनले पोखराको क्रिकेट विकासमा सरोकारवालहरुले त्यति धेरै चासो नदेखाएको भन्दै दुखेसो प्रकट गरे । खेलाडीले अपेक्षा राखे अनुसार संघहरु कृयाशिल नहुँदा खेलाडीहरुमा नैराश्यता छाएको उनले बताए ।

यसअघि कार्यक्रमका प्रमुख अतिथि र विशेष अतिथिले प्रतियोगिताको मुख्य ट्रफि सार्वजनिक गरेका थिए ।





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]