पोखरा राइनोज, बिराटनगर वारियर्सको बिजयी सुरुवात



  • विकेटनेपाल, पौष ४ – मंगलबार

एभरेस्ट प्रिमियर लिग अन्तर्गत आज भएका खेलहरुमा पोखरा राइनोज र विराटनगर वारियर्सले जित हात परेका छन् ।

किर्तिपुर स्थित त्रि.वि मैदानमा आज समपन्न पहिलो खेलमा पोखरा राइनोजले चितवन टाईगर्सलाई १० विकेटले पराजित गरेको थियो (स्कोरकार्ड) भने दोश्रो खेलमा बिराटनगर वारियर्सले ललितपुर प्याट्रीयट्सलाई ६ रनले पराजित गरेको छ (स्कोरकार्ड)

अङ्क-तालिका

पोखरा राइनोजको जितमा ११४ रनको लक्ष्य पछ्याउने क्रममा पाकिस्तानी खेलाडी इन्स्राउल्लाहले प्रतियोगिताको पहिलो अर्धशतक प्रहार गरे । उनले ५२ बलमा ६ छक्का र १ चौकाको सहयोगमा अविजित ६१ रन बनाए । उनलाई अविजित ४६ रन बनाएर सुनिल धमलाले साथ दिए l ५४ बल खेलेका धमलाले २ चौका र ३ छक्का प्रहार गर्दा मात्र १७.४ ओभरमा लक्ष्य पुरा गर्यो ।

अर्धसतक प्रहार गरेपछि इन्स्राउल्लाह

यसअघि पहिले ब्याटिंग गरेको चितवन टाइगर्सले २० ओभरमा सबै विकेट गुमाएर मात्र ११३ रन बनाउन सक्यो । उसकालागि कप्तानी गरिरहेका दिपेन्द्र   ऐरीले ४२ रन तथा अनिल मण्डलले ३२ रनको पारि खेलेपनि अन्य ब्याट्सम्यानले दोहोरो अंक छुन सकेनन् । दिपेन्द्र  ३२ बलमा १ छक्का र ५ चौका प्रहार गरे भने अनिलले ४४ बलमा १ छक्का र ३ चौका हाने ।

चितवनको ब्याटिंग कमजोर बनाउने क्रममा म्यान अफ द म्याच समेत चुनिएका पाकिस्तानी खेलाडी इन्स्राउल्लाहले २२ रन खर्चेर ४ विकेट लिए भने ताज वलीको नाममा ३ विकेट रह्यो । बिक्रम सोब र शक्ति गौचनले १/१ विकेट लिए ।

त्यस्तै दोश्रो खेलमा बिराटनगर वारियर्सले अनिल शाहको ४७, पारस खड्काको ३८ तथा बाबर हायातको ३४ रनको मद्दतमा पहिले ब्याटिङ्ग गर्दै २० ओभरमा ६ विकेट गुमाएर १५० रनको योगफल तयार पर्यो । अनिलले ३४ बलमा ३ छक्का र २ चौका, पारसले ३६ बलमा २ छक्का तथा बाबरले १ छक्का र ५ चौका प्रहार गरे ।

म्यान अफ द म्याच अनिल शाह

ललितपुरका सन्दिप लामिछानेले २ विकेट लिन २९ रन खर्चिए भने सुबोध भाटी र योगेश नागरको नाममा १/१ विकेट रह्यो ।

जवाफमा १५१ रनको लक्ष्य पछ्याएको ललितपुर प्याट्रीयट्सले पुरै २० ओभरमा ४ विकेट गुमाएर १४४ रन मात्र बनाउन सक्यो र ६ रनले पराजित भयो । उसका लागि ओपनर पवन सर्राफले ५१ रनको पारि खेलेपनि जितको लागि पर्याप्त हुन सकेन । पवनले ४७ बलमा १      छक्का र ४ चौका प्रहार गरे । योगेश नागरले ३१ बलमा २७ रनको पारि खेल्दा २० रन अतिरिक्त आएको थियो ।

ललितपुरलाई लक्ष्य अगावै रोक्न बिराटनगरका कप्तान पारस खड्काले एकोनोमिकल बलिङ्ग गर्दै ३ ओभरमा १५ रन खर्चेर १ विकेट हात पारे । अन्स्युमन राथले २ ओभरमा २३ रन खर्चिएपनि ५१ रन बनाएका पवन सर्राफको विकेट लिए भने करण केसीको नाममा १ विकेट रह्यो ।

प्रतियोगितामा भोलि दुई खेलहरु हुनेछन्, पहिलो खेलमा बिराटनगर वारियर्सले पोखरा राइनोजको सामना गर्नेछ भने दोश्रो खेलमा भैरहवा ग्लाडीएटर्सले काठमाण्डौ किंग्स ११ को सामना गर्ने छ ।

 





थप समाचार

कुशल र आसिफले कीर्तिमानी साझेदारी गर्दा नेपालको शानदार जित

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ। टियु […]

नेदरल्याण्डद्वारा नेपाललाई मध्यम लक्ष्य

नेपाल, नेदरल्याण्ड र मलेसिया बीच त्रिकोणात्मक टि-ट्वान्टी सिरिज सुरु भएको छ। सिरिज अन्तर्गत पहिलो खेलमा नेदरल्याण्ड र नेपाल प्रतिस्पर्धा गर्दैछन्। टियु […]

ट्राइ सिरिज : नेपालले पहिले फिल्डिंग रोज्यो, आसिफ र शाहबले डेब्यु गर्दै

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत उद्घाटन खेलमा शनिवार नेपाल र नेदरल्याण्ड प्रतिस्पर्धा गर्दैछन्। खेल टियु अन्तर्राष्ट्रिय […]

ट्राई सिरिज : नेपाल र नेदरल्याण्ड आज खेल्दै , कस्तो होला नेपालको अन्तिम-११

नेपाली भूमिमा पहिलो पटक त्रिकोणात्मक टि-ट्वान्टी अन्तर्राष्ट्रिय सिरिजको आयोजना शनिवार देखि सुरु हुँदैछ। नेपालले घरेलु भूमिमा नेदरल्याण्ड र मलेसियासंग टि-ट्वान्टी […]

IPL : चेन्नाईद्वारा पन्जाब ६ विकेटले पराजित

पन्जाब किंग्सलाई ६  विकेटले पराजित गर्दै चेन्नाई सुपर किंग्सले आईपीएल १४ मा पहिलो जित दर्ता गएको छ। पछिल्लो खेलमा चेन्नाई […]

दक्षिण अफ्रीका ३ विकेटले पराजित, पाकिस्तानले जित्यो सिरिज

दक्षिण अफ्रीकालाई रोमान्चक प्रतिस्पर्धामा ३ विकेटले पराजित गर्दै पाकिस्तानले घरेलु टोलि दक्षिण अफ्रीका बिरुद्धको चार वटा टि-२० को सिरिज ३-१ […]