पुलिस प्रधानमन्त्री कपको फाइनलमा, एपीएफको इतिहासकै कमजोर ब्याटिंग

सेमीफाइनलमा डिफेन्डिङ च्याम्पियन शशस्त्र प्रहरी बललाई पराजित गर्दै एपल पुलिस क्लबले प्रधानमन्त्री कप राष्ट्रिय क्रिकेट प्रतियोगिताको फाइनलमा स्थान पक्का गरेको छ।

हिजो सम्पन्न पहिलो सेमीफाइनलमा त्रिभुवन आर्मी क्लबले प्रदेश नम्बर-३ लाई पराजित गर्दै फाइनलमा स्थान बनाईसकेको छ। शनिवार हुने फाइनलमा २ विभागीय टिम नेपाल पुलिस क्लब र त्रिभुवन आर्मी क्लबले प्रतिस्पर्धा गर्नेछन्।

Nepal Police Team
Nepal Police Team

पुलिस प्रधानमन्त्री कपको पहिलो संस्करणमा फाइनल पुगेको थियो। फाइनल खेल वर्षाले प्रभावित हुँदा आर्मीसंग उपाधि बाँडेको थियो। दोश्रो संस्करणको उपाधि एपीएफले जितेको थियो।

इतिहासकै कमजोर ब्याटिंग 

खेलमा टस जितेर पुलिसले फिल्डिंग रोजेपछि ब्याटिंग गरेको एपीएफले २२.१ ओभरमा ४१ रनमै सबै विकेट गुमाउन पुगेको थियो। ४२ रनको लक्ष्य पुलिसले ९.३ ओभरमा ५ विकेट गुमाएर भेटायो।

लक्ष्य पछ्याउने क्रममा पुलिसले लगातार विकेट गुमाएको थियो।सुनिल धमला ३, अनिल साह ० , दिलिप नाथ १ तथा दिपेन्द्र ऐरी १३ रन बनाएर आउट हुन पुगे।

त्यसपछि पवन सर्राफले अविजित २१ रन ( १४ बलमा ४ चौका ) तथा आरिफ शेखले अविजित १ रन बनाएर टिमलाई जितसम्म पुर्याए।

एपीएफ बलर बसन्त रेग्मीले ३ विकेट ( ५-०-२०-३ ) तथा शरद भेसावकरले ( ४.३-१-२२-२ ) २ विकेट लिए।

प्रधानमन्त्री कपमा मात्रै हैन एपीएफको अहिलेसम्मकै सबैभन्दा कम योगफल हो।

Prithu Baskota( File Photo )

प्रधानमन्त्री कपको कुरा गर्ने हो भने २ वर्ष अघि त्रिभुवन आर्मी क्लबसंग सुदुरपश्चिम विकाश क्षेत्र ५० रनमा अलआउट भएको थियो। उक्त खेल आर्मीले ८ विकेटले जितेको थियो। यस्तै गत संस्करणमा प्रदेश-५ संग कर्णाली प्रदेश ५५ रनमा समेटिएको थियो।

एपीएफको ब्याटिंग 

यस अघि २२.१ ओभरमा सबै विकेट गुमाएको एपीएफका कुनै पनि ब्याट्सम्यानले दोहोरो अंकमा रन बनाउन सकेनन्।

शरद भेसवकर र पृथु बास्कोटाले समान ७ रन, आसिफ शेख, प्रदिप ऐरी, सुमित महर्जन र दिपेन्द्र रावत समान २ रन, सन्दिप जोराले ५ रन, अमर सिंह रौटेलाले अविजित ६ रन बनाए।

Lalit Rajbanshi

पुलिसको लागि बलिंगमा ललित राजबंशीले सर्वाधिक ४ विकेट लिए जुन क्रममा ६ ओभरमा मात्र ८ रन खर्चिए। यस्तै कुशल भुर्तेल ( ५-१-७-३ ) र सागर ढकाल ( ८.१-३-१५-३ ) ले ३/३ विकेट लिए। स्कोरकार्ड