प्रम कप : पुलिसको उत्कृस्ट पुनरागमन, सुदूरपश्चिम सहजै पराजित



पहिलो खेलमा बागमती प्रदेशसंग स्तब्ध बनेको डिफेन्डिङ च्याम्पियन नेपाल पुलिस क्लबले दोश्रो खेलमा उत्कृस्ट पुनरागमन गर्ने क्रममा सुदूरपश्चिम प्रदेशलाई ९ विकेटले पराजित गरेको छ।

टियु अन्तर्राष्ट्रिय मैदान कीर्तिपुरमा सम्पन्न खेलमा सुदूरपश्चिमले दिएको १११ रनको लक्ष्य पुलिसले मात्र १ विकेट गुमाएर १७ ओभरमा पुरा गर्यो।

स्कोरकार्ड , अंकतालिका

पुलिसका ओपनर सुनिल धमला र कुशल भुर्तेलले ९७ रनको ओपनिंग साझेदारी गर्दै जितको आधार तयार गरे। धमलाले ५७ बलम ६ चौका र २ छक्का मद्दतले ५३ रन बनाए भने भुर्तेलले ४४ बलमा ९ चौका र १ छक्का मद्दतले ५१ रन बनाए। सुदूरपश्चिमको लागि १ मात्र विकेट हेमन्त धामीले लिए।

यस अघि  टस जितेर पुलिसले फिल्डिंग रोजेपछि ब्याटिंग गरेको सुदूरपश्चिमले ३३.१ ओभरमा सबै विकेट गुमाएर ११० रन मात्र बनाउन सकेको थियो।

सुदूरपश्चिमको लागि खडक बोहराले सर्वाधिक ४० रन, संजु दमाईले ३५ रन, अरुण ऐरीले १३ तथा अर्जुन साउदले १० रन योगदान दिए।

सागर ढकालले ४ विकेट लिए

कप्तान सन्तोष भट्ट पहिलो ओभरमा रन आउट हुन् पुगेपछि ओपनर खडक बोहरा र तेश्रो नम्बरका संजु दमाईले दोश्रो विकेटको लागि ८० रनको साझेदारी गरेका थिए। १७ औ ओभरमा खडकलाई सागर ढकालले एलबिडब्लु आउट गरेपछि भने सुदूरपश्चिमले लगातार विकेट गुमाएको थियो। सागरले त्यसपछि २१ औं ओभरमा संजुलाई क्याच आउट गराए भने २७ औं ओभरमा अरुण ऐरी र किरण ठगुन्नालाई लगातार बलमा आउट गरे। त्यसपछि दिपेन्द्र ऐरीले सुदूरपश्चिमका तल्लो क्रमका ब्याट्सम्यानहरुलाई क्रिजमा जम्न दिएनन्।

८० रनमा १ विकेट गुमाएको अवस्थाबाट सुदूरपश्चिमले थप ३० रन जोड्दा बाँकी ९ विकेट गुमाउन पुग्यो।

पुलिसको बलिंगमा देब्रे हाते स्पिनर सागर ढकाल र अफ स्पिनर दिपेन्द्र ऐरीले समान ४ विकेट लिए। सागरले १० ओभरमा ३ ओभर मेडन गर्दै १८ रन खर्चिए भने दिपेन्द्रले ६.१ ओभरमा २ मेडन ओभर गर्दै १० रन खर्चिए। २ विकेट पुलिसले रन आउटको रुपमा प्राप्त गर्यो।

स्कोरकार्ड , अंकतालिका





थप समाचार

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]