एमएम कप : धमलाको उत्कृस्ट प्रदर्शनमा पुलिसको विजयी सुरुवात

Sunil Dhamala


(फिचर फोटो: फाइल)

  • विकेटनेपाल, पौष २१ – बुधबार

आजबाट सुनसरीको इनरुवामा सुरु भएको मनमोहन स्मृति एकदिवसीय क्रिकेट प्रतियोगिता अन्तर्गत उद्घाटन खेलमा नेपाल पुलिस क्लबले प्रदेश नम्बर-२ लाई ११२ रनको फराकिलो अन्तरले पराजित गरेको छ।

टस हारेर पहिले ब्याटिंग गरेको पुलिसले निर्धारित ५० ओभरमा ९ विकेट गुमाएर ३११ रनको बिशाल योगफल तयार पारेको थियो।

उसका लागि ओपनर सुनिल धमलाले ७३ रनको ( ८० बलमा १३ चौका )  पारि खेलका थिए भने दिलिप नाथले ५९ रन ( ६१ बलमा ३ छक्का र ३ चौका ) तथा कुशल भुर्तेलले अविजित ५६ रन ( ३६ बलमा ७ चौका र १ छक्का ) बनाए। बलिंगतर्फ प्रदेश नम्बर २ का सन्जम रेग्मी ( १०-१-३२-२ ) , हरिशंकर शाह ( १०-०-६८-२ ) , राशिद खान ( ८-०-४७-२ )  र बिशाल सुस्लिङले ( २-०-२१-२ ) समान २/२ विकेट हात पारेका थिए।

जवाफमा ३१२ रनको बिशाल बिजयी लक्ष्य लिएर मैदानमा उत्रिएको प्रदेश नम्बर २ ले निर्धारित ५० ओभरमा मात्र ३७.१ ओभर सामना गर्दै १५८ रनमा सबै विकेट गुमाएको थियो।

उसका लागि ओपनर हरिशंकर शाहले ६० बलको सामना गर्दै ६ चौका र १ छक्का मदतले ५८ रन बनाएपनि जितका लागि पर्याप्त हुन सकेन। त्यस्तै संसाद शेखले २९ रन बनाउँदा आँशु कन्डोईले २८ रन बनाए।

प्रदेश २ लाई सस्तैमा समेट्न नेपाल पुलिस क्लबका ललित राजबंशी ( ९.१-१-३०-३ ) र योगेन्द्र कार्कीले ( ६-०-३३-३ )  ३/३  विकेट हात परे। त्यस्तै रामनरेश गिरि, प्रेम तामांग र कुशल भुर्तेलले समान १/१ विकेट लिए।

नेपाल पुलिसका सुनिल धमला म्यान अफ द म्याच घोषित भए।

भोलि हुने खेलमा नेपाल पुलिस क्लबले शान्तिदिप इनरुवा ११ सँग खेल्ने छ। खेल बिहान ९ बजेदेखि सुरु हुनेछ। माघ ७ गतेसम्म चल्ने प्रतियोगितामा शान्ति दीप नेपाल इनरुवा तथा इनरुवा नगरपालिकाको संयुक्त आयोजना रहेको छ।

प्रतियोगिताको विजेताले उपाधिसँगै रु. ४ लाख १ हजार , उपविजेताले रु २ लाख १ हजार तथा सेमिफाइनलमा पुग्ने टोलीले रु २५/२५ हजार पाउनेछन्। यस्तै उत्कृष्ट खेलाडीले रु ५१ हजार प्राप्त गर्दा उत्कृष्ट बलर र ब्याट्सम्यानले जनही रु २० हजार १०० पुरस्कार पाउनेछन्। अनुशासित टोलीले १५ हजार र उदीयमान टोलीले १० हजार नगद पाउनेछन्।





थप समाचार

EPL : आजको दुवै खेल टस समेत नभई स्थगित, स्थगित खेल नयाँ मितिमा हुन सक्ने

चौंथो संस्करणको एभरेस्ट प्रिमियर लिग ( ईपीएल ) अन्तर्गत तेश्रो दिन सोमबारको दुई वटै खेल टस समेत हुन नपाई स्थगित […]

अफ्रिदी खेल्ने अन्तिम खेल मैदान भिजेको कारण रद्ध

चौथौ संस्करणको एभरेष्ट प्रिमियर लिग (ईपिएल टि-२०) अन्तर्गत सोमबारको पहिलो खेल मैदान भिजेको कारण रद्ध हुन पुगेको छ | हिजो […]

EPL मा आज पनि दुई खेल हुँदै

चौंथो संस्करणको एभरेस्ट प्रिमियर लिग ( ईपीएल ) टि-ट्वान्टी अन्तर्गत सोमबार तेश्रो दिन पनि दुई वटा खेलहरु हुनेछन्। दिनको पहिलो […]

हर्षलको ह्याट्रिक, बैंगलोर बिरुद्ध मुम्बईको इतिहासकै कम योगफल

हर्षल पटेलले ह्याट्रिक विकेट लिंदा डिफेन्डिङ च्याम्पियन मुम्बई इन्डीएन्सलाई ५४ रनले पराजित गर्दै रोयल च्यालेन्जर्स बैंगलोरले चौंथो खेलमा हारको शिलशिला […]

EPL : अम्पायरको निर्णयको बिरोध गर्दा विलियम्सलाई कारवाही

काठमाडौँमा जारी चौंथो संस्करणको एभरेस्ट प्रिमियर लिग ( ईपीएल ) को आइतबार सम्पन्न पोखरा राइनोज र भैरहवा ग्ल्याडीएटर्स बीचको खेलमा […]

ईपीएलमा करनको कप्तानी अनुभव “गार्हो नै हुने रैछ “

एभरेस्ट प्रिमीयर लिग अन्तर्गत दोश्रो दिन सम्पन्न लिगको दोश्रो खेलमा चितवन टाइगर्ससंग पराजित भएपछि बिराटनगर वारियर्सका कप्तान करन केसीले आज […]