ऐतिहासिक शृंखला जित्दा पारस प्लेयर अफ दि म्याच र प्लेयर अफ दि सिरिज



  • विकेटनेपाल, माघ-१४ , सोमबार 

कप्तान पारस खड्काले सानदार ब्याटिंग गर्दै शतक बनाएपछि युएई बिरुद्धको शृंखलाको तेस्रो तथा अन्तिम खेलमा नेपालले ४ विकेटको सानदार जित निकालेको छ। जितसंगै नेपालले शृंखला समेत २-१ ले आफ्नो नाम गरेको हो।

ऐतिहासिक उपलब्धि हाँसिल गर्ने खेलमा कप्तान पारस खड्का प्लेयर अफ दि म्याच घोषित भएका छन्। पारसले नेपाललाई खेल जिताउन सानदार ब्याटिंग गर्दै शतक बनाए। एक दिवसीय अन्तर्राष्ट्रिय खेलमा नेपालको तर्फबाट शतक बनाउने पहिलो खेलाडी बन्ने क्रममा पारसले ११५ रनको बिशाल इनिंग खेले।

युएईले पहिले ब्याटिंग गर्दै दिएको २५५ रनको लक्ष्य नेपालले ६ विकेट गुमाएर ४४.४ ओभरमा पुरा गरेको हो।

२५५ रनको लक्ष्य पछ्याउने क्रममा नेपालले ओपनर बिनोद भण्डारीलाई चाडै गुमाउन पुग्यो। भण्डारी ९ रन बनाएर मोहम्मद नबिदको बलमा विकेटकिपरबाट समातिन पुगे। भण्डारीको विकेट पछि ब्याटिंग गर्न आएका पारस खड्काले ओपनर ज्ञानेन्द्र मल्लसंग अर्धशतकीय साझेदारी गरेका थिए।

यस्तै पारसले तेस्रो विकेटका लागि दिपेन्द्र ऐरीसंग १७ रन, चौथो विकेटका लागि सुन्दिप जोरासंग ३१ रन तथा पाँचौ विकेटका लागि रोहित कुमार पौडेलसंग ५४ रन र छैठौं विकेटका लागि आरिफ शेखसंग ३२ रनको साझेदारी गरेका थिए।

छैठौं विकेटका स्वरूप पभेलियन फर्किनु अघि पारसले १०९ बलमा ११५ रन जोडे। त्यसक्रममा उनको ब्याटबाट १५ चौका र छक्का निस्कियो। पारसकको विकेट पश्चात सोमपाल कामी (२६) र आरिफ शेख (२१) ले अविजित ४० रनको साझेदारी गर्दै नेपाललाई जितसम्म पुर्याए।

पारस प्लेयर अफ दि सिरिज : 

यस्तै नेपाली कप्तान पारस खड्का शृंखलाको उत्कृस्ट खेलाडी , प्लेयर अफ दि सिरिज समेत घोषित भए। शृंखलाको ३ खेलको ३ इनिंगमा पारसले कुल १५६ रन बनाए। यस्तै युएईको हरियो पिचमा किफायती बलिंग गरेका पारसले ३ खेलमा ४ विकेट समेत चट्काए।

पहिलो दुई खेलमा पारसको ब्याट नबोल्दा अन्तिम खेलमा भने पारसले शतक बनाएका हुन्। पारसको ब्याटबाट रन नबन्दा नेपालले शृंखलाको पहिलो खेल गुमाएको थियो। तेस्रो खेलमा शतक बनाउन अघि पारसले पहिलो खेलमा २० रन बनाएका थिए भने दोस्रो खेलमा २१ रन बनाएका थिए।

नेपालको लागि पारस खड्काले बनाएको यो चौथो शतक हो। उनले सन् २०१२ मा कुवेत बिरुद्ध पहिलो शतक बनाएका थिए जसपछि सन् २०१६ मा नामिबिया र सन् २०१८ मा युएई बिरुद्ध तेश्रो शतक बनाएका थिए। ४ वटा शतक प्रहार गर्ने पारसनै नेपालको एक्लो खेलाडी हुन्।

लिस्ट ‘ए’ क्रिकेटमा पनि पारस खड्काको ३ वटा शतक पुरा भएको छ। अनिल मण्डल र पारस खड्का मात्रै नेपालको लागि लिस्ट ए क्रिकेटमा शतक बनाउने खेलाडी हुन्। अनिलको नाममा एउटा शतक रहेको छ भने पारसको आजको शतक सहित ३ शतक र १० अर्धशतक रहेको छ।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]