दिपेन्द्र ऐरीको सानदार फिनिशिंगमा धनगढीको रोमान्चक जित : पिपिएल टि-२०

Dhangadi Blues


  • विकेटनेपाल – १६ कार्तिक, शुक्रवार (पोखरा)

कप्तान दिपेन्द्र सिंह ऐरीले सानदार ब्याटिंग गर्दै २६ बलमा अविजित ४९* रन जोडेपछि पोखरा प्रिमियर लिग अन्तर्गत शुक्रवारको पहिलो खेलमा धनगढी ब्लुजले पोखरा पल्टनलाई २ विकेटले पराजित गरेको छ।

टस जितेर ब्याटिंग गर्दै पोखराले दिएको १४५ रनको लक्ष्य धनगढीले १ बल बाँकी रहँदा ८ विकेट गुमाएर पुरा गर्यो। धनगढीलाई जिताउन दिपेन्द्र ऐरीले ४९ रन बनाउन २६ बलमा ४ चौका र समान छक्का प्रहार गरे।

Dipendra Singh Airee
Dipendra Singh Airee

त्यसक्रममा उनले जितका लागि अन्तिम ओभरमा १४ रनको आवश्यकता रहँदा मेहबुब आलमले गरेको ओभरबाट १७ रन बटुले।

त्यसअघि लक्ष्य पछ्याउने क्रममा धनगढीका पिटर ट्रेगोले ५३ रनको योगदान गरेका थिए। ३४ बलको सामना गरेका उनले ५ चौका र ४ छक्का प्रहार गरेका थिए।

यस्तै सूबेन्दु पाण्डे २२ रनको स्कोरमा पभेलियन फर्किंदा अन्य ब्याट्समेनले दोहोरो अंकमा रन जोड्न सकेनन्।

Dipendra Singh Airee
Dipendra Singh Airee

पोखराको बलिङ्गमा राशिद खानले सर्वाधिक ४ विकेट (४-०-२४-४) लिएपनि जित दिलाउन सकेनन्। यस्तै ललित राजबंशी र बिक्रम भुषालको नाममा समान २-२ विकेट रह्यो।

यसअघि पोखरा रंगशालाको क्रिकेट मैदानमा टस जितेर ब्याटिंगको निर्णय लिएको पोखराले पहिलो इनिंगको समाप्तिमा ८ विकेट गुमाएर १४४ रनको योगफल तयार गरेको थियो। पोखराका लागि रोहित पौडेलले सर्वाधिक ३१ रनको योगदान गरेका थिए।

Rohit Poudel
Rohit Poudel

सुरुवाती विकेट गुमाएको पोखराका लागि रोहितले २१ बलमा ४ चौका र १ छक्का सहित ३१ रन जोडेका थिए । यस्तै रभी इन्दर सिंहले व्यक्तिगत २८ रन बनाउन २६ बलमा २ चौका र समान छक्का प्रहार गरेका थिए ।

आशा गरेका ठूला नामहरुले प्रदर्शन गर्न नसक्दा पोखरा ठूलो स्कोर जोड्नबाट चुकेको थियो। पोखराका लागि शरद भेसवाकर १४, आसिफ शेख २३, बिनोद भण्डारी ७ र मेहबुब आलम ० रनमा पभेलियन फर्किएका थिए।

Ravi Inder Singh
Ravi Inder Singh

इनिंगको अन्त्यतर्फ पोखराका राशिद खानले ८ बलमा १५ रन तथा बिक्रम भुषालले ३ बलमा ८ रन जोडेका थिए।

धनगढीको बलिङ्गमा कमल सिंह ऐरीले सर्वाधिक ४ विकेट लिएका थिए। ४ ओभरको स्पेलमा कमलले १ मेडन सहित २३ रन खर्चिएर रभी इन्दर सिंह, मेहबुब आलम, बिनोद भण्डारी र मोहम्मद नाबेदलाई पभेलियन फर्काएका थिए।

यस्तै रोबिन क्षेत्रि, पिटर ट्रेगो र डेनिएल लरेन्सको नाममा समान १-१ विकेट रहेको थियो।

Dipendra Singh Airee
Dipendra Singh Airee
Mahaboob Alam
Mahaboob Alam
Lalit Rajbansi
Lalit Rajbansi





थप समाचार

EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य

चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको […]

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]