पोखरा प्रिमियर लिग – पीपीएलको बिहिबार २ महत्वपूर्ण घोषणा हुँदै

Pokhara Premier League


  • विकेटनेपाल, असोज १० – बुधबार 

नेपाली क्रिकेटमा एभरेस्ट प्रिमियर लिग ( इपिएल ) र धनगढी प्रिमियर लिग ( डीपीएल ) पछि अर्को प्रिमियर लिग प्रतियोगिता पोखरा प्रिमियर लिग यही कार्तिक ९ गते देखि २० गतेसम्म आयोजना हुँदैछ।

क्विन्स इभेन्ट्सको आयोजनामा पोखरामा हुन लागेको प्रातियोगिता नेपालकै सर्वाधिक धनराशीको हुने जसमा ६ वटा सहरको प्रतिनिधित्व गर्ने टिम हुने यस अघिनै घोषणा गरिएको छ। धनगढी प्रिमियर लिगको बिजेताले २५ लाख तथा एभरेस्ट प्रिमियर लिगको बिजेताले २१ लाख रुपैयाँ पाएका थिए। यस्तै प्रत्येक टिमले २ जना बिदेशी खेलाडी खेलाउन पाउने प्रतियोगिताको प्रत्यक्ष प्रशारण हिमालय टिभी एचडीले गर्ने यस अघि सम्झौता भइसकेको छ।

२ ठुलो घोषणा हुँदै  

पोखरा प्रिमियर लिगले बिहिबार दिउसो पत्रकार सम्मेलन आयोजना गर्दै टिमको नाम र मार्की खेलाडीहरु घोषणा गर्न लागेको हो। प्रतियोगिताको घोषणा गरे पनि हालसम्म खेल्ने टिमहरु तथा मालिकको नाम सार्वजनिक गरिएको थिएन।

यस अघि एभरेस्ट प्रिमियर लिग र धनगढी प्रिमियर लिगमा पनि मार्की वा रणनीतिक खेलाडीको घोषणा गरेको थियो। हालसम्म नेपालमा भएका टि-२० लिगमा पारस खड्का,ज्ञानेन्द्र मल्ल, शरद भेसावकर, शक्ति गौचन,बिनोद भण्डारी, बसन्त रेग्मी, सोमपाल कामि, दिपेन्द्र ऐरि मार्की खेलाडी तथा कप्तानको भूमिका निर्वाह गरेका छन्।

पोखरा प्रिमियर लिग खेलिने मैदान

राष्ट्रिय टिमबाट सन्यास लिएका खेलाडी शक्ति गौचन , प्रिमियर लिगमा असफल रहँदै आएका बिनोद भण्डारी जस्ता खेलाडीहरु मार्की प्लेयरको रुपमा पुनः घोषित हुनेछन् वा छैनन् हेर्न रोचक हुनेछ।अर्कोतर्फ डिपीएल र पीपीएलले पनि टिमहरु सहरको नामबाट नामकरण गर्दा पीपीएलले कुन कुन सहरको नाममा टिम बनाउनेछ हेर्न लायक हुनेछ।

युएई क्रिकेट टिमका कप्तान रोहन मुस्तफाले केहि दिन अघि ट्विट गर्दै आफु बुटवल ब्लास्टर्स टिमबाट पीपीएल खेल्ने बताएका थिए जसको केहि बेरमानै उनले उक्त ट्वीट हटाएका गरेका थिए। टिमको नाम अधिकारिक रुपमा घोषणा नभएको हुँदा उनले ट्वीट हटाएको अनुमान गर्न मुस्किल छैन भने अर्कोतर्फ अधिकारिक घोषणा अघिनै बुटवल ब्लास्टर्स टिम पीपीएलमा रहने भने खुलासा उनैले गरेका छन्।

अक्सनमार्फत खेलाडी छनौट , कति हुनेछ मूल्य 

टिम र मार्की खेलाडीहरुको घोषणा गरेको केहि दिन भित्रै पोखरा प्रिमियर लिगको अक्सन आयोजना हुनेछ।

प्रतियोगितामा सहभागी प्रत्येक टोलीले आफ्नो स्क्वाडमा १५-१८ खेलाडीलाई समावेश गराउनु पर्नेछ। जस्मध्ये न्यूनतम १० खेलाडीको छनौट अक्सन मार्फत हुनेछ भने हरेक टोलीमा १ मार्की खेलाडी, २ बिदेशी खेलाडी र २ स्थानीय खेलाडीलाई ” लोकल आइकन ” का रुपमा टोलीमा लिनु पर्नेछ।

प्रतियोगितामा नाम दर्ता भएका खेलाडीहरुलाई ३ समुहमा विभाजन गरिने छ। पहिलो समुहमा क्याप्ड सिनियर, दोस्रो समुहमा क्याप्ड एज लेभेल र तेस्रो समुहमा अनक्याप्ड खेलाडी रहने व्यवस्था मिलाइएको छ।

क्याप्ड सिनियरको सुचीमा नेपाली सिनियर राष्ट्रिय टोलीबाट खेलिसकेका खेलाडीलाई राखिने छ। यस समुह अन्तर्गत पर्ने प्रत्येक खेलाडीको न्युनतम मुल्य ५० हजार रुपैयाँ रहनेछ भने अधिकतम मूल्य २ लाख ५० हजारसम्म रहने छ।

यस्तै क्याप्ड एज लेभलको सुचिमा नेपाली टोलीबाट यु-१५, यु-१७, यु-१९, यु-२१ र यु-२३ खेलेका खेलाडीहरु रहने छन्। यस समुहमा रहने खेलाडीको न्युनतम मूल्य ५० हजारबाट सुरु भएर अधिकतम मुल्य १ लाख ५० हजारसम्म पुग्नेछ।

अनक्याप्ड समुहमा भने नेपाली सिनियर राष्ट्रिय टोलि र उमेर समुहको टोलीबाट नखेलेका अन्य खेलाडीलाई समावेश गरिएको छ। यस सुचिमा रहने खेलाडीको मूल्यभने न्युनतम ३० हजारबाट अधिकतम १ लाख रुपैयाँसम्म रहनेछ।





थप समाचार

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]