पोखराको लज्जास्पद ब्याटिंग, ७९ रनमै अल-आउट



पोखरा प्रिमियर लिग ( पिपिएल ) अनार्गत सोमबारको एक मात्र खेलमा पोखरा पल्टन र धनगढी ब्लुज प्रतिस्पर्धा गरिरहेका छन्।

खेलमा टस जितेर ब्याटिंग रोजेको डिफेन्डिङ च्याम्पियन पोखरा पल्टनले १६.३ ओभरमा ७९ रनमा सबै विकेट गुमाएको छ।

ठुलो अन्तरको जित हात पार्ने चक्करमा सुरुवात देखि आक्रामक ब्याटिंग गर्न खोजेको पोखराको योजना सफल हुन सकेन र सुरुवात देखि उसले लगातार विकेट गुमायो।

Anil Kharel

पोखराको लागि आसिफ शेखले सर्वाधिक ३२ रन तथा बिनोद भण्डारीले १२ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। कुशल भुर्तेल ६, शरद भेसावकर ४, रभी इन्दर सिंह ० , कुशल मल्ल २ , कृष्ण कार्की १ , रोहित पौडेल ० मै आउट भए।

धनगढीको बलिंगमा देब्रे हाते स्पिनर अनिल खरेलले ४ ओभरमा १५ रन खर्चेर ३ विकेट लिए। यस्तै दिपक पुनिया ( ४-०-१३-२ ) , कमल सिंह ऐरी ( २.३-०-२०-२ )  सागर ढकाल ( ४-०-१५-२ ) ले समान २/२ विकेट लिए।

पोखरा र धनगढी ब्लुज क्रमशः अंकतालिकामा पाँचौ र छैठौं रहेका छन्। दुवै टिमले ४ खेलमा १ जित र ३ हार बेहोर्दै २ अंक बटुलेको छ।

आजको खेलमा जित हात पारेता पनि दुवै टिमको लागि प्लेअफ सम्भावना लगभग सकिएको छ। दुवैको नेट रन रेट निकै कम ( पोखराको -१.१०६ , धनगढीको -२.३६४ ) रहेको छ। चितवन ८ अंक र बुटवल ६ अंक सहित प्लेअफ प्रवेश गरिसकेको छ। यो अवस्थामा हाल ४ अंक सहित तेश्रो स्थानमा रहेको टिम काठमाडौँ गोल्डेन वारियर्सलाई पछि पार्ने दाउमा बिराटनगर, पोखरा र धनगढीको रहेको छ।

अब लिगमा पोखरा र धनगढी, बिराटनगर र बुटवल तथा चितवन र काठमाडौँले प्रतिस्पर्धा गर्न बाँकी रहेको छ। काठमाडौँले मंगलबार चितवनलाई पराजित गरेमा बिना अवरोध प्लेअफ प्रवेश गर्नेछ। आजको खेलमा पोखरा र धनगढी मध्ये एक टिम विजयी भएर ४ अंक बटुलेता पनि काठमाडौँको नेट रन रेट १.३०१ हुँदा काठमाडौँले आगामी खेलमा हार बेहोरेता पनि काठमाडौँलाई नेट रन रेटमा पछि पार्नु असम्भव जस्तो हुनेछ।

पोखरा र धनगढी भन्दा बिराटनगरको सम्भावना बढी रहेको छ। बिराटनगर प्लेअफ पुग्न काठमाडौँले चितवनसंग हार्नु पर्नेछ र बिराटनगरले बुटवललाई राम्रो अन्तरले पराजित गर्नुपर्नेछ। यसो भएमा काठमाडौँ र बुटवलको समान ४ अंक हुन्छ र नेटरन रेटमा अघि बढ्ने टिमको फैसला हुनेछ।

अंकतालिका हेर्दा कुनै चमत्कारिक नतिजा नआएको खण्डमा काठमाडौँ प्लेअफ पुग्ने तेश्रो टिम हुने पक्का पक्कि जस्तो छ।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]