पोखराको सहज जित, काठमाण्डौको सेमीफाइनल यात्रा कठिन



  • विकेटनेपाल, पौष ७ – शुक्रबार

किर्तिपुर मैदानमा भएको दिनको पहिलो खेलमा पोखराले काठमाण्डौमाथि १० बल अगावै ६ विकेटको सहज जित हात पारेको छ । यो सँगै काठमाण्डौको सेमीफाइनल यात्रा कठिन बनेको छ ।

|| स्कोरकार्ड || अंक तालिका ||

काठमान्डौ ४ खेलमध्य ३ खेलमा पराजित भएको छ भने १ खेलमा जित हात पार्दा २ अंक रहेको छ भने बिराटनगर र भैरहवाले खेलेका दुवै खेलमा जित हात पार्दै ४ अंक बनाएका छन्, त्यस्तै आजको जितपछि पोखराको पनि ३ खेलबाट ४ अंक भएको छ । ललितपुरले काठमाण्डौले भन्दा १ खेल कम खेलेको छ र उसको पनि समान २ अंक रहेको छ भने पुच्छारको चितवन खेलेका दुवै खेलमा पराजित भएको छ ।

९९ रनको लक्ष्य पाएको पोखराले मात्र ४ विकेट गुमाएर १८.२ ओभरमा लक्ष्य पुरा गर्यो । पाकिस्तानी खेलाडी इस्रार उल्लाहले अविजित ४४ रनको पारि खेल्नेक्रममा ४७ बलमा २ छक्का र ३ चौका प्रहार गरे । त्यस्तै सुनिल धमलाले २० रन बनाउदा बिनोद भण्डारी ३, असिफ अलि ४ र राजेश पुलामी ८ रनमा आउट भए । कप्तान शक्ति गौचनले अविजित १८ रन बनाउने क्रममा ३ चौका सहित १८ बल खेले ।

बलिंगतर्फ सागर पुनले २ तथा बिक्रम भुसालले १ विकेट लिए पनि जितका लागि पर्याप्त हुन सकेन ।

पहिले ब्याटिंग गरेको काठमाण्डौ किंग्स ११ ले सामान्य प्रदर्शन गर्दै २० ओभरको समाप्तीमा ८ विकेट गुमाएर ९८ रन बनाएको थियो ।

पहिलो ओभरमा नै ओपनर अमित श्रेष्ठ र कप्तान फर्वीज महरूफ़लाई शुन्य रनमा गुमाएको उसका लागि अर्का ओपनर सागर पुनले धैर्यसाथ खेल्दै टिमलाई सम्हालेका थिए । सागर पुनले शक्ति गौचनको बलमा क्याच आउट हुनु अघि ३७ रन बनाउन ४३ बल खेले जसमा १ छक्का र २ चौका सामेल थियो ।

त्यस्तै राजु रिजालले २९ बलमा १७, सोमपाल कामिले १७ बलमा १० रन बनाउदा सिद्धान्त लोहनी ४, अक्ष्यु फर्नान्डो ७, अमर सिंह रौटेला ६ रन बनाएर आउट भए । बिक्रम भुसालले ६ बलमा अविजित ८ तथा एस कुमारले अविजित १ रन बनाए ।

पोखराका लागि कप्तान शक्ति गौचनले २० रन खर्चेर अमर सिंह रौटेला र सागर पुनलाई आउट गरे, सुशन भारी र बिक्रम सोबले पनि समान २ विकेट हात पार्दा ताज वली र इस्रार उल्लाहले समान १ विकेट लिए ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]