५ बर्षपछि अर्धशतक बनाएका प्रदिप ऐरी ‘म्यान अफ द म्याच’

Pradeep Airee


  • विकेटनेपाल, २३ असोज 

मलेसियामा जारि आईसीसी ट्वान्टी-२० विश्वकप छनौट एसिया (पूर्वी) प्रतियोगिता अन्तर्गत नेपालले लगातार चौथो जित दर्ता गर्ने क्रममा भुटानलाई ११७ रनको बिशाल अन्तरले पराजित गर्यो।

पहिले ब्याटिंग गर्दै नेपालले दिएको १५१ रनको लक्ष्य पछ्याउने क्रममा भुटानले ३३ रनमै सम्पूर्ण विकेट गुमाउन पुग्यो। नेपालको जितमा ब्याटिंगतर्फ प्रदिप ऐरिले सर्वाधिक ७५ रनको योगदान दिए। यस्तै बलिङ्गतर्फ ललित राजबंशी र सन्दिप लामिछानेले ३/३ विकेट तथा बसन्त रेग्मीले २ विकेट हात पारे।

प्रदिप ऐरि प्लेयर अफ द म्याच 

३ बर्ष पछि राष्ट्रिय टिममा पुनरागमन गरेका प्रदिप ऐरि प्रतियोगिताको पहिलो खेलमा म्यानमारसंग खाता नखोलि आउट हुँदा त्यसपछिको २ खेल थाईल्याण्ड र मलेसियासंग खेल्न पाएनन्।

चौथो खेलमा पुनः ओपनिङ्ग गर्ने मौका पाएका ऐरिलले धैर्यतापूर्ण ब्याटिंग गर्दै अन्तिमसम्म अविजित रहँदै ७५ रन बनाए। ६८ बलको सामना गरेका उनले ६ चौका र २ छक्का प्रहार गरे। यही इनिंगको लागि उनलाई खेलको प्लेयर अफ द म्याच समेत चुनियो।

५ बर्षपछि अर्धशतक 

राष्ट्रिय टिमको लागि प्रदिप ऐरिको यो सर्वाधिक स्कोर पनि हो। यस अघि ऐरिले सन् २०१२ को टि-२० बिश्वकप छनौटमा डेनमार्कसंग ६५ रन बनाएका थिए। ७५ रन बनाए पनि ऐरि टि-२० क्रिकेटमा एकै इनिंगमा सर्वाधिक रन बनाउने नेपाली ब्याट्सम्यान भने बन्न सकेनन्। टि-२० क्रिकेटमा मेहबुब आलमले सन् २०११ को एसीसी टि-२० मा साउदी अरबसंग बनाएको ८८ रननै अहिले सम्म नेपाली ब्याट्सम्यानले बनाएको सर्वाधिक स्कोर हो।

Pradeep Airee
Pradeep Airee

सन् २०१० को डिभिजन-४ मा सिनियर नेपाली टिम लागि डेब्यु गरेका ऐरिले हालसम्म टि-२० र ५० ओभर गरि ५ वटा अर्धशतक पुरा गरेका छन्।

अन्तिम पटक उनले सन् २०१३ को आईसीसी बिश्व क्रिकेट लिग डिभिजन-३ को फाइनलमा युगान्डालाई पराजित गर्ने क्रममा अर्धशतक बनाएका थिए। त्यस खेलमा उनले ओपनिङ्ग गर्दै ९५ बलमा ४ छक्का र ५ चौका मदतले ६० रन बनाएका थिए। त्यस खेलमा पनि प्रदिप ऐरिनै प्लेयर अफ द म्याच चुनिएका थिए।

ऐरिले बनाएका अर्धशतकहरु – 

७५ रन –  बिरुद्ध भुटान ( सन् २०१८ टि-२० बिश्वकप एसिया पूर्वी छनौट )
६० रन – बिरुद्ध युगान्डा ( सन् २०१३ आईसीसी बिश्व क्रिकेट लिग डिभिजन-३ फाइनल )
५८ रन – बिरुद्ध युएई ( सन् २०१३ एसीसी टि-२० सेमीफाइनल )
५९ रन – बिरुद्ध माल्दिभ्स ( सन् २०१३ एसीसी टी-२० )
६५ रन – बिरुद्धडेनमार्क ( सन् २०१२ आईसीसी टि-२० बिश्वकप छनौट )

प्रदिप ऐरिले प्रहार गरेको ५ अर्धशतक मध्ये डेनमार्कसंग बाहेक अन्य ४ वटा खेलमा एरि प्लेयर अफ द म्याच घोषित भएका थिए। डेनमार्कसंगको खेलमा प्रदिपको प्लेयर अफ द म्याच अवार्ड शक्ति गौचनले ह्याट्रिक लिंदै खोसेका थिए।





थप समाचार

अस्ट्रेलिया बिरुद्ध बंगलादेशको ऐतिहासिक जित, नसुमको घातक बलिंग

अस्ट्रेलियाको बंगलादेश भ्रमण अन्तर्गत पाँच खेलको टि-२० अन्तर्राष्ट्रियको सिरिज अन्तर्गत पहिलो खेलमा घरेलु टोलि बंगलादेशले अस्ट्रेलियालाई २३ रनले पराजित गर्दै […]

क्रिकेटको व्यवस्थापनमा पुग्ने पारसको उद्देश्य

मंगलबार अन्तर्राष्ट्रिय क्रिकेट बाट सन्यास घोषणा गरेका नेपाली राष्ट्रिय क्रिकेट टिमका पूर्वकप्तान पारस खड्काले दुई वर्ष पछि हुने नेपाल क्रिकेट […]

पहिलो एकदिवसीय अन्तर्राष्ट्रिय जितको ३ वर्ष पुरा, पुनः याद गर्नुस १ रनको सनसनीपूर्ण जित

आजकै दिन २०१८ अगस्ट ३ तारिखमा नेपालले नेदरल्याण्डलाई पराजित गर्दै एकदिवसीय अन्तर्राष्ट्रिय क्रिकेटमा पहिलो जित दर्ता गरेको थियो। सोहि वर्ष […]

अन्तर्राष्ट्रिय क्रिकेटबाट पारसको सन्यास घोषणा, यस्ता थिए प्रमुख उपलब्धि

राष्ट्रिय क्रिकेट टिमका पूर्वकप्तान पारस खड्काले अन्तर्राष्ट्रिय क्रिकेटबाट सन्यास लिएका छन्। ३४ वर्षीय खेलाडीले सामाजिक संजालमार्फत अन्तर्राष्ट्रिय खेल जीवन अन्त्य गर्ने […]

इंग्ल्यान्ड बिरुद्ध पहिलो टेस्टबाट मायाँक अग्रवाल बाहिर

इंग्ल्यान्ड भ्रमण अन्तर्गत अगस्ट ४ तारिख बुधबारबाट सुरु हुने पाँच खेलको टेस्ट सिरिज अन्तर्गत पहिलो टेस्टबाट भारतीय ओपनर मायाँक अग्रवाल […]

युएईले घोषणा गर्यो आफ्नै ‘प्रिमियर लिग टि-२०’

ईण्डियन प्रिमियर लिग ( आईपीएल ) र आईसीसी टि-ट्वान्टी विश्वकप पछि युएईको ईमिरेट्स क्रिकेट बोर्ड ( ईसीबि ) ले आफ्नै […]