प्रदेश स्तरीय क्रिकेट : बारालाई उपाधि



२८ पुष, कलैया ।

प्रधानमन्त्री कप राष्ट्रिय क्रिकेट प्रतियोगिताको लागि प्रदेश नं. २ अन्तर्गत प्रदेश स्तरीय छनौट क्रिकेट प्रतियोगितामा बाराले पर्सालाई १ सय २७ रनको बिशाल अन्तरले पराजित गर्दै विजयी ट्रफी जितेको छ।

सिद्धेश्वर क्रिकेट मैदान कलैयामा मंगलवार सम्पन्न फाईनलमा बाराले टसजिती पहिलो ब्याटिंग गर्ने निर्णय गर्दै निर्धारित ५० ओभरको खेलमा ४९ ओभरमा सम्पुर्ण विकेट गुमाई १ सय ७७ रनको योगफल तयार गरेको थियो। बाराका लागि तिर्थराज दासले १ सय २५ बलमा ४ चौका र २ छक्काको मद्धतले ७६ रनको तथा रवि साह ४२ रनको योगदान दिएका थिए ।

बलिंग तर्फ पर्साका अल्फाज मंसुरीले ३ विकेट तथा समसाद अन्सारी र नसरुदिन अन्सारीले सामान २ विकेट लिएका थिए । अन्य बलरमा सैफुल्लाह अन्सारी, हासिम अन्सारी र समसाद मन्सुरीले सामान १ विकेट लिए।

सप्तरीका महबुब आलम प्रतियोगिताकै उत्कृस्ट खेलाडी चुनिए

१ सय ७८ रनको लक्ष्य लिई मैदानमा ओर्लेको पर्सा आदिल अन्सारीको घातक बलिंग सामु निरिह हुदै २२ ओभर ५ बलमा सम्पुर्ण विकेट गुमाई ५० रनमै समेटिएको थियो । आदिलले ६ ओभर ५ बलमा २ मेडन सहित ९ रन दिई ५ विकेट लिए । अन्य बलरमा समिर नेपालले २ तथा भुलावन साहनी र कुमार थापाले सामान १ विकेट लिए । कुमार थापाले आफनो ५ ओभरको स्पेलमा ५ वटै मेडन ओभर गरेका थिए । पर्साका लागि सन्तोष कार्किले १३ रन र सोनु अन्सारीले ११ रन बाहेक कसैले दोहोरो अंक छुन सकेका थिएनन् ।

खेलको म्यान अफ द म्याच बाराका आदिल अंसारी भएका थिए । प्रतियोगिता अन्तर्गत बेष्ट बलर बाराका आदिल अंसारी, बेष्ट ब्याटसम्यान महोतरीका रवि सिंह तथा म्यान अफ द सेरिज सप्तरीका मेहबुब आलम भएका थिए । विजेता खेलाडिहरुलाई प्रदेश क्रिकेट संघका अध्यक्ष हिरा भगत, जिल्ला क्रिकेट संघ बाराका अध्यक्ष प्रभात चौरसिया, कलैया उपमहानगरपालिकाका मेयर राजेश राय यादव, पुर्व अन्तर्राष्ट्रिय खेलाडि पवन अग्रवाल, कलैया क्रिकेट क्लबका अध्यक्ष तसरुदिन मन्सुरी लगायतले ट्रफि तथा प्रमाण पत्र बितरण गरेका थिए ।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]