प्रम कप : पुलिस सेमीफाइनलमा



समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ।

समुह ‘बि’ बाट समुह विजेताको रुपमा यस अघिनै ज्ञानेन्द्र मल्ल कप्तानीको बागमती प्रदेश सेमीफाइनल प्रवेश गरेको थियो। सेमीफाइनलमा अब पुलिसले समुह ‘ए’ को विजेताको तथा बागमतीले समुह ‘ए’ को उपविजेताको सामना गर्नेछ। समुह ‘ए’ बाट एपीएफ र आर्मी बीचको खेल जित्ने टिम विजेता र हार्ने टिम उपविजेताको रुपमा सेमीफाइनल प्रवेश गर्नेछ। प्रदेश-२ भने सबै ४ वटा खेलमा पराजित हुन पुग्यो।

मुलपानी मैदानमा सम्पन्न खेलमा प्रदेश-२ ले दिएको १७० रनको लक्ष्य पुलिसले ६ विकेट गुमाएर ३८ ओभरमा भेटायो। स्कोरकार्डअंकतालिका 

पुलिसको जितमा विकेटकिपर ब्याट्सम्यान अनिल साहले सर्वाधिक अविजित ४७ रन बनाए। यस्तै कुशल भुर्तेलले ४३, दिपेन्द्र ऐरी र अमित श्रेष्ठले समान १७ रन, सुनिल धमलाले १३ तथा मन्जित श्रेष्ठले अविजित १२ रन योगदान दिए।

सुनिल धमला र कुशल भुर्तेलले ४६ रनको ओपनिंग साझेदारी गरेता पनि पुलिसले त्यसपछि नियमित अन्तरलमा विकेट गुमाएको थियो। चौथो नम्बरमा आएका अनिलले एक किनार सम्हाल्दै टिमलाई जितसम्म पुर्याए।

Lalit Rajbanshi

प्रदेश-२ को बलिंगमा बिबेक यादब र कुमार थापाले समान ३ विकेट लिए।

यस अघि टस हारेर ब्याटिंग गरेको प्रदेश-२ ले निर्धारित ४७ ओभरमा ९ विकेट गुमाएर १६९ रन बनाएको थियो। पिच भिजेकाले खेल ढिला सुरु हुँदा ४७ ओभरमा घटाइएको थियो।

प्रदेश-२ को लागि ओपनर हरिशंकर शाहले सर्वाधिक ५३ रन योगदान दिए जुन क्रममा ८४ बलमा ५ चौका र १ छक्का प्रहार गरे। उनले यस अघि सुदूरपश्चिम बिरुद्धको खेलमा पनि अर्धशतक बनाएका थिए। हिमांशु दत्ताले १६, आदील अन्सारीले १५ रन, सुरज कुर्मीले १३ रन, रभी सिंह र बिशाल सुश्लिंगए समान १२ रन योगदान दिए।

पुलिसको बलिंगमा ललित राजबंशीले सर्वाधिक ४ विकेट लिए जुन क्रममा ८ ओभरमा १ मेडन ओभर गर्दै ३७ रन खर्चिए। सागर ढकालले २ तथा पवन सर्राफले १ विकेट लिए।

स्कोरकार्डअंकतालिका 





थप समाचार

पीएसएल : खेलाडीलाई कोरोना देखिएपछि इश्लामावाद र क्वेटा बीचको खेल स्थगित

पाकिस्तान सुपर लिग अन्तर्गत क्वेटा ग्ल्याडीएटर्स र इश्लामावाद युनाइटेड बीच सोमबार रातिको खेल १ दिन सारिएको छ। इश्लामावाद युनाइटेडका अस्ट्रेलियन […]

एलपीएल स्कुल क्रिकेट : गजेन्द्र चम्किदा हिमालयन ह्याइट हाउस विजयी

धनगढी : धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग (एलपिएल) अन्तर्गत आज भएका खेलमा रुपन्देहीको […]

रुपन्देही सुपर लिग : बुद्ध क्रिकेट क्लब सेमिफाइनलमा

प्रकाश न्यौपाने, भैरहवा, फागुन १७ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत सोमबार भएको डिभिजन […]

मेयर कप : ‘काठमाडौँ मेयर-११’ टिमको घोषणा, लुम्बिनीबाट सर्वाधिक ५ खेलाडी

फाल्गुन २२ गते देखि काठमाडौँमा सुरु हुने काठमाडौँ मेयर कप पहिलो संस्करणको लागि ‘काठमाडौँ मेयर-११’ टिमको घोषणा गरिएको छ। यही […]

गौतम बुद्ध रंगशालाको लागि ‘मेरो कुर्सि’ अभियानको घोषणा, ३ अर्ब रुपैयाँ संकलन हुने आशा

चितवनको भरतपुर नगरपालिका वडा नबर-१५ मा निर्माणाधीन गौतम बुद्ध अन्तर्राष्ट्रिय क्रिकेट रंगशालालाई सहयोग गर्न धुर्मुस सुन्तली फाउन्डेसनले नयाँ अभियानको घोषणा […]

न्याभ कप अस्ट्रेलिया : एक्स्पर्ट सगरमाथालाई उपाधि

अस्ट्रेलियाको नेपाल एसोसिएसन अफ भिक्टोरियाद्वारा आयोजित १६ औं संस्करणको न्याभ कप क्रिकेट प्रतियोगिताको उपाधि एक्स्पर्ट सगरमाथा स्टार्स क्लबले जितेको छ। […]